Fis diwethaf, lansiodd Cyngor Wrecsam ddau ymgynghoriad i leihau’r niferoedd derbyn mewn dwy ysgol gynradd: Ysgol Gynradd Gymunedol Penygelli ac Ysgol Maes y Mynydd.
Fel rhan o’r ymgynghoriad hwn, mae Cyngor Wrecsam yn gwahodd y rhai yr effeithir arnynt i ddarganfod mwy a thrafod y cynigion mewn sesiynau galw heibio y mis hwn.
Ysgol Gynradd Gymunedol Penygelli
Os hoffech ddarganfod mwy am Ysgol Gynradd Gymunedol Penygelli, dyma’r manylion sydd eu hangen arnoch:
Ble: Canolfan Adnoddau Plas Pentwyn, Heol-y-castell, Coed-poeth, LL11 3NU
Pryd: Dydd Mawrth 13 Ionawr 2026, 9.30am-12.30pm
Ysgol Maes y Mynydd
Os hoffech wybod am Ysgol Maes y Mynydd, dyma’r manylion sydd eu hangen arnoch:
Ble: The Stiwt, Broad Street, Rhosllanerchrugog LL14 1RB
Pryd: Dydd Mawrth, 20 Ionawr, 2026, 9.30am-12.30pm
Mae’r holl wybodaeth am y ddau ymgynghoriad i’w gweld yn ein herthygl flaenorol ar yr ymgynghoriadau ar gyfer y ddwy ysgol.
Ar gyfer pwy mae hyn?
Mae’r ddwy sesiwn galw heibio yn agored i unrhyw un sydd eisiau dysgu mwy am y cynnig a rhannu eu barn wyneb yn wyneb.
Bydd yr ymgynghoriad yn para tan 2 Chwefror, 2026.
