newyddion.wrecsam.gov.uk

Awdur: Emma

  • Ystyried y dyfodol – Cynllun y Cyngor 2023-28

    Ystyried y dyfodol – Cynllun y Cyngor 2023-28

    Os nad ydych eisoes wedi darllen y newyddion, rydym yn gofyn i chi gymryd rhan wrth siapio ein Cynllun y Cyngor – y ddogfen sy’n rhoi syniadau ynghyd o sut ddylai Wrecsam edrych yn y dyfodol, a sut i gyrraedd yno.

    Ein gweledigaeth ar gyfer y dyfodol yw Wrecsam ble mae pobl yn cael eu cefnogi i gyflawni eu potensial, ffynnu a chyflawni safon uchel o les, a bydd y cyngor yn arweinydd cymunedol cryf a chynhwysol i helpu i wneud i hyn ddigwydd.

    I wneud hyn, rydym wedi nodi chwe maes i ganolbwyntio arnynt y credwn fydd fwyaf o fudd i’n cymunedau ac rydym yn gofyn i chi adael i ni wybod os ydych yn meddwl os ydym wedi dewis y rhai cywir yn ein hymgynghoriad yn y ddolen ar ddiwedd yr erthygl hon.

    Casgliad bin a fethwyd? Gadewch i ni wybod.

    Rydym yn awyddus i’ch cynnwys yn y gwaith o lunio Cynllun y Cyngor a hoffem wybod beth yw eich barn. Rydym am nodi canlyniadau penodol y gallwn ganolbwyntio arnynt ac y gallwn fesur cynnydd yn eu herbyn.  Dyma’r canlyniadau y credwn fydd fwyaf buddiol i’n cymunedau.

    Ar ôl ei orffen, defnyddir y cynllun i gefnogi penderfyniadau ynghylch sut rydym yn dyrannu arian ac adnoddau eraill. Bydd gwasanaethau pwysig eraill yn parhau i gael eu darparu a bydd manylion y rhain yn cael eu cynnwys yn ein cynlluniau busnes a gwasanaeth mewnol.

    Rydym yn gofyn i chi edrych ar Gynllun y Cyngor drafft i ganfod beth rydym yn anelu tuag ato, ac os ydych yn cytuno fod y prif flaenoriaethau y rhai cywir i’n helpu i gyflawni ein gweledigaeth, i gyfrannu at nodau lles Cymru, ac i sicrhau fod pawb yn cael eu trin yn deg.

    Os hoffech chi ein helpu i siapio Cynllun y Cyngor, llenwch yr arolwg ar-lein erbyn 14 Mawrth 2023 drwy fynd i www.yourvoicewrexham.com

    Os nad ydych chi’n gallu cwblhau’r arolwg ar-lein, mae copïau papur (Cymraeg a Saesneg) ar gael yn y cyfeiriadau canlynol: Y Ganolfan Les, Stryt Caer, Wrecsam, LL13 8BG; Neuadd y Dref, Wrecsam, LL11 1AY, swyddfeydd stadau tai, llyfrgelloedd lleol, a Chanolfannau Clyd eraill ym Mwrdeistref Sirol Wrecsam.

    Os hoffech chi lenwi’r arolwg ar ffurf neu iaith arall, neu os oes gennych chi unrhyw gwestiwn, cysylltwch â ni.

    E-bost: telluswhatyouthink@wrexham.gov.uk

    Post: Dywedwch Eich Barn, Anecs y 3ydd Llawr, Neuadd y Dref, Wrecsam, LL11 1AY

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

  • Cau Ffyrdd Stryt Yorke a’r Stryt Fawr

    Cau Ffyrdd Stryt Yorke a’r Stryt Fawr

    Drwy gydol misoedd Chwefror a Mawrth fe fydd Stryt Yorke a’r Stryt Fawr ar gau i draffig ar nos Wener a nos Sadwrn, o 6pm tan 6am.

    Pwrpas cau’r ffyrdd yw i wella diogelwch a phrofiad y bobl hynny sydd yng nghanol y ddinas i fwynhau economi’r nos.

    Os ydych chi’n crwydro canol y ddinas yn ystod yr adegau hyn, fe fydd arwyddion i nodi’r llwybrau amgen a bydd mynediad i gerddwyr drwy’r amser.

    Bydd mynediad hefyd i’r busnesau hynny sydd ar y rhan o’r ffyrdd sydd ar gau, ond anogwn berchnogion busnes i weithio o amgylch yr amseroedd hyn lle bynnag fo’n bosibl er mwyn sicrhau’r budd mwyaf o gau’r ffyrdd.

    Caiff y ffyrdd eu cau yn dilyn cais gan Heddlu Wrecsam gan eu bod yn dweud bod mwy o bobl yng nghanol y ddinas gyda’r nos ac mae ganddynt bryderon am ddiogelwch y cyhoedd.

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

  • Wythnos Cydraddoldeb Hiliol – mae o bwys i bawb

    Wythnos Cydraddoldeb Hiliol – mae o bwys i bawb

    Roedd yr wythnos ddiwethaf yn Wythnos Cydraddoldeb Hiliol, digwyddiad ledled y DU sy’n tynnu sylw at waith miloedd o sefydliadau ac unigolion ar draws y wlad sy’n gweithio i fynd i’r afael â’r rhwystrau o ran cydraddoldeb hiliol.

    Yn Wrecsam, bu i ni daflu goleuni ar waith gwych prosiect Canolfan Amlddiwylliannol Gogledd Ddwyrain Cymru, a sefydlwyd gan Gyngor Hil Cymru ac sy’n dod â Tŷ Pawb a Thîm Cydlyniant Cymunedol Gogledd Ddwyrain Cymru yng Nghyngor Wrecsam ynghyd.

    Mae’r prosiect hwn yn canolbwyntio ar rymuso cymunedau Du, Asiaidd a Lleiafrif Ethnig sy’n byw ac yn gweithio yn Wrecsam ac ardal Gogledd Cymru ehangach, ac mae’n pwysleisio pa mor bwysig yw hi fod hanes a dyfodol pobl Ddu, Asiaidd a Lleiafrif Ethnig yn cael ei gynrychioli i sicrhau bod eu cyfraniad i Gymru yn cael ei gydnabod.
    <

    Casgliad bin a fethwyd? Gadewch i ni wybod.

    Ar hyn o bryd, mae’r prosiect hwn yn ceisio sicrhau bod diwylliant, treftadaeth a gweithgareddau sy’n ymwneud â chwaraeon yn adlewyrchu beth hoffai’r grwpiau hyn ei weld yn eu hardal leol.

    Er mwyn gwneud yn siŵr bod cyllid ar gael ar gyfer y prosiect hwn, mae Wrecsam wedi elwa o ‘Gronfa Diwylliant, Treftadaeth a Chwaraeon Cymru Wrth-hiliol’ Llywodraeth Cymru.

    Dywedodd y Cynghorydd Hugh Jones, Aelod Arweiniol gyda chyfrifoldeb am Tŷ Pawb: “Dros dair blynedd, rydym wedi cael £240,000 gan y gronfa hon i gefnogi Canolfan Amlddiwylliannol Gogledd Ddwyrain Cymru, sydd wedi’i leoli yn Tŷ Pawb. Mae’r prosiect hwn eisoes yn cefnogi dros 25 o grwpiau cymunedol ac ymarferwyr sydd yn, neu’n cefnogi, cymunedau Du, Asiaidd a Lleiafrif Ethnig.

    “Mae’r cyllid hwn yn golygu y gallwn ni wneud mwy fyth i rymuso mwy o grwpiau cymunedol ar lawr gwlad i arwain a manteisio ar gyfleoedd diwylliannol, celfyddydol, treftadaeth a chwaraeon, sy’n cefnogi ymdeimlad o berthyn a chydraddoldeb yng Nghymru.”

    Dywedodd y Cynghorydd Paul Roberts, Aelod Arweiniol Diogelwch Cymunedol a Phartneriaethau: “Fel rhan o’r cyllid hwn gan Lywodraeth Cymru, rydym wedi rhoi grant gwerth £2,000 i 16 o grwpiau cymunedol ar draws Gogledd Cymru i gefnogi prosiectau sy’n adlewyrchu ac yn dathlu cydraddoldeb ac amrywiaeth yn ein cymunedau. Yn Wrecsam, mae hyn wedi cynnwys cyllid ar gyfer Larynx Entertainment, grŵp o artistiaid Hip Hop hil gymysg yn Wrecsam; Grwpiau Affricanaidd Wrecsam a fydd yn defnyddio’r arian i berfformio cerddoriaeth fyw a dawns Affricanaidd yn ogystal â sioe ffasiwn; a BAWSO a fydd yn cynnal sesiwn groeso i bobl o Kenya sydd newydd symud i ardal Wrecsam i fyw.

