Awdur: Craig Roberts

Os ydych chi’n ffan o gerddoriaeth fyw, yna’r Parciau yn sicr yw’r lle i fod dros yr haf gyda thri sioe fawreddog ar y ffordd.

Mae’r gigiau awyr agored yn digwydd ddydd Gwener 22 Mehefin gyda’r Thunderbugs yn un o’r prif berfformwyr, dydd Gwener 6 Gorffennaf gyda Billy Thompson a Dinosaur yn perfformio ddydd Gwener 27 Gorffennaf. Mae’r sioeau i gyd yn digwydd rhwng 7pm a 9pm.

Problem gyda cheudwll? Dwedwch wrthym ni ar-lein

Cerddoriaeth fyw am ddim!

Mae’r cyngherddau hyn am ddim i’r cyhoedd er y bydd rhoddion yn cael eu croesawu ar y nosweithiau i ganiatáu i’r digwyddiadau gwych hyn barhau yn y dyfodol.

Mae Cerddoriaeth yn y Parc 2018 yn sicr o fod yn ddathliad cerddorol anhygoel ac mae gwahoddiad i bobl o bob oed i ddod a chael amser da.

Gallwch wneud picnic gyda’ch teulu, cynnal dêt gyda’ch partner neu ddawns gyda’ch ffrindiau, beth bynnag sydd at eich dant!

Caiff y digwyddiad ei gynnal gan Gyfeillion y parciau mewn partneriaeth gyda Chyngor Wrecsam yn y banstand Edwardaidd, yn y parc sydd wedi ennill gwobrau, a bydd atmosffer gwych yn sicr.

Am ragor o wybodaeth, cysylltwch â’r Parciau ar 01978 264150. Fe welwn i chi yno!

Problem gyda cheudwll? Dwedwch wrthym ni yn hawdd ac yn gyflym ar-lein

[button color=”” size=”large” type=”square_outlined” target=”new” link=” https://www.wrexham.gov.uk/welsh/online_w/eforms/pothole.htm “] DWEDWCH WRTHYM AM GEUDWLL [/button]

Gobeithio bod gennych ddillad sbâr yn barod, oherwydd mae Diwrnod Chwarae Wrecsam yn ôl ac mae’n addo bod yn llwyddiant ysgubol.

Mwy a Gwell

Daeth dros 3,000 o bobl i’r digwyddiad y llynedd, a’r tro hwn y nod yw bod yn fwy a gwell fyth.

Cynhelir y digwyddiad llawn hwyl yng nghanol tref Wrecsam ddydd Mercher, 1 Awst rhwng 12pm a 4pm. Mae croeso i bobl o bob oed felly dewch â’ch plant, chwiorydd, mamau, brodyr, a neiniau a mynd amdani!

Problem gyda cheudwll? Dwedwch wrthym ni ar-lein

Cadwch eich waledi

Mae hwn yn ddigwyddiad rhad ac am ddim, ond gofynnwn i chi ddod â gwên, agwedd chwareus, ac ychydig o ddillad nad oes ots os ydynt yn baeddu.

Daw’r digwyddiad fel rhan o’n hymrwymiad parhaus i sicrhau bod gan plant ar draws y fwrdeistref sirol ddigon o amser, lle a hawl i chwarae, ac mae’n cael ei gynnal ar Ddiwrnod Chwarae Cenedlaethol.

Dywed y Cynghorydd William Baldwin, Aelod Arweiniol Gwasanaethau Plant: “Mae’r pleser pur y mae’r plant yn ei gael o’r diwrnod hwn yn bleser i’w weld. Cannoedd o blant yn gwneud beth mae plant eisiau ei wneud: gwneud llanast a chael hwyl.

“Mae bob amser yn codi’r ysbryd i’w gweld yn chwarae, heb unrhyw beth yn eu poeni.”

Bydd eich hoff ddigwyddiadau yn dychwelyd, fel y pwll tywod anferth, sleid ddŵr, chwarae â sothach a siglenni rhaff. Roedd y picnics yn boblogaidd y llynedd, ond yn sicr bydd rhywbeth sy’n addas i bawb.

Felly dewch draw a chreu atgofion yn ystod gwyliau’r haf. Cewch ragor o wybodaeth yma, ac mae galeri o luniau digwyddiad y llynedd hefyd

Welwn ni chi yno!

Problem gyda cheudwll? Dwedwch wrthym ni yn hawdd ac yn gyflym ar-lein

[button color=”” size=”large” type=”square_outlined” target=”new” link=” https://www.wrexham.gov.uk/welsh/online_w/eforms/pothole.htm “] DWEDWCH WRTHYM AM GEUDWLL [/button]

Cyd-gerddwyr… mae cerdded yn eich ardal ar fin mynd yn llawer mwy diddorol.

Lansiwyd ap newydd ar gyfer ymweld â hyfrydwch Dyffryn Ceiriog gan Bartneriaeth y Waun a Dyffryn Ceiriog. Dyma’r ward fwyaf ym Mwrdeistref Sirol Wrecsam yn ôl arwynebedd ac mae’r ap yn lwybr ibeacon a fydd yn eich helpu gyda’ch ymweliad.

