Ydych chi’n ansicr sut rydych am ymdopi dros chwe wythnos o wyliau haf gyda phlant sydd wedi diflasu?
Peidiwch â phoeni – mae Gwasanaeth Gwybodaeth i Deuluoedd Wrecsam wedi llunio llyfryn o ddigwyddiadau a gweithgareddau sy’n digwydd ar draws y fwrdeistref sirol a thu hwnt i chi ei ddefnyddio.
Ar draws y fwrdeistref sirol, mae digon yn digwydd o hen ffefrynnau fel nofio am ddim a gwaith chwarae i fentrau newydd fel gwersi piano, gitâr a drymiau yng Nghanolfan Adnoddau Cymunedol Acton.
Dywedodd y Cynghorydd Paul Rogers, Aelod Arweiniol dros Wasanaethau Ieuenctid a Gwrth Dlodi::
“Mae gwasanaeth Gwybodaeth i Deuluoedd Wrecsam yn wych am lunio’r llyfryn hwn a fydd yn ddefnyddiol iawn ar gyfer rhieni a gofalwyr sydd am gadw eu plant wedi’u difyrru dros wyliau’r haf. Mae hefyd gweithgareddau am ddim gan gynnwys llawer yn ein parciau gwledig sydd bob amser yn werth i chi ymweld â nhw.”
Rydym yn siŵr y byddwch yn gallu dod o hyd i rywbeth bob wythnos sydd naill ai’n rhesymol iawn neu am ddim ac yn addas ar gyfer pob oedran.
Os ydych am gael eich copi eich hun, anfonwch e-bost at fis@wrexham.gov.uk a byddant yn anfon e-bost atoch gyda chopi am ddim.
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Mae’r nosweithiau cerddoriaeth yn y parc wedi bod yn wych hyd yma.
Mae cerddoriaeth yn y parc yn ei thrydedd wythnos yn barod, yr wythnos ddiwethaf roedd Thunderbug yn perfformio a’r wythnos cyn hynny daeth Luke Gallagher â’n bandstand Edwardaidd yn fyw.
Nos Wener, 14 Gorffennaf bydd y deinosor yn cymryd drosodd
Yn chwarae caneuon o’r 80au, 90au a’r 00au felly mae’n berffaith i’r teulu cyfan, gall dad berfformio ei symudiadau dawns i godi cywilydd arnoch, gall mam ganu o’i chalon a’r plant? Wel… gallant symud i ganeuon o’u plentyndod cynnar.
Mae Deinosor yn gyffrous a dylech chi hefyd fod yn gyffrous, dewch â’ch bwyd, diodydd a’ch esgidiau dawnsio, dim angen poeni am docyn, mae’r digwyddiad anhygoel hwn yn rhad ac am ddim! Dewch draw nos Wener am 7pm a byddwch yn barod am noson i’w chofio. Welwn ni chi yno!
Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.
Mae gwaith i ddod a dwy ysgol at ei gilydd o dan un to ym Mhenycae yn carlamu yn ei flaen a dylai fod wedi’i gwblhau erbyn yr hydref.
Mae pedair ystafell ddosbarth yn cael eu hadeiladu ac mae hen adeilad yn cael ei adnewyddu er mwyn dod a’r ysgolion babanod ac iau at ei gilydd am y tro cyntaf
Mae’r gwaith, sy’n costio £2 filiwn, yn cael ei wneud gan gwmni Reed Construction sydd ar hyn o bryd o fewn y gyllideb ac yn anelu at y targed i ddarfod y gwaith yn yr hydref eleni.
Cyfunwyd y ddwy ysgol yn 2008 ac maent yn rhannu un pennaeth ac un corff llywodraethol.
Meddai Cadeirydd y Llywodraethwyr, Cynghorydd Joan Lowe: “Mae’n gyfnod cyffrous dros ben i gymuned ysgol Penycae ac mae’r plant eisoes yn gwneud defnydd o’r ardal chwarae newydd, gyda’r ystafelloedd dosbarth newydd yn cael eu hadeiladu ar yr hen iard chwarae.
“Mae pawb yn gweithio’n galed, ac mae’n fusnes fel arfer yn yr ysgol wrth i’r gwaith fynd yn ei flaen. Dros wyliau’r haf dylem weld mwy o gynnydd fyth ac mae pawb yn edrych ymlaen at gael bod gyda’i gilydd am y tro cyntaf.