    “Rwy’n croesawu’r prosiectau hyn ac yn eich annog chi i fynd i’r digwyddiadau.”

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

  • Ym mhle NA ALLAF yrru fy nghar?

    Ym mhle NA ALLAF yrru fy nghar?

    Ydych chi’n gwybod beth yw Gorchymyn Gwahardd Cerbydau Modur? Yn bwysicach fyth, ydych chi’n gwybod ym mhle mae’r gwaharddiadau hyn mewn grym yng nghanol dinas Wrecsam?   Dyma restr i roi’r wybodaeth ddiweddaraf i chi.

    Mae Gorchymyn Gwahardd Cerbydau Modur ar stryd yn golygu mai dim ond mathau penodol o gerbydau sy’n gallu gyrru ar y stryd honno.  Er enghraifft, efallai nad ydych chi’n gallu gyrru eich car ar y stryd honno, ond caniateir bysiau.

    Casgliad bin a fethwyd? Gadewch i ni wybod.

    Mae yna dair ardal yng nghanol y ddinas lle mae gwaharddiadau ar gerbydau modur mewn grym (mae’r rhain mewn grym bedair awr ar hugain y dydd saith diwrnod yr wythnos):

    Gwahardd pob cerbyd modur A:

    Ac eithrio bysiau, deiliaid bathodyn glas, llwytho a dadlwytho a mynediad i eglwys San Silyn.

    Ble: Y Stryt Fawr, Stryt yr Eglwys ac Allt Uchaf y Dref

    Gwahardd pob cerbyd modur B:

    Ac eithrio ar gyfer mynediad, deiliaid bathodyn glas, llwytho a dadlwytho, bysiau a cherbydau hacni.

    Ble: Stryt y Brenin (o gyffordd Stryt y Rhaglaw i gyffordd Stryt yr Arglwydd) a Stryt y Dug

    Gwahardd pob cerbyd modur C:

    Ble: Stryt Egerton (o Ffordd Rhosddu i’r gyffordd gyda Stryt yr Arglwydd)

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

  • Pwy? Beth? Pryd? Eich canllaw i barthau cerddwyr yng nghanol y ddinas

    Pwy? Beth? Pryd? Eich canllaw i barthau cerddwyr yng nghanol y ddinas

    Beth mae’n ei olygu i fod mewn parth cerddwyr?

    I sicrhau nad ydych yn cael dirwy yng nghanol y ddinas, darllenwch ymlaen i ddarganfod lle gallwch yrru, a phryd.

    Mae gennym barthau cerddwyr i wneud canol y ddinas yn fwy diogel ac yn fwy deniadol i siopwyr. Mae llygredd aer hefyd yn is mewn parthau cerddwyr, maen nhw’n dawelach ac yn edrych yn well. Yn ogystal mae manteision economaidd gan fod mwy o bobl yn prynu o siopau mewn parthau cerddwyr.

    Lle mae’r parthau hyn yng nghanol dinas Wrecsam?

    Yn Wrecsam mae gennym ni dri math o barth cerddwyr, yn dibynnu ar eu lleoliad ac anghenion preswylwyr a busnesau ar y strydoedd.

    Casgliad bin a fethwyd? Gadewch i ni wybod.

    Parth Cerddwyr A:
    Dim mynediad i gerbydau modur ac eithrio bysiau/deiliaid bathodynnau glas/ar gyfer llwytho a dadlwytho: cyn 11.30am ac ar ôl 5pm dydd Llun i ddydd Gwener, cyn 9.30am ac ar ôl 5pm ar ddydd Sadwrn a chyn 1pm ac ar ôl 5pm ar ddydd Sul. Lle: Stryt y Lampint, Heol y Frenhines, Stryt Henblas, Stryt yr Hôb, Stryt Caer.

