Gall dod yn westeiwr llety â chefnogaeth fod yn brofiad arbennig o werthfawr, gan ei fod yn rhoi’r cyfle i gynorthwyo pobl ifanc â phrofiad o fod mewn gofal yn y cyfnod pontio i fod yn oedolion. Mae pobl ifanc â phrofiad o fod mewn gofal yn aml yn wynebu llawer o heriau, yn enwedig pan fyddant yn gadael gofal, ac angen cefnogaeth ac arweiniad. Mae gan westeiwyr llety â chefnogaeth rôl hanfodol wrth ddarparu amgylchedd sefydlog a gofalgar ar gyfer y bobl ifanc hyn wrth iddynt gychwyn eu siwrnai tuag at annibyniaeth. Yn y blog hwn byddwn yn trafod manteision bod yn westeiwr llety â chefnogaeth.
Gwneud Newid Mawr i Fywyd Person Ifanc
Mae dod yn westeiwr llety â chefnogaeth yn rhoi’r cyfle i gael effaith arwyddocaol ar fywyd person ifanc. Gall gadael gofal fod yn brofiad hynod anodd, ac yn aml mae pobl ifanc â phrofiad o fod mewn gofal yn dod yn oedolion heb rwydwaith gefnogi. Fel gwesteiwr llety â chefnogaeth, byddwch yn dod yn rhan hanfodol o fywyd unigolyn ifanc, gan roi arweiniad, cefnogaeth, ac amgylchedd sefydlog a gofalgar iddynt. Gellwch eu cynorthwyo i ddatblygu’r sgiliau bywyd hanfodol sydd eu hangen i lwyddo yn y byd, megis cyllidebu a choginio, a all roi’r hyder iddynt arwain bywyd cyflawn ac annibynnol.
“Rwy’n ddiolchgar iawn o fod wedi cael cefnogaeth y gwesteiwr – bu o gymorth mawr i mi pan oedd yna lawer o newidiadau yn fy mywyd; mae’n gyfnod anodd iawn ac rwy’n ddiolchgar am gefnogaeth a lle i fyw wrth i mi wneud y pethau yma. Rwyf eisiau mynd i fyw i Lerpwl yn y dyfodol, ond rwyf wedi dysgu cymaint yma a fydd yn fy helpu i fyw ar fy mhen fy hun.”
- Cofrestru -
Person Ifanc â Phrofiad o fod mewn Gofal
Cefnogi Pobl Ifanc â Phrofiad o fod mewn Gofal
Gall llawer o bobl ifanc â phrofiad o fod mewn gofal gael budd o’r sefydlogrwydd a’r gefnogaeth a roddir gan westeiwr llety â chefnogaeth. Mae’r bobl ifanc hyn yn aml wedi profi trawma, ansefydlogrwydd ac esgeulustod yn eu gorffennol, a all ei gwneud yn heriol i lywio’u ffordd drwy’r byd yn annibynnol. Mae gwesteiwyr llety â chefnogaeth yn darparu system gefnogaeth werthfawr ar gyfer y bobl ifanc hyn, gan eu cynorthwyo i reoli gorbryder, datblygu perthnasoedd rhyngbersonol, a dysgu’r sgiliau y maent eu hangen i ffynnu. Drwy ddarparu’r gefnogaeth angenrheidiol hon, gall gwesteiwyr llety â chefnogaeth gynorthwyo pobl ifanc â phrofiad o fod mewn gofal i ddatblygu dyfodol mwy disglair.
Cynorthwyo Pobl Ifanc sy’n Gadael Gofal
Mae pobl ifanc sy’n gadael gofal yn wynebu llawer o heriau, ac maent angen cefnogaeth ac arweiniad yn y cyfnod pontio wrth iddynt ddod yn oedolion. Fel gwesteiwr llety â chefnogaeth, gellwch ddarparu system gefnogaeth werthfawr ar gyfer y bobl ifanc hyn, gan eu cynorthwyo i ddatblygu’r sgiliau y maent eu hangen i lwyddo yn y byd. Gall gadael gofal fod yn brofiad unig, a gall pobl ifanc ei chael hi’n anodd ffurfio’r perthnasoedd hanfodol sydd eu hangen i ddatblygu cysylltiadau ystyrlon. Gall gwesteiwyr llety â chefnogaeth fod o gymorth i bontio’r bwlch hwn, gan roi cefnogaeth emosiynol ac ymarferol i bobl ifanc â phrofiad o fod mewn gofal – cefnogaeth y maent ei hangen i fyw bywyd cyflawn.
“Byddwn yn dweud wrth unrhyw un sy’n meddwl am ddod yn ddarparwr llety â chefnogaeth, mai dyma’r amser i wneud hynny. Mae fy mhrofiadau o flynyddoedd yn ôl wedi gwneud i mi weld y newidiadau yn y system, ac mae lefel y gefnogaeth rydym yn ei chael ’rŵan yn dda iawn. Mae’r gwasanaeth yn real, ac mae pobl yn siarad â chi fel pe baech chi’n berson ac nid rhif yn unig.”
Rhys, Gwesteiwr Llety â Chefnogaeth yn Wrecsam
Mae dod yn westeiwr llety â chefnogaeth yn rhoi cyfle i gael effaith cadarnhaol arwyddocaol ar fywydau pobl ifanc â phrofiad o fod mewn gofal. Drwy ddarparu amgylchedd cefnogol a gofalgar, gellwch gynorthwyo’r bobl ifanc hyn i ddatblygu’r sgiliau bywyd y maent eu hangen i ffynnu yn y byd. Mae pobl ifanc â phrofiad o fod mewn gofal yn aml yn wynebu heriau unigryw, ac mae gan westeiwyr llety â chefnogaeth rôl hanfodol wrth roi sefydlogrwydd, arweiniad ac ymdeimlad o berthyn. Os ydych yn frwd dros gynorthwyo eraill ac yn chwilio am brofiad boddhaus, gwerth chweil, ystyriwch ddod yn westeiwr llety â chefnogaeth heddiw. Byddwch yn gallu gwneud gwahaniaeth parhaol i fywydau pobl ifanc sy’n gadael gofal, gan roi’r gefnogaeth a’r arweiniad y maent eu hangen i ddatblygu dyfodol disglair.
Os hoffech ddysgu mwy am fod yn westeiwr llety â chefnogaeth, byddem wrth ein boddau’n siarad â chi. Cysylltwch drwy ein ffonio ar 07467 235744 neu drwy e-bostio supportedlodgings@wrexham.gov.uk
Wedi methu casgliad bin? Rhowch wybod i ni ar-lein – mae’n hawdd.
RHOWCH WYBOD AM GASGLIAD BIN A FETHWYD
