Dywedodd y Cynghorydd David A Bithell, yr Aelod Arweiniol dros yr Amgylchedd:
“Rwy’n falch bod Gweinyddiaeth y Cyngor wedi gweithio’n galed i sicrhau cyllid ychwanegol i wella ein ffyrdd a’n seilwaith, sy’n bwysig i bobl leol.
Er bod buddsoddiad sylweddol wedi’i wneud yn ystod y blynyddoedd diwethaf, rydym yn cydnabod bod rhannau o’n rhwydwaith priffyrdd yn parhau i wynebu heriau sylweddol. Mae’r rhaglen hon yn cynrychioli buddsoddiad o fwy na £10 miliwn yn yr asedau hanfodol hyn, gyda chefnogaeth yr ail flwyddyn o gyllid drwy fenter fenthyca Llywodraeth Leol.
Mae’r rhaglen yn cynnwys:
- Mwy na £7 miliwn ar gyfer prosiectau gosod arwynebau newydd ar briffyrdd ar draws y rhwydwaith ffyrdd strategol A a B a ffyrdd cymunedol lleol.
- Dros £500,000 ar gyfer gwelliannau i droedffyrdd.
- £300,000 ar gyfer atgyweiriadau i strwythurau priffyrdd.
- Amnewid mwy na 400 o golofnau goleuadau stryd sydd wedi cyrraedd diwedd eu hoes weithredol.
- Gwaith pellach i wella draenio priffyrdd, yn enwedig mewn ardaloedd sydd fwyaf mewn perygl o lifogydd dŵr wyneb.
Bydd y gwelliannau hyn yn helpu i wneud teithiau’n fwy diogel ac yn fwy dibynadwy i drigolion, busnesau ac ymwelwyr ledled y Fwrdeistref Sirol.
Er na fydd y buddsoddiad hwn yn datrys pob her sy’n wynebu ein seilwaith, mae’n dangos ein hymrwymiad parhaus i gynnal a gwella’r ffyrdd, troedffyrdd, goleuadau a systemau draenio y mae cymunedau yn dibynnu arnynt bob dydd.”