    Parth Cerddwyr B:
    Dim mynediad i unrhyw gerbyd modur ac eithrio cerbydau hacni a thacsis a cherbydau sydd angen llwytho a dadlwytho.
    Lle: Ffordd Rhosddu (ger swyddfa gyrfaoedd y Fyddin) a Stryt Argyle

    Parth Cerddwyr C:
    Dim mynediad i unrhyw gerbyd modur ac eithrio deiliaid bathodynnau glas a cherbydau sydd angen llwytho a dadlwytho.
    Lle: Stryt Siarl

    Beth fydd yn digwydd os ydych yn torri’r rheolau?

    Os ydych yn parcio cerbyd mewn parth cerddwyr pan na ddylech wneud hynny, gall swyddog gorfodi parcio’r cyngor roi hysbysiad cosb o £70 i chi.

    Gallai gyrru drwy barth cerddwyr pan na ddylech wneud hynny olygu dirwy gan yr heddlu.
    Eich cyfrifoldeb chi fel gyrrwr y cerbyd yw gwirio’r arwyddion sydd mewn grym a gwybod rheolau’r ffordd.

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

  • Ydych chi’n byw yn Smithfield? Mae’n amser pleidleisio!

    Ydych chi’n byw yn Smithfield? Mae’n amser pleidleisio!

    Os ydych chi’n byw yn ward Smithfield, bydd cyfle gennych chi i ethol eich cynghorydd newydd yn yr is-etholiad ar 23 Chwefror 2023.

    Mae pawb sy’n dymuno cynnig eu hunain wedi gwneud hynny, felly mae drosodd i chi yn awr. Ond cyn i chi allu pleidleisio, mae angen i chi sicrhau eich bod chi wedi cofrestru. Y cyfan sydd angen i chi ei wneud yw mynd i Cofrestru i bleidleisio ar wefan gov.uk.

    Yng Nghymru, rydych chi’n cael pleidleisio os ydych chi’n 16 oed neu’n hŷn, felly os ydych chi wedi troi’n 16 oed yn ddiweddar, gwnewch yn siŵr eich bod chi wedi cofrestru er mwyn i chi allu pleidleisio.

    Casgliad bin a fethwyd? Gadewch i ni wybod.

    Rydych chi hefyd yn cael pleidleisio os ydych chi’n wladolyn tramor cymwys, felly os nad ydych chi wedi pleidleisio o’r blaen neu wedi symud tŷ, ewch i Cofrestru i bleidleisio ar wefan gov.uk.

    Pryd mae’r dyddiad cau?

    I bleidleisio yn yr is-etholiad Smithfield hwn, bydd angen i chi gofrestru i bleidleisio erbyn hanner nos ar 7 Chwefror.

    Os hoffech chi wneud cais am bleidlais bost, bydd angen i chi wneud hyn erbyn 5pm ar 8 Chwefror.

    Yn olaf, os oes angen i chi wneud cais am bleidlais drwy ddirprwy, y dyddiad cau yw 5pm ar 15 Chwefror.

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

  • Cynllunio ar gyfer y dyfodol – Cynllun y Cyngor 2023-2028

    Cynllunio ar gyfer y dyfodol – Cynllun y Cyngor 2023-2028

    Mae darganfod sut fyddai dyfodol da yn edrych a chynllunio sut i gyflawni hynny yn gamau pwysig i wneud newidiadau cadarnhaol.

    Dyna’n union rydym ni’n ei wneud yma yng Nghyngor Wrecsam wrth i ni lunio Cynllun y Cyngor ar gyfer 2023-2028.

    Mae Cyngor Wrecsam yn darparu llawer o wasanaethau i chi – pa un ai ydych chi’n byw yma, yn gweithio yma neu’n ymweld. Gallai’r rhain fod yn ysgolion, yn wasanaethau casglu gwastraff, gofal cymdeithasol, tai cyngor, gwasanaethau cynllunio, gwasanaethau ffyrdd, amgueddfeydd, parciau gwledig neu’n safonau masnach. Mae’r Cyngor hefyd yn cefnogi’r gymuned a datblygu economaidd.

