Mae casgliadau biniau ac ailgylchu ar fin cael eu hailgyflwyno ar ddydd Llun Gŵyl y Banc er mwyn ceisio gwneud y gwasanaeth yn fwy amlwg, yn fwy dibynadwy ac yn haws i drigolion ei ddilyn.
Yn y gorffennol, pan oedd diwrnod casglu biniau arferol cartref yn digwydd ar ddydd Llun Gŵyl y Banc, ni fyddai trigolion yn yr ardaloedd hynny yn cael eu biniau wedi’u casglu yr wythnos honno, gan arwain at ddryswch, casgliadau yn cael eu methu, biniau’n gorlenwi a chynnydd mewn cwynion.
Mae ailgyflwyno gwaith ar ddydd Llun Gŵyl y Banc yn golygu y bydd trigolion sydd â chasgliadau ar ddydd Llun fel arfer yn gallu rhoi eu biniau a’u hailgylchu allan yn ôl yr arfer, hyd yn oed ar Ŵyl y Banc.
Mae’r newid wedi’i gynllunio i gynyddu lefelau ailgylchu, gwella lefelau cyfranogiad, rhoi mwy o hyder i drigolion yn eu casgliadau a lleihau nifer y cwynion sy’n gysylltiedig â tharfu ar Ŵyl y Banc.
Dywedodd y Cynghorydd David A Bithell, yr Aelod Arweiniol dros yr Amgylchedd, “Mae hwn yn gam cadarnhaol i drigolion ac i’n gwasanaeth gwastraff ac ailgylchu.”
“Rydyn ni’n gwybod bod dydd Llun Gŵyl y Banc wedi achosi dryswch a rhwystredigaeth yn y gorffennol, yn enwedig i gartrefi a fyddai fel arall yn colli casgliad neu’n cael diwrnod casglu amgen. Trwy ailgyflwyno’r casgliadau hyn, rydyn ni’n gwneud y gwasanaeth yn fwy amlwg, yn fwy cyson ac yn haws.
“Mae gwella perfformiad o ran ein hailgylchu a chyrraedd ein targedau statudol yn allweddol, bydd hyn yn helpu i gefnogi gwell arferion ailgylchu, gwella cyfranogiad a rhoi mwy o hyder i drigolion y bydd eu biniau a’u hailgylchu yn dal i gael eu casglu ar eu diwrnod arferol.”
Bydd y newid yn berthnasol o Awst 31, 2026.
Atgoffir trigolion i osod eu biniau a’u cynwysyddion ailgylchu allan erbyn 7:30am ar eu diwrnod casglu arferol.
Mae rhagor o wybodaeth am gasgliadau gwastraff ac ailgylchu ar gael ar dudalen we ‘Biniau ac Ailgylchu’ Cyngor Wrecsam.