Mae’n eich tywys drwy hanes a rhyfeddodau naturiol Dyffryn Ceiriog wrth i chi deithio o Glyn Wylfa yn y Waun i Lanarmon Dyffryn Ceiriog.

Felly os ydych chi wrth eich bodd yn cerdded a gyda hanes, dylai hwn fod yn berffaith i chi.

Problem gyda cheudwll? Dwedwch wrthym ni ar-lein

Un o drysorau’r sir

Ar hyd y daith, gallwch fwynhau teithiau cerdded i werthfawrogi ei harddwch naturiol neu os oes awydd paned arnoch chi, gallwch stopio i fwynhau ychydig o letygarwch y dyffryn.

Mae cymaint gan y dyffryn i’w gynnig o olygfeydd naturiol heb eu difetha a threftadaeth ddiwylliannol fel Tramffordd Dyffryn Glyn.

Sut ydw i’n cael gafael arno?

Gallwch lawrlwytho’r ap, am ddim, drwy fynd i’r Apple Store neu Google Play, chwilio am ‘Llwybr Dyffryn Ceiriog’ a lawrlwytho’r ap i ffôn symudol neu ddyfais llechen. Mae mor syml a hynny.

Mae’r holl wybodaeth yn cael ei chadw ar y ffôn neu dabled a ni fydd angen i chi boeni am signal gwan gan nad oes angen cysylltiad ffôn symudol pan fyddwch chi ar y llwybr.

Sut yn union y mae’n gweithio?

Wrth deithio i fyny’r Dyffryn gyda’ch ffôn/llechen ymlaen a’r ap ar agor, dylai ibeadon danio signal i ddangos y tudalennau ar gyfer y lleoliad hwnnw.

Mae gan yr ap fap sy’n dangos ble mae’r ibeacons wedi eu lleoli. Mae yna daflenni, sydd hefyd yn dangos ble mae’r ibeacons, sut i lawrlwytho’r ap a gwybodaeth am y Waun a Dyffryn Ceiriog.

Gallwch godi’r rhain o Ganolfannau Croeso ac mewn rhai busnesau lleol.

Swnio’n dda? Mae mwy i ddod…

Mae’r ap llwybr ibeacon yn un o 18 prosiect ibeacon yng Ngogledd Ddwyrain Cymru sy’n cael eu rhedeg gan Gadwyn Clwyd gyda chyllid gan y cynllun LEADER.

Mae LEADER yn gronfa ar gyfer ardaloedd gwledig Cymru i archwilio dulliau newydd arloesol a thechnolegau arbrofol i fynd i’r afael â thlodi, creu swyddi a chymell datblygu economaidd cynaliadwy.

Mae’n rhan o Raglen Ddatblygu Wledig – Cymunedau Gwledig Llywodraeth Cymru 2014–20, sy’n cael ei hariannu gan Lywodraeth Cymru a Chronfa Amaethyddiaeth Ewrop ar gyfer Datblygu Gwledig.

Iawn, dw i wedi clymu fy nghareiau. Wela’ i chi wedyn.

Am ragor o wybodaeth, ewch i www.chirkandtheceiriogvalley.co.uk.

Problem gyda cheudwll? Dwedwch wrthym ni yn hawdd ac yn gyflym ar-lein

[button color=”” size=”large” type=”square_outlined” target=”new” link=” https://www.wrexham.gov.uk/welsh/online_w/eforms/pothole.htm “] DWEDWCH WRTHYM AM GEUDWLL [/button]

Mae hi’n bum mlynedd ers i ni a grwpiau a sefydliadau eraill arwyddo Cyfamod y Lluoedd Arfog i sicrhau nad yw cyn-filwyr ein cymunedau dan anfantais mewn unrhyw ffordd oherwydd eu gwasanaeth dros eu gwlad.

Roeddem wedi meddwl dal i fyny gyda’n Cefnogwr y Lluoedd Arfog, y Cynghorydd David Griffiths, i weld beth sydd wedi digwydd ers hynny a sut mae cyn-filwyr yn cael cymorth gan y Cyfamod.

Cyflawniadau i fod yn falch ohonynt

Dechreuodd y Cynghorydd David Griffiths, Cefnogwr y Lluoedd Arfog, drwy ddweud wrthym ba mor falch ydoedd o’r cyflawniadau a wnaed yn Wrecsam.

“Rydw i’n cadeirio gweithgor Cyfamod Cymunedol y Lluoedd Arfog Wrecsam, ac rydw i wedi gwneud hynny ers mis Mehefin 2013, ac mae’r bartneriaeth hon wedi gweithio’n galed i sicrhau bod y cyn-filwyr a’u teuluoedd yn Wrecsam yn gallu cael mynediad at y cymorth maent eu hangen. Rydw i’n falch iawn o hyn, ac rydw i’n gwybod y bydd yn parhau yn y dyfodol.”