“Hoffwn ddiolch i bawb sydd wedi chwarae rhan am wneud i hyn ddigwydd ym Mhenycae.”
Noddwyd y gwaith gyda chyllid Ysgolion 21G Llywodraeth Cymru a nawdd cyfatebol gan Gyngor Wrecsam.
Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.
Llongyfarchiadau i Helen Roberts sydd wedi ennill cystadleuaeth Calendr Rhyfeddodau Wrecsam mis Mehefin.
Tynnodd Helen y llun ar ddiwedd prynhawn hir yn y parc gyda’i ffrindiau a’i theulu. Roedd y beirniaid yn teimlo fod y llun yn cyfleu hanfod y dyddiau hir cynnes hynny a gawsom ym mis Mehefin pan oedd y barbeciws allan bron bob nos. Mae’n teimlo’n bell yn ôl rŵan!
“Mae Parc Acton yn agos iawn at fy nghalon i. Mae’r llun yma yn un o’r rheiny pan ‘da chi wirioneddol yn llwyddo i gyfleu hanfod yr awyrgylch ar y pry, a ‘dw i mor falch mod i wedi ennill. Rydw i wedi anfon sawl llun i’r gystadleuaeth ond hwn ydi fy ffefryn felly dwi’n falch fod y beirniaid wedi cytuno efo fi. Dwi’n edrych ymlaen yn ofnadwy at weld y calendr terfynol ac yn dymuno’n dda i ffotograffwyr amatur eraill gyda’u cynigion.”
Nodweddion disglair Wrecsam
Nod y gystadleuaeth yw rhoi’r sylw haeddiannol i lefydd amlwg a chudd o amgylch Wrecsam sy’n agos at ein calonnau ni. Dewisir un enillydd bob mis a bydd y llun buddugol yn ymddangos ar dudalen y mis hwnnw yng Nghalendr 2018.
Hyd yma mae llawer ohonoch chi wedi anfon eich hoff ffotograffau i mewn a hoffem weld mwy fyth yn cyrraedd ar gyfer cystadleuaeth mis Gorffennaf.
Dylid anfon lluniau at ‘calendar@wrexham.gov.uk’ a rhaid iddyn nhw ein cyrraedd ni cyn diwrnod ola’r mis.
Does dim gwobr i’r enillwyr, ond bydd y 12 yn cael copi o galendr y flwyddyn nesaf gyda’u llun a’u henw arno.
Bydd yr holl elw o werthiant y calendr yn cael ei gyflwyno i’r elusennau a ddewiswyd gan y Maer.
Bydd y Parc yn ddod yn fyw i gerddoriaeth dydd Mawrth, Gorffennaf 18, gyda ysgolion from yr ardal yn dal eu cyngherdd flynyddol Corau yn y Parc rhwng 10yb a 12.30yp
Rydym yn chwilio am rywun dros 18 oed sy’n ofalgar ac yn amyneddgar ac sy’n hoffi i bob diwrnod fod yn wahanol ac yn aml yn heriol.
A yw’r disgrifiad hyn yn swnio’n debyg i chi? Yna darllenwch ymlaen: Byddwch yn cael eich talu wrth i chi ddysgu a byddwch yn ennill sgiliau a dealltwriaeth ym maes Gofal Cymdeithasol i’ch helpu i gael gyrfa lwyddiannus.
Rydym yn gweithio mewn partneriaeth gyda ITEC Wrecsam sy’n cynnig ystod o hyfforddiant perthnasol a phrofiad i’ch caniatáu chi i fod yn hollol gymwys yn y sector gofal cymdeithasol.
Mae croeso i chi bicio draw i’r digwyddiad yn y Neuadd Goffa a chael sgwrs gyda phobl sydd eisoes yn gweithio yn y sector gofal cymdeithasol. Wyddoch chi ddim, efallai mai dyma fydd eich cam cyntaf i yrfa lwyddiannus mewn gofal cymdeithasol.
Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.
Mae’r Ffromlys Chwarennog yn blanhigyn ymledol sy’n bresennol yn Wrecsam ac yn difrodi ein blodau gwyllt naturiol. Bob blwyddyn mae ein ceidwaid yn Nhŷ Mawr a Dyfroedd Alun yn gweithio gyda gwirfoddolwyr i “glirio’r ffromlys” o lannau’n hafonydd.
Maent yn dechrau cael effaith gan fod ein blodau gwyllt brodorol yn dechrau tyfu ac maent yn dychwelyd i lannau’n hafonydd.