    Bydd cynllun newydd y Cyngor yn canolbwyntio ar y pethau pwysicaf dros y bum mlynedd nesaf i’n helpu ni i gyflawni ein gweledigaeth, i gyfrannu at nodau lles Cymru ac i sicrhau bod pawb yn cael ei drin yn deg.

    Casgliad bin a fethwyd? Gadewch i ni wybod.

    Bydd yn nodi canlyniadau penodol i ni weithio tuag atynt er mwyn i ni fesur ein cynnydd. Dyma’r canlyniadau y credwn fydd fwyaf buddiol i’n cymunedau.

    Defnyddir y cynllun i gefnogi penderfyniadau ynghylch sut rydym ni’n dyrannu arian ac adnoddau eraill. Bydd gwasanaethau pwysig eraill yn parhau i gael eu darparu a bydd manylion y rhain yn cael eu cynnwys yn ein cynlluniau busnes a gwasanaeth mewnol.

    Gofynnwn i chi rŵan edrych ar y cynllun drafft i ddysgu mwy am ein nodau ac i weld a ydych chi’n cytuno mai ein prif flaenoriaethau yw’r rhai cywir i gefnogi’r bobl yn ein cymunedau i wireddu eu potensial, i lwyddo a chyflawni lefel uchel o les.

    Os hoffech chi ein helpu i siapio Cynllun y Cyngor, llenwch yr arolwg ar-lein erbyn Mawrth 14, 2023 drwy fynd i www.yourvoicewrexham.com.

    Os nad ydych chi’n gallu cwblhau’r arolwg ar-lein, mae copïau papur (Cymraeg a Saesneg) ar gael yn y cyfeiriadau canlynol: Yr Hwb Lles, Stryt Caer, Wrecsam, LL13 8BG; Neuadd y Dref, Wrecsam, LL11 1AY, swyddfeydd stadau tai, llyfrgelloedd lleol a Lleoedd Cynnes eraill ym Mwrdeistref Sirol Wrecsam.

    Os hoffech chi lenwi’r arolwg ar ffurf neu iaith arall, neu os oes gennych chi unrhyw gwestiwn, cysylltwch â ni.

    E-bost: telluswhatyouthink@wrexham.gov.uk

    Post: Dywedwch Eich Barn, Anecs y 3ydd Llawr, Neuadd y Dref, Wrecsam, LL11 1AY

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

  • Croeso i dy bleidlais! 30 Ionawr – 5 Chwefror 2023

    Croeso i dy bleidlais! 30 Ionawr – 5 Chwefror 2023

    Mae Wythnos Croeso i dy Bleidlais 2023 yn ceisio dechrau sgwrs am ddemocratiaeth a gwleidyddiaeth, yn benodol gyda’r bobl ifanc o dy gwmpas, er mwyn i bawb deimlo’n ddigon hyderus i gymryd rhan.

    Dyna pam mai’r thema eleni yw ‘ein democratiaeth’, gan nodi bod democratiaeth i bawb, ac yn digwydd o’n cwmpas ym mhobman.

    Rydym yn annog ysgolion a grwpiau ieuenctid i gymryd rhan, ynghyd â phobl ifanc eu hunain er mwyn dysgu am bwysigrwydd eu pleidlais, er mwyn ei defnyddio pan ddaw’r amser!

    Casgliad bin a fethwyd? Gadewch i ni wybod.

    Oeddet ti’n gwybod dy fod yn cael pleidleisio’n 16 oed os wyt yn byw yng Nghymru? Mae modd hefyd cofrestru i bleidleisio o 14 oed! Felly mae cymryd rhan mewn sgyrsiau am ddemocratiaeth, dysgu sut mae’n gweithio a sut mae dy bleidlais yn dylanwadu ar benderfyniadau am dy fywyd angen bod yn rhan bwysig o’n bywydau.

    Gwylia’r fideo i ddysgu mwy am ddemocratiaeth yng Nghymru:

    I ddysgu mwy am dy bleidlais, edrycha ar https://www.electoralcommission.org.uk/cy/croeso-i-dy-bleidlais

    14 oed yn barod? Beth am dreulio ambell funud yn cofrestru i bleidleisio ar https://www.gov.uk/cofrestru-i-bleidleisio

    #CroesoiDyBleidlais

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

  • Ysgogwyr Newid yn Wrecsam

    Ysgogwyr Newid yn Wrecsam

    Mae’r 100 uchaf o bobl neu brosiectau sydd wedi gwneud gwahaniaeth yng Nghymru wedi’u henwi – ac mae Hwb Lles Wrecsam yn un ohonynt!