Problem gyda cheudwll? Dwedwch wrthym ni ar-lein

Beth sydd wedi cael ei wneud?

Mae nifer o enghreifftiau o’r gwaith gwych sydd wedi cael ei wneud yn yr ardal leol, ac mae’r Cynghorydd Griffiths wedi dewis canolbwyntio ar rai ohonynt.

Yn gyntaf, dywedodd wrthym am Tŷ Dewr: “Rydym wedi sicrhau nawdd o £1.6 miliwn mewn partneriaeth gyda Chymdeithas Tai Dewis Cyntaf ar gyfer dau gartref i gyn-filwyr yn Wrecsam.”

Tŷ Dewr

“Y cyntaf yw bod Tŷ Dewr yn golygu union hynny. Dyma lety i gyn-filwyr sy’n cael pethau’n anodd o bosib i gymryd y cam hwnnw i fywyd sifil, neu sy’n dioddef o Anhwylder Straen Wedi Trawma (PTSD), dibyniaeth neu broblemau iechyd meddwl eraill.

“Mae atgyfeiriadau diweddar i Dŷ Dewr yn cynnwys cyn-filwyr sydd wedi bod yn lloches nos Wrecsam, Tŷ Nos.”

Tŷ Ryan

Mae Tŷ Ryan yn unigryw gan fod cyn-filwyr wedi helpu i adeiladu’r cyfadeilad rhandy, gan roi sgiliau allweddol iddynt ar hyd y ffordd.

Dyma ein hail gynnig i gefnogi cartrefi i gyn-filwyr, ac mae’n brosiect hunanadeiladu sydd wedi creu 16 rhandy ar gyfer cyn-filwyr a’u teuluoedd, yn cynnwys cyfleusterau i gyn-filwyr ag anableddau. Dyma’r cyntaf o’i fath yng Nghymru ac fe roddodd y Cyngor dir i’r prosiect i sicrhau ei fod yn cael ei weithredu.

Roedd y prosiect yn bartneriaeth rhwng Cymdeithas Tai Dewis Cyntaf, Asiantaeth Hunanadeiladu Cymunedol, Cyngor Bwrdeistref Sirol Wrecsam, y Weinyddiaeth Amddiffyn a William Homes Cyf.

Ym mha ffordd y bu o gymorth?

Dywedodd y Cynghorydd Griffiths bod y “prosiect yn cynnig profiad gwaith, hyfforddiant a chymwysterau i gyn-filwyr mewn ystod eang o feysydd. Ar ddiwedd y prosiect, roedd sawl un o’r rhai oedd wedi gweithio ar Tŷ Ryan wedi cymryd tenantiaeth yno hefyd.

“Mae Tenantiaid wedi sicrhau cyflogaeth am dâl, wedi dechrau yn y coleg neu ar gyrsiau gradd, ac maent wedi cysylltu ag aelodau teulu yr oeddent wedi ymbellhau oddi wrthynt, ac o ganlyniad mae eu lles wedi gwella. Disgrifiodd un o’r tenantiaid Tŷ Ryan fel profiad oedd wedi trawsnewid ei fywyd.”

Cefndir

Ar Ebrill 5, 2013, arwyddodd partneriaid ar draws Wrecsam Cyfamod Cymunedol y Lluoedd Arfog ar gyfer Wrecsam, sy’n nodi ac yn cofio’r aberth aelodau o’r gymuned, yn cynnwys dynion gwasanaeth a theuluoedd sy’n galaru.

Arweiniodd hyn at sefydlu Cynllun Grantiau’r Cyfamod Cymunedol, sy’n noddi prosiectau lleol a dod â chymunedau sifil a’r lluoedd arfog ynghyd.

Dyrannwyd £30 miliwn i’r cynllun gyda £5 miliwn yn mynd i brosiectau yn 6 rownd gyntaf cynigion amdano.

Etifeddiaeth cymorth

Bydd etifedd hir dymor Cyfamod y Lluoedd Arfog yn nodi dioddefaint y gorffennol ac yn rhoi gymaint â phosib yn ôl i’r cyn-filwyr a’u teuluoedd.

I gloi, dywedodd y Cynghorydd Griffiths, “ i mi fel Cefnogwr y Lluoedd Arfog, rydw i’n falch iawn o fod yn rhan o’r gefnogaeth i’n cyn-filwyr a’u teuluoedd er mwyn nodi’r aberth maent wedi eu gwneud drosom i gyd.”

A gallaf ddychmygu ein bod ni gyd yn cytuno gyda’r datganiad hwnnw.

I gael mwy o wybodaeth anfonwch neges e-bost at AFCC@wrexham.gov.uk.

Problem gyda cheudwll? Dwedwch wrthym ni yn hawdd ac yn gyflym ar-lein

[button color=”” size=”large” type=”square_outlined” target=”new” link=” https://www.wrexham.gov.uk/welsh/online_w/eforms/pothole.htm “] DWEDWCH WRTHYM AM GEUDWLL [/button]