Os ydych chi’n mynd i gêm Wrecsam y penwythnos hwn, cofiwch fod y gwasanaeth parcio a theithio yn cynnig lle parcio rhad, cyfreithlon a chyfleus i chi (a dim perygl o gael tocyn parcio!)
Nod y gwasanaeth parcio a theithio ar Ffordd Rhuthun yw atal parcio anghyfreithlon, peryglus ac anystyriol – sy’n well i gefnogwyr sy’n mynd i’r gêm ac i drigolion sy’n byw o fewn pellter cerdded i’r Cae Ras.
Wrecsam yn erbyn Norwich
Wrecsam yn erbyn Norwich | Dydd Sadwrn, 17 Ionawr | cic gyntaf am 3pm
Cyn y gêm
Parcio y tu allan i swyddfeydd Cyngor Wrecsam ar Ffordd Rhuthun, Wrecsam LL13 7TU.
Bydd bysus yn rhedeg bob 20 munud gan ddechrau am 1pm; bws olaf 2.20pm.
Ar ôl y gêm
Bydd bysus yn rhedeg bob 20 munud gan ddechrau am 5pm o Ffordd yr Wyddgrug; bws olaf 6.20pm.
Mae pob bws ar ôl y gêm nawr yn rhedeg o Ffordd yr Wyddgrug.
Dim ond £1 am daith ddwyffordd i oedolion (50c i blant)
Maes parcio’n cau am 7pm.
Dywedodd y Cynghorydd David A Bithell, yr aelod arweiniol dros newid hinsawdd: “Mae’r cynnydd yn nifer cefnogwyr Clwb Pêl-droed Wrecsam wedi bod yn wych i’r fwrdeistref sirol, ond mae wedi arwain at fwy o alw am leoedd parcio ar ddiwrnodau gemau a bydd hynny’n cynyddu eto pan fydd yr eisteddle newydd yn cael ei adeiladu. Rydym wedi gweithio gydag Arriva North West & Wales i weithredu a gwella’r gwasanaeth bws wennol pwrpasol sy’n gweithio ochr yn ochr â’r parcio sydd ar gael ar ddiwrnodau gemau ar ein safle yn Ffordd Rhuthun, a fydd yn gweithredu drwy gydol y tymor.
“Ar hyn o bryd mae digon o leoedd ar gael ar bob diwrnod gêm ac mae ond yn costio £1 am docyn bws dychwelyd i Ffordd yr Wyddgrug. Rwy’n annog pawb i ddefnyddio’r gwasanaeth parcio a theithio er mwyn gwneud yn siŵr y gallwn barhau i’w weithredu yn y tymhorau i ddod.”