    Mae’r rhestr o 100 o ‘Ysgogwyr Newid’ yn canolbwyntio ar y rhai sydd wedi cael effaith gadarnhaol ar genedlaethau’r dyfodol yng Nghymru ac mae wedi’i llunio gan Sophie Howe, Comisiynydd Cenedlaethau’r Dyfodol Cymru.

    Agorwyd Hwb Lles Wrecsam y llynedd ac mae’n dod â llu o wasanaethau ynghyd mewn un lle, yn cynnwys y rhai gan Gyngor Wrecsam, Bwrdd Iechyd Prifysgol Betsi Cadwaladr a Chymdeithas Mudiadau Gwirfoddol Wrecsam. Gyda’i gilydd, mae’n nhw’n darparu datrysiadau ataliol ac amgen i ofal a chefnogaeth mewn lle diogel, gyda chyfleusterau hygyrch i bob oed a gallu, gan helpu i atal salwch ac annog pobl i fyw bywydau hir a hapus.

    Casgliad bin a fethwyd? Gadewch i ni wybod.

    Yn rhan o’r rhestr o 100 o Ysgogwyr Newid, mae’r Hwb Lles yn cael ei gydnabod am ei ddull arloesol ymysg rhestr glodwiw o feirdd, gweithwyr sector cyhoeddus, gweithredwyr, dylanwadwyr, busnesau, ysgolion a gwirfoddolwyr, ynghyd â’r actor a’r ymgyrchydd, Michael Sheen.

    Dywedodd Sophie: “Rydw i’n edrych yn ôl dros y saith mlynedd ddiwethaf gyda balchder mawr ac rwy’n aml yn cael fy synnu gan beth mae Cymru wedi gallu ei gyflawni yn y cyfnod hwn. Mae cymaint mwy i’w wneud, ond rydym ni wedi casglu digon o fomentwm i sicrhau bod manteision y Ddeddf yn parhau i ehangu.

    “Ond ni fyddai’r newid rydym wedi’i weld dros fy nghyfnod i fel Comisiynydd yn ddim heb y miloedd o bobl ysbrydoledig rydw i wedi’u cyfarfod ar hyd a lled Cymru… Dyna pam fy mod yn cyhoeddi’r rhestr o 100 o Ysgogwyr Newid Cenedlaethau’r Dyfodol.”

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

  • Beth yw llwytho a dadlwytho?

    Beth yw llwytho a dadlwytho?

    Llwytho (neu ddadlwytho) yw pan rydych yn symud nwyddau yn barhaus rhwng cerbyd ac eiddo. Hefyd fe ddylai’r nwyddau fod un ai yn drwm neu’n swmpus i roi’r hawl i dderbyn yr eithriad hwn.

    I wybod mewn gwirionedd os ydych chi’n dadlwytho neu’n llwytho ac i beidio â bod mewn perygl o gael dirwy, dyma beth NAD YDYNT yn enghreifftiau o lwytho neu ddadlwytho!

    • Parcio lle mae eich cerbyd yn achosi rhwystr
    • Aros yn yr un lle pan ofynnwyd i chi symud gan un o swyddogion yr heddlu neu swyddog gorfodi traffig
    • Gadael eich cerbyd pan nad ydych yn llwytho neu’n dadlwytho – un ai i gael egwyl neu i bacio neu ddadbacio eitemau o fewn yr eiddo

    Beth sy’n digwydd os ydych yn torri’r rheolau?

    Os ydych yn parcio cerbyd mewn parth cerddwyr pan na ddylech wneud hynny, fe allwch dderbyn hysbysiad cosb o £70 gan swyddogion gorfodi traffig y Cyngor.
    Eich cyfrifoldeb chi fel gyrrwr y cerbyd yw gwirio’r arwyddion sydd mewn grym a gwybod rheolau’r ffordd.

    Wedi methu casgliad bin? Rhowch wybod i ni ar-lein – mae’n hawdd.

    [button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]