Erthygl Gwadd – Llyfrgelloedd Wrecsam a Thîm Gwyl Geiriau Wrecsam
Mae gŵyl lenyddol Wrecsam yn galw ar dditectifs dirgelwch llofruddiaeth lleol i gymryd rhan yn eu cystadleuaeth ysgrifennu sgriptiau blynyddol. Mae Gŵyl Geiriau Wrecsam yn cynnal noson dirgelwch llofruddiaeth flynyddol yn ystod ei dathliad blynyddol o lyfrau, darllen ac awduron ac mae’n galw am gyflwyno sgriptiau ar gyfer digwyddiad 2027.
Mae’r gystadleuaeth yn gofyn i ymgeiswyr greu sgript pedair rhan, ynghyd â chyfaddefiad, ar gyfer dau gymeriad gwrywaidd a dau gymeriad benywaidd ac mae digon o sgôp i ehangu’r senario trwy osod cyd-destun y llofruddiaeth a’r ymchwiliad, a thrwy nodi’r lleoliad a’r cyfnod y mae’n digwydd. Does dim ffi am gymryd rhan yn y gystadleuaeth. Bydd y sgript fuddugol yn cael ei chyflwyno gan bedwar actor amatur a fydd yn darllen/actio rhan pob cymeriad yn nigwyddiad Dirgelwch Llofruddiaeth Gŵyl Geiriau Wrecsam ar 28 Ebrill 2027.
Mae’r gallu i gynnwys y gynulleidfa yn y dirgelwch llofruddiaeth wrth iddyn nhw chwarae rôl ditectif yn allweddol. Mae curadu’r cymeriadau yn y sgript yn hanfodol i lwyddiant y plot, gydag arc y naratif yn ei gwneud hi’n glir i ba gyfeiriad mae’r stori’n mynd. Yr awdur sydd i ddewis pa mor gynnil neu amlwg maen nhw eisiau bod gyda’r cliwiau a bydd angen i chi gamarwain bob hyn a hyn!
Bydd y gystadleuaeth ar agor rhwng 1 Awst 2026 a 30 Hydref 2026 a bydd yn cael ei beirniadu gan awdur trosedd lleol adnabyddus a llwyddiannus. Mae gwobr o £100 a bydd y sgript fuddugol yn cael ei pherfformio yng Ngŵyl Geiriau Wrecsam 2027. Bydd yr enillydd yn cael ei gyhoeddi yn y digwyddiad lansio cyhoeddus ar gyfer yr Ŵyl Geiriau ym mis Mawrth 2027.
Mae Gŵyl Geiriau Wrecsam yn hyrwyddo ac yn annog ysgrifennu o safon gan selogion lleol a bydd y noson Dirgelwch Llofruddiaeth yn un digwyddiad mewn rhaglen wythnos o hyd o ddigwyddiadau diddorol ac amrywiol sy’n ymwneud â llyfrau. Mae Gŵyl Geiriau Wrecsam yn ŵyl lenyddiaeth flynyddol a bydd yn cael ei chynnal yn ystod yr wythnos rhwng 24 a 30 Ebrill 2027.
Mae’r Gystadleuaeth Dirgelwch Llofruddiaeth ar agor o 1 Awst 2026 a gellir cael ffurflenni cais a chanllawiau llawn gan unrhyw lyfrgell leol neu o’r wefan Gŵyl Geiriau Wrecsam.
