Mae siop dylunwyr dynion hirsefydlog yng nghanol Wrecsam yn dathlu ei llwyddiant a’i hadleoli i Stryt yr Hôb.
Ar ôl agor ei drysau yn ôl ym 1993 ar gyrion y dref cyn symud i Ddôl yr Eryrod yn 2011, mae’r prosiect wedi bod yn bosibl diolch i Gyngor Wrecsam a grant gan Raglen Trawsnewid Trefi Llywodraeth Cymru, mae’r prosiect hefyd wedi derbyn benthyciad gan Fanc Datblygu Cymru.
Rhaglen gan Lywodraeth Cymru yw Trawsnewid Trefi sy’n darparu dros £100m i adfywio canol trefi yng Nghymru.
Bydd Ragazzi yn agor i’r cyhoedd yn swyddogol ar 23 Hydref ac yn edrych ymlaen at groesawu cwsmeriaid hen a newydd o Wrecsam a thu hwnt.
Dros y blynyddoedd maent wedi ennill enw da am stocio’r brandiau dylunwyr diweddaraf mewn ffasiwn dynion ac maent yn ymfalchïo mewn gwasanaeth cwsmeriaid eithriadol, gyda phresenoldeb ar-lein mawr sydd wedi datblygu’n sylweddol dros y blynyddoedd diwethaf
Mae’r prosiect hefyd wedi cefnogi’r economi leol, gyda chontractwyr lleol yn sicrhau contractau fel rhan o’r gwaith, a mwy na £75,000 wedi’i wario’n lleol.
Dywedodd perchnogion Ragazzi, Oliver Davies ac Andy Burson, “heb gefnogaeth grant a benthyciad Trawsnewid Trefi, ni fyddai prynu ein hadeiladau ein hunain wedi bod yn bosibl, rydym hefyd yn hynod ddiolchgar am y gefnogaeth a gawsom gan y Tîm Adfywio o fewn Adran yr Economi a Chynllunio yng Nghyngor Wrecsam gyda’r broses ac am ein cyfeirio at Fanc Datblygu Cymru sydd hefyd wedi cefnogi’r prosiect drwy fenthyciad.”
Dywedodd y Cynghorydd Nigel Williams, yr Aelod Arweiniol dros yr Economi, Busnes a Thwristiaeth, “Mae darparu’r Rhaglen Trawsnewid Trefi yn gwneud cyllid ar gyfer prosiectau adfywio yn fwy hygyrch, gan ein galluogi i adeiladu ar y llwyddiannau yr ydym eisoes wedi’u cyflawni yn Wrecsam.
Mae Ragazzi yn enghraifft wych o fusnes hirsefydlog yn Wrecsam sy’n buddsoddi yn ei ddyfodol, wrth ddiogelu’r dreftadaeth a’r cymeriad sy’n gwneud Canol ein Dinas yn arbennig.
“Mae’n arbennig o braf gweld y busnes yn parhau i ffynnu yng nghanol Wrecsam. Mae gwelliannau fel hyn yn helpu i gryfhau canol y ddinas, cefnogi’r economi leol a gwneud Wrecsam yn lle mwy deniadol i breswylwyr ac ymwelwyr.”
