Erthyl Gwadd – Cyngor Iechyd Cymuned Gogledd Cymru (CICGC)
Mae’r corff gwarchod annibynnol i ogledd Cymru – Cyngor Iechyd Cymuned Gogledd Cymru (CICGC) – yn awyddus i glywed gan bobl sydd â phrofiad o wasanaethau Therapi Iaith a Lleferydd yng ngogledd Cymru.
Bydd CICGC yn cynnal cyfres o ddigwyddiadau wyneb yn wyneb ar draws chwe sir gogledd Cymru neu drwy fideo gynadledda, yn ystod mis Medi, Hydref a Tachwedd. Gwahoddir cleifion, eu gofalwyr a’u teuluoedd i siarad am bob agwedd o Wasanaethau Therapi Iaith a Lleferydd GIG.
Cynhelir y digwyddiadau fel a ganlyn – gyda 3 sesiwn wahanol ym mhob lleoliad.
Wrecