Efallai eich bod wedi sylwi ar Adeiladau’r Goron ar ei newydd wedd ar Stryt Caer sydd wedi cael ei drawsnewid o adeiladu defnydd trwm ar ynni o’r 1960au i adeilad modern ac effeithlon a ellir ei gymharu â nifer o adeiladau newydd.
Mae’r gwaith adeiladu bellach wedi’i gwblhau ac mae gwaith mewnol eisoes yn digwydd er mwyn i staff symud i mewn yn gynnar y flwyddyn nesaf.
Gyda chymorth gan gyllid Llywodraeth Cymru, bydd yr adeilad yn darparu lleoliad i staff gofal cymdeithasol sydd yn helpu i ddarparu gwasanaethau plant ac oedolion, yn ogystal â dod yn lleoliad newydd ar gyfer ein Hadran Addysg ac Ymyrraeth Gynnar.
Dewch i weithio ym maes gofal cymdeithasol, er mwyn eich cymuned.
- Cofrestru -
Hefyd ar y llawr gwaelod bydd Canolfan Lles Cymunedol Wrecsam a fydd yn lleoliad ar gyfer ystod o gyfleusterau hygyrch. Bydd yn galluogi pobl a theuluoedd sydd ag ystod eang o anghenion cefnogi i gymryd rhan gyda gwasanaethau cymunedol yn ogystal â chael mynediad hawdd at wybodaeth a chyngor ataliol.
Dywedodd y Cynghorydd Mark Pritchard, Arweinydd y Cyngor, “Mae’r adeilad wedi trawsnewid i ddarparu cyfleuster modern a fydd yn ei gwneud yn haws i bobl, teuluoedd a gofalwyr i gael gwybodaeth, cyngor a chymorth sydd eu hangen arnynt.
“Mae’r canolbwynt ar fod yn effeithlon o ran ynni wedi bod yn bwysig wrth i ni symud i fod yn garbon niwtral erbyn 2030 a hoffwn ddiolch i bawb ynghlwm y prosiect am ddylunio a thrawsnewid yr hen gyfleuster i mewn i adeilad y gallwn ymfalchïo ynddo.”
“Bydd staff yn symud i mewn yn y flwyddyn newydd a bydd yr adeilad yn gweithredu’n llawn gan gynnig gwasanaeth o’r radd flaenaf mewn adeilad modern sy’n barod at y dyfodol.”
Mae’r Ganolfan yn brosiect partner rhwng Cyngor Wrecsam, Bwrdd Iechyd Prifysgol Betsi Cadwaladr a Chymdeithas Mudiadau Gwirfoddol Wrecsam. Bydd yn adeiladu ar, yn hytrach na dyblygu gwasanaethau sydd eisoes ar gael yng nghanol tref Wrecsam ac ardaloedd lleol eraill.
Mae’r gwaith wedi cael ei gyflawni gan Read Construction a’u Tîm Dylunio.
Meddai Alex Read, Cyfarwyddwr Read. “Mae prosiect adeilad y Goron yn cynrychioli’r hyn y gellir ei gyflawni mewn adeiladu carbon isel pan fydd prosiectau’n cael eu cysylltu ar y cyd. Drwy gydweithio ar y prosiect hwn, rydym wedi arbed 100 tunell o wastraff dymchwel, symiau cyfartal o echdynnu deunydd crai ac adfywio cyfleuster yng nghanol y dref i safonau carbon gweithredol isel modern. Mae Read yn falch o fod wedi bod yn rhan o’r prosiect hwn ac yn parhau i gefnogi ein cleientiaid ar eu teithiau i gyflawni net dim Carbon.”
Mae’r waliau a’r to wedi cael eu huwchraddio i gynnwys lefelau uchel o inswleiddiad thermol a bydd y ffenestri a’r drysau presennol yn cael eu hamnewid am unedau powdr thermol wedi’u gorchuddio mewn alwminiwm gyda gwydrau a reolir gan solar.
Mae defnyddio’r dull hwn yn golygu y bydd yr adeilad yn cadw gwres ym misoedd y gaeaf a’i leihau yn ystod yr haf.
Mae’r system wresogi wedi cael ei amnewid gyda boeleri modern sy’n effeithlon o ran ynni a goleuadau LED newydd sy’n effeithlon o ran ynni er mwyn lleihau’r galw ar drydan.
Yn ogystal â hynny, bydd y gwagle yn y to yn cael ei ddefnyddio’n llawn i osod nifer sylweddol o baneli ffotofoltäig a fydd yn gwella ôl troed carbon yr adeilad ymhellach trwy gynhyrchu ynni adnewyddadwy ar safle.
Tystysgrif ynni ar gyfer yr adeilad oedd cyfradd “D”, a diolch i’r gwaith mae bellach â chyfradd “A”.
DOD O HYD I SWYDDI GOFALU LLEOL
