Mewn cydweithrediad rhwng Cyngor Wrecsam, ein Hwb Lles, AVOW a GIG Cymru, cynhelir Digwyddiad Iechyd Menywod 2026 ddydd Mercher 11 Mawrth.
Anogir menywod i ddod draw rhwng 12.30 pm a 2.30 pm i’r Hwb Lles yn Adeiladau’r Goron ar Stryt Caer i gael cymorth a chefnogaeth am ddim ar ystod o bynciau iechyd.
Bydd gwasanaethau wrth law i siarad am gymorth ac arweiniad ar faterion fel y menopos, atal a gwella iechyd, iechyd meddwl ac ymarfer corff.
Bydd gwasanaethau sgrinio ar y safle gan gynnwys sgrinio ceg y groth yn ogystal â gwasanaethau cymorth i ddioddefwyr, fydd yno i wrando.
Bydd timau cymorth yn amrywio o gymorth canser i gymorth i ofalwyr o gwmpas i’r rhai sydd angen gwybod mwy am eu gwasanaethau. Gallwch hefyd gael mwy o wybodaeth am gyflyrau iechyd hirdymor ac iechyd esgyrn.
Bydd hyn i gyd a llawer mwy i ymwelwyr â’r digwyddiad rhad ac am ddim hwn. Galwch heibio ac ymunwch â ni am sgwrs dros baned a darn o gacen.