Gallwch hefyd ymuno â’r Ceidwaid ym Mharc Gwledig Dyfroedd Alun ddydd Mawrth 18 Gorffennaf rhwng 9.30am a 12.00 canol dydd ar gyfer clirio mwy o ffromlys. Oherwydd lleoliad y digwyddiad hwn mae’n addas ar gyfer rhai 16 oed a drosodd.
Bydd Ceidwaid y Parc a Gwirfoddolwyr hefyd yn dod ynghyd ym Mharc Gwledig Tŷ Mawr ar ddydd Mercher 26 Gorffennaf. Gallwch eu cyfarfod yn y Ganolfan Ymwelwyr am 1.00pm neu gallwch ymuno â nhw ar lannau’r afon hyd at 3.30pm. Oherwydd y lleoliad, mae’r digwyddiad yn addas i rai 8 oed a hŷn, ac mae’n rhaid i rai dan 16 oed fod gydag oedolyn.
I gael mwy o wybodaeth am y digwyddiad ewch i’n gwefan yn www.wrexham.gov.uk
Gallwch hefyd gymryd rhan drwy fonitro a chofnodi safleoedd lle gwelwyd planhigion ac anifeiliaid anfrodorol.
I gael rhagor o wybodaeth neu i gofnodi gweld planhigion ac anifeiliaid anfrodorol, ewch i www.dinns.org.uk
Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.
Yn Wrecsam rydym yn falch o’n parciau ac rydym yn eich herio i beidio syrthio mewn cariad gyda’r golygfeydd gwych a’r harddwch naturiol o’ch cwmpas pan fyddwch yn ymweld â nhw.
Rydym yn gwahodd pawb yn Wrecsam i wneud ymdrech i ymweld ag un o’r trysorau hyn yn ystod wythnos Caru Parciau o ddydd Gwener 14 Gorffennaf 2017.
Maent wedi’u gwasgaru ar draws y fwrdeistref sirol ac mae pob un yn cynnig rhywbeth gwahanol.
O’r anifeiliaid a Thraphont Cefn yn Nhŷ Mawr i’r traciau beicio a’r llwybr cerfluniau yn Nyfroedd Alyn, rydych yn siŵr o ganfod rhywbeth i’ch rhyfeddu a’ch cadw allan yn yr awyr agored.
Mae un o fewn 2 funud o gerdded o ganol y dref yn Bellevue hyd yn oed, felly gallwch fynd am dro amser cinio os ydych yn gweithio yn y dref.
Mae chwech o’n parciau yn chwifio’r Baneri Gwyrdd, a diolch i’w Cyfeillion a Gwirfoddolwyr, mae pob un o’n parciau’n cael eu cadw mewn cyflwr gwerth chweil ac yn cynnig digwyddiadau a gweithgareddau i bob oed.
“…rhai o’r golygfeydd mwyaf trawiadol a syfrdanol yng Nghymru…”
Dywedodd y Cyng. David A. Bithell, Aelod Arweiniol yr Amgylchedd a Chludiant:
“Yn Wrecsam mae rhai o’r golygfeydd mwyaf trawiadol a syfrdanol yng Nghymru ac yn wir yn y DU.
“Peidiwch ag aros gartref, gwnewch ymdrech i ddod i adnabod eich parc lleol neu ymweld ag un os nad ydych wedi ymweld o’r blaen.”
Mae gennym ni 11 o barciau, Parc Gwledig Ty Mawr, Canolfan Ymwelwyr Melin y Nant, Parc y Ponciau, Parc Gwledig Dyffryn Moss, Parc Gwledig Dyfroedd Alun, Parc Acton, Parc Bellevue, Bonc Yr Hafod, Parc Stryt Las, Parc Brynkinalt, Parc Gwledig a Phyllau Plwm Y Mwynglawdd
Bydd gwaith celf gyhoeddus anferth ar gyfer y cyfleuster celfyddydau a marchnad newydd yn cael eu creu gan yr artist Katie Cuddon ac mae hi’n edrych ymlaen yn fawr am y peth.
Mae hi wedi curo cystadleuaeth gan gref o geisiadau a dderbyniwyd gan artistiaid ar draws y DU i gael y comisiwn, gan gynnwys digwyddiad ymgynghori â masnachwyr lleol a phroses cyfweld.
Roedd y broses ddewis yn cynnwys digwyddiad ymgynghori hefo masnachwyr lleol ac roedd cynrychiolydd masnachwyr lleol, Keith Evans o Oriel Annibynnol Wrecsam, hefyd ar y panel cyfweld.
Bydd Katie rŵan yn cael ei chomisiynu i greu darn o gelf enfawr ar gyfer cyfnod agoriadol Wal Pawb. Mae disgwyl gwaith llachar, anturus a chwareus fel canolbwynt ar gyfer y ganolfan newydd.
Bydd Wal Pawb yn dangos y Celfyddydau a’r Marchnadoedd yn dod ynghyd o fewn y datblygiad newydd. Bydd y gwaith celf terfynol yn ymestyn dros ddau fwrdd poster mawr a bydd y mwyaf yn 9 metr o hyd. Bydd y ddau fwrdd yn cynnwys tri llun yr un a fydd yn cylchdroi.
Dros y chwe mis nesaf, fe fydd Katie’n gweithio gyda nifer o grwpiau ac aelodau o’r cyhoedd i gael ysbrydoliaeth ar gyfer y gwaith. Bydd gwaith Katie ar Wal Pawb yn cael ei ddadorchuddio wrth agor y Ganolfan Gelfyddydau, Marchnadoedd a Diwylliant newydd yn ystod gwanwyn 2018.
Bydd y gwaith i’w weld am 12 mis cyn i gomisiwn newydd ddod yn ei le.
“Mae’n gyfle cyffrous iawn i greu gwaith celf ar gyfer cyd-destun arloesol ac anaml iawn: cyfuno oriel gelf a marchnad.”
Dywedodd Katie:
“Mi ydw i wedi gwirioni o fod wedi cael fy newid i greu cyfres o weithiau celf ar gyfer Wal Pawb. Mae’n gyfle cyffrous iawn i greu gwaith celf ar gyfer cyd-destun arloesol ac anaml iawn: cyfuno oriel gelf a marchnad. Mi ydw i’n edrych ymlaen at weithio hefo masnachwyr a defnyddwyr y farchnad a’r delweddau sydd i’w gweld mewn marchnad. Mi ydw i am i’r gweithiau terfynol gynnwys holl ddelweddau, egni, bywyd ac agweddau cymdeithasol marchnad fel eu bod yn adlewyrchu’r amgylchedd y maen nhw ynddo gan hefyd fod yn fyd ar eu pennau eu hunain.”
“…a fydd yn rhan bwysig o’n canolfan gelfyddyd”
Dywedodd y Cynghorydd Hugh Jones, Aelod Arweiniol Cymunedau, Partneriaethau, Gwarchod y Cyhoedd a Diogelwch Cymunedol:
“Llongyfarchiadau i Katie sydd wedi plesio pawb a oedd yn rhan o’r broses ddewis ac a oedd yn meddwl bod arbenigedd Katie yn amlwg. Mi ydw i’n edrych ymlaen at gael gweld ei chreadigaethau hi, a fydd yn rhan bwysig o’n canolfan gelfyddyd a marchnadoedd newydd.”
Wrth wraidd y prosiect mae denu’r gymuned leol i gymryd rhan, yn ogystal â dangos safon gelfyddydol y byddai rhywun yn ei disgwyl yn y datblygiad newydd. Bydd y gwaith terfynol, a gweithiau eraill ar Wal Pawb yn y dyfodol, yn rhywbeth y bydd Wrecsam yn gallu ymfalchïo ynddo wrth iddo ddenu cydnabyddiaeth o bob cwr o’r wlad.
Cyn hyn, mae Katie wedi dangos ei gwaith yng Nghymru, ar hyd y DU ac yn rhyngwladol.
Un o’r mwyaf poblogaidd yw’r nodyn atgoffa ynglŷn â’r casgliad sbwriel – mae’n dweud wrthych pa fin sbwriel i’w roi allan a phryd… dychmygwch beidio methu casgliad sbwriel byth eto!
Gallwch gofrestru i dderbyn llwyth o newyddion fel darganfod mwy am gyngor a newyddion busnes, ymgynghoriadau, twristiaeth a digwyddiadau, newyddion y cyngor, swyddi gwag ar-lein, y cynllun datblygu lleol… a llawer mwy.
Mae tanysgrifio’n hawdd. Nodwch eich cyfeiriad e-bost a thiciwch y blychau sydd o ddiddordeb i chi.
Beth am gael cipolwg rŵan?
Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.
