Dyma eich atgoffa, os oes gennych blentyn mewn ysgol gynradd yn Wrecsam (derbynfa i flwyddyn 6), mae gan eich plentyn hawl i bryd ysgol am ddim – waeth beth fo’ch sefyllfa ariannol.
Mae hyn diolch i raglen Prydau Ysgol Gynradd Cyffredinol Am Ddim Llywodraeth Cymru, sydd ar waith ers 2022 ac sy’n rhan o ymateb Llywodraeth Cymru i’r pwysau costau byw cynyddol ar deuluoedd, mynd i’r afael â thlodi plant a sicrhau nad oes unrhyw blentyn yn mynd yn llwglyd yn yr ysgol.
Peidiwch â cholli’r cyfle hwn i gael pryd ysgol poeth maethlon i’ch plentyn – am ddim!
A ydych chi hefyd yn gymwys i gael Grant Hanfodion Ysgol?
Os ydy’ch aelwyd yn ennill incwm isel, gallai hefyd fod hawl gennych i gael help ychwanegol drwy’r Grant Hanfodion Ysgol sy’n cynnwys cymorth i gael gwisg ysgol, offer chwaraeon a dyfeisiau.
Gwnewch yn siŵr eich bod yn gwirio p’un a ydych yn gymwys fel bod eich plentyn yn hawlio popeth sydd ar gael. Gallwch ddysgu mwy ar y Dudalen Grant Hanfodion Ysgol ar ein gwefan.
Beth os ydy’ch plentyn yn yr ysgol uwchradd?
Os yw’ch cartref ar incwm isel ac mae gennych blant yn yr ysgol uwchradd, efallai y bydd gennych hawl i brydau ysgol am ddim hefyd. Gallwch wneud cais ar y Dudalen Prydau Ysgol Am Ddim ar ein gwefan i wirio a ydych chi’n gymwys.
A ydy eich sefyllfa ariannol wedi newid yn ystod y flwyddyn ddiwethaf?
Os nad ydy’ch plentyn ar hyn o bryd yn derbyn Prydau Ysgol Am Ddim neu’r Grant Hanfodion Ysgol ar hyn o bryd, ond mae eich amgylchiadau wedi newid eleni, efallai y bydd gan Wrecsam gymorth ar gael i chi. Nid oes rhaid i gymorth ddechrau gyda’r flwyddyn academaidd, felly gwnewch gais am Prydau ysgol am ddim a’r Grant Hanfodion Ysgol i weld a allwch chi eu hawlio.
Dwedodd y Cynghorydd Phil Wynn, yr Aelod Arweiniol dros Addysg: “Er y bydd pob plentyn ysgol gynradd yn derbyn pryd o fwyd am ddim yn yr ysgol, mae mwy o gymorth ar gael i deuluoedd incwm isel – gan gynnwys y rhai sydd â phlant yn yr ysgol uwchradd. Ewch i’n gwefan a gwneud cais, hyd yn oed os ydy’ch plentyn yn derbyn Prydau Ysgol Am Ddim Cynradd Cyffredinol, oherwydd os ydy’ch cais yn llwyddiannus, efallai y byddwch hefyd yn gallu cael mynediad at y Grant Hanfodion Ysgol, sy’n gam pwysig tuag at ddileu rhwystrau i addysg plant.”
Plentyn yn dechrau yn yr ysgol gynradd? Bydd angen cyfrif Parent Pay arnoch
Er mwyn i’ch plentyn dderbyn Prydau Ysgol am Ddim i Holl Blant Ysgolion Cynradd, bydd angen cyfrif arnoch ar wefan Parent Pay www.parentpay.com. Dyma i agor cyfrif:
- E-bostwch schoolmeals@wrexham.gov.uk gydag enw llawn eich plentyn, dyddiad geni ac enw ei ysgol, a gofyn am god actifadu Parent Pay
- Byddwch yn derbyn cod actifadu i roi eich cyfrif ar waith
Os oes gennych unrhyw gwestiynau am gymorth ariannol sydd ar gael i’ch plentyn tra byddant yn yr ysgol, gallwch gysylltu â ni yn freeschoolmeals@wrexham.gov.uk.
Bydd angen i chi archebu prydau ysgol ymlaen llaw ar Parent Pay hefyd. Mae hyn yn helpu ysgol eich plentyn oherwydd mae’n golygu nad oes rhaid i athrawon golli amser addysgu gwerthfawr yn cymryd archebion prydau. Mae hefyd yn golygu bod eich plentyn yn cael ei ddewis cyntaf o bryd bwyd ac yn ein helpu i leihau gwastraff. Ar ôl i chi sefydlu ar Parent Pay, byddwch yn gallu archebu prydau bwyd eich plant hyd at bythefnos ymlaen llaw.
Derbyniwch y newyddion a’r wybodaeth ddiweddaraf yn syth i’ch mewnflwch.
