Mae’r apêl cotiau gaeaf i blant yn ôl, gyda thrigolion yn cael eu hannog i roi cotiau o ansawdd da nad oes eu hangen arnyn nhw mwyach i helpu i gadw plant lleol yn gynnes yn ystod y gaeaf.
Mae’r Hwb Lles yn derbyn rhoddion o gotiau gaeaf ar gyfer plant 4-16 oed, a dylen nhw fod yn lân ac mewn cyflwr da.
P’un a yw’n gôt mae eich plentyn wedi tyfu allan ohoni neu’n un sydd ddim yn cael ei defnyddio mwyach, gallai gael bywyd newydd wrth helpu teulu arall yn Wrecsam.
Mae’r apêl flynyddol eisoes wedi dangos y gwahaniaeth y gall cotiau ail law ei wneud.
Y llynedd, derbyniodd 156 o blant gôt gaeaf drwy’r apêl, gyda chotiau wedi’u dosbarthu trwy ysgolion lleol, sefydliadau trydydd sector a gwasanaethau’r cyngor.
Dywedodd y Cynghorydd Rob Walsh, yr Aelod Arweiniol dros Wasanaethau Plant a Theuluoedd, “Mae côt gynnes yn rhywbeth y dylai pob plentyn ei chael wrth i ni gyrraedd y misoedd oerach, ac mae’r apêl hon yn ffordd i bobl ledled Wrecsam wneud gwahaniaeth gwirioneddol i deuluoedd lleol.
Y llynedd, helpodd yr apêl 156 o blant, sy’n dangos pa mor werthfawr y gall y rhoddion hyn fod.
Os oes gennych chi gôt plentyn gartref sy’n lân, mewn cyflwr da ac nad oes ei hangen mwyach, rydw i’n eich annog i ystyried ei rhoi a helpu plentyn arall i gadw’n gynnes yn ystod y gaeaf.”
Mae’r cynllun yn helpu i sicrhau bod plant yn cael dillad cynnes addas yn ystod y misoedd oerach, wrth gynnig cymorth ymarferol i deuluoedd sy’n wynebu pwysau ychwanegol ar gyllideb eu haelwyd hefyd.
Gyda’r gaeaf yn agosáu unwaith eto, gofynnir i drigolion gefnogi apêl eleni a helpu i sicrhau bod mwy o blant ledled Wrecsam yn gallu cadw’n gynnes.
Gellir gadael cotiau yn:
Yr Hwb Lles
Adeiladau’r Goron
Wrecsam
LL13 8BG
Os ydych chi’n gadael rhoddion ar ôl 4pm, gellir gwneud hynny yn:
Canolfan Byd Dŵr
Wrecsam
LL13 8DH
Dylai’r holl gotiau a roddir fod yn lân, mewn cyflwr da ac yn addas i blant 4-16 oed.
Os oes gennych chi hen gôt gartref nad oes ei hangen mwyach, ystyriwch ei rhoi a helpu plentyn arall yn ystod y gaeaf.
