Erthygl gwadd – Heddlu Gogledd Cymru
Mae beicwyr modur ar draws Gogledd Cymru yn cael eu hannog i gynnal gwiriadau diogelwch hanfodol ar eu beiciau wrth i lawer o beiriannau ddod allan o storfa yn dilyn misoedd y gaeaf.
Gan fod disgwyl i’r tywydd wella a dod â mwy o feicwyr yn ôl ar y ffyrdd, mae Heddlu Gogledd Cymru yn atgoffa beicwyr modur y gallai cymryd ychydig funudau i wirio eu beiciau cyn eu taith gyntaf y tymor, atal gwrthdrawiadau, torri i lawr neu anafiadau difrifol.
Dywedodd y Rhingyll Leigh McCann o’r Uned Plismona Ffyrdd: “Gall beiciau modur ddatblygu problemau sydd ddim hawdd i’w gweld, hyd yn oed os oeddynt mewn cyflwr da pan oeddynt yn cael eu cadw.
“Gall set gyflym o wiriadau cyn mynd allan wneud gwahaniaeth sylweddol. Gall teiars golli aer dros amser a gall rhannau o’r beic gloi felly mae’n hynod o bwysig fod beicwyr yn archwilio eu cerbydau cyn mynd arnynt. Mae’n well o lawer ceisio trwsio’r broblem cyn cychwyn ar siwrne yn hytrach na darganfod problem tra allan ar y ffyrdd, neu hyd yn oed ar ôl cael gwrthdrawiad.
“Byddem hefyd yn annog beicwyr i gymryd eu taith gyntaf y flwyddyn yn gyson, gan ganiatáu amser i ailadeiladu hyder ac ailymgyfarwyddo â’u beic modur ar ôl cyfnod y gaeaf. Fel beiciwr modur brwdfrydig fy hun, dwi’n gwybod bod ‘na rhyw fath o gyffro pan fyddwch yn mynd allan ar eich beic ar ôl y gaeaf, er mwyn cael bod allan unwaith eto a mwynhau’r rhyddid. Fodd bynnag, a allwch chi ddweud fod eich sgiliau mor dda a’r tro diwethaf i chi fod ar gefn beic modur?
“Waeth pa mor dda ydych chi’n meddwl ydych chi, mae yna le i wella o hyd. Felly, unwaith eto rydym yn annog beicwyr i ystyried hyfforddiant sgiliau ychwanegol drwy raglenni megis Beicio Diogel.
Fe ychwanegodd: “Os ydych yn bwriadu mentro allan ar eich beic modur y penwythnos yma, teithiwch ar gyflymder sy’n addas ar gyfer y ffordd, cymerwch sylw o’r tywydd a chyflwr y ffyrdd gan eu bod yn gallu bod yn anrhagweladwy, gwisgwch dillad llachar sy’n hawdd eu gweld a gwisgwch helmed a dillad addas arall.
“Cynghorir gyrwyr hefyd i feddwl am feiciau modur a sicrhau eu bod yn rhoi digonedd o le pan yn eu dilyn. Mae hefyd yn bwysig fod gyrwyr yn cadw llygad am feicwyr o hyd wrth iddynt gychwyn neu os yn tynnu allan o gyffyrdd. Mae ein neges yn un syml – edrychwch, edrychwch ac edrychwch eto.”
Mae beicwyr yn cael eu cynghori i archwilio:
- Petrol
- Olew
- Dŵr
- Difrod
- Trydan
- Teiars
Cânt eu hatgoffa hefyd i sicrhau bod eu hyswiriant, MOT a threth yn gyfredol, ac i wisgo dillad priodol bob tro y byddant yn reidio.
Gall unrhyw un sy’n bwriadu dychwelyd i reidio ar ôl seibiant hir hefyd ystyried hyfforddiant gloywi i helpu ailadeiladu sgiliau a hyder. Gellir cael rhagor o wybodaeth drwy gwefan BikeSafe – the UK’s #1 police-led motorcycle safety & skills initiative
