Canolfan Gymraeg a diwylliannol ‘Hwb Cymraeg’ yn dychwelyd unwaith eto yn FOCUS Wales

Wedi’i leoli tu mewn i babell fawr ar Sgwâr y Frenhines, mae mynediad i’r Hwb Cymraeg yn rhad ac am ddim tan 6pm trwy gydol y penwythnos hir.

Casgliad bin a fethwyd? Gadewch i ni wybod.

Os mai dim ond ‘diolch,’ neu ‘un, dau, tri’ sydd gennych o ran y Gymraeg – neu os ydych chi’n rhugl, bydd Hwb Cymraeg yn FOCUS Wales eleni yn gyfle delfrydol i ymdrochi yn iaith a diwylliant Cymru.

Ddydd Iau bydd cacennau a sgwrs o 12pm ymlaen, ac yna’r cyfle i ddysgu ychydig o Gymraeg am 12.30pm, a sesiwn gemau bwrdd cyn i gerddorion lleol a rhyngwladol ddechrau llenwi’r lleoliad gyda cherddoriaeth.

Bydd gweithgareddau dydd Gwener yn dechrau am 10am gyda chacen a sgwrs, ac yna cyfle arall i ddysgu Cymraeg a chwarae gemau bwrdd, cyn i’r perfformwyr cerddorol gamu i’r llwyfan yn y prynhawn.

Bydd dydd Sadwrn yn ddiwrnod i’r teulu cyfan yn yr Hwb Cymraeg gyda gweithgareddau megis sesiwn Ukulele, disgo tawel, a gweithdai drama wedi’u cynllunio i’r teulu cyfan eu mwynhau.

Yn ogystal ag amserlen brysur o ddigwyddiadau, bydd bar llawn a diodydd poeth ar gael drwy gydol yr Ŵyl tu mewn i’r Tipi Hwb Cymraeg – bydd yn lleoliad delfrydol i gyfarfod â ffrindiau, a chreu cysylltiadau newydd dros gyfnod gŵyl Focus Wales.

Un o sgil effeithiau llwyddiannau Clwb Pêl-droed Wrecsam yw, mae yna ymwybyddiaeth ryngwladol gynyddol o’n diwylliant, iaith a threftadaeth.  Hwb Cymraeg fydd canolbwynt diwylliant, iaith a threftadaeth Gymreig dros y penwythnos felly dewch draw i fwynhau’r awyrgylch, neu i ddysgu ychydig o Gymraeg y gallwch wedyn ei ddefnyddio yn eich bywyd bob dydd, neu ar gyfryngau cymdeithasol.

Dywedodd Stephen Jones, Swyddog y Gymraeg, Cyngor Wrecsam: “Hoffwn ddiolch i’r holl fudiadau sy’n rhan o’r digwyddiad, gan gynnwys: Menter Iaith Fflint a Wrecsam, Mudiad Meithrin, Coleg Cambria, Focus Wales, Theatr Clwyd,  Dysgu Cymraeg Gogledd Ddwyrain a’r Urdd.”

Wedi methu casgliad bin? Rhowch wybod i ni ar-lein – mae’n hawdd.

[button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]