Ysgol Riwabon – mae myfyrwyr yn dathlu canlyniadau TGAU eithriadol.
Dywedodd y Cynghorydd Phil Wynn, yr Aelod Arweiniol dros Addysg ac Ymyrraeth Gynnar, “Ar ran pawb yng Nghyngor Wrecsam, hoffwn longyfarch yr holl bobl ifanc ar draws Wrecsam sy’n derbyn eu canlyniadau TGAU heddiw.
“Mae heddiw yn nodi diwedd pennod bwysig yn eich addysg ac mae’n gyfle i fyfyrio ar y gwaith caled, yr ymrwymiad a’r gwytnwch rydych chi wedi’i ddangos trwy gydol eich astudiaethau. Beth bynnag yw eich canlyniadau, dylech fod yn falch o’r hyn rydych chi wedi’i gyflawni wrth gyrraedd y garreg filltir hon.
“I lawer ohonoch chi, dyma ddechrau taith newydd gyffrous, boed hynny’n cynnwys addysg bellach, hyfforddiant, prentisiaeth, cyflogaeth neu archwilio cyfleoedd newydd. Rwy’n dymuno pob llwyddiant a hapusrwydd i chi wrth i chi gymryd eich camau nesaf.
“Rwy’n gwybod na fydd pawb yn derbyn y canlyniadau roedden nhw’n gobeithio amdanynt heddiw. Os yw hynny’n wir, cofiwch nad yw un set o ganlyniadau arholiadau yn diffinio eich dyfodol. Mae yna lawer o wahanol lwybrau i lwyddiant, ac mae cefnogaeth ar gael i’ch helpu i archwilio eich opsiynau a phenderfynu ar y ffordd orau ymlaen.
“Beth bynnag yw eich canlyniadau, cymerwch eiliad i gydnabod pa mor bell rydych chi wedi dod. Rydym yn hynod falch o’n holl ddysgwyr ac yn edrych ymlaen at weld beth rydych chi’n ei gyflawni yn y blynyddoedd i ddod.”
“Llongyfarchiadau, a dymuniadau gorau ar gyfer y dyfodol.”
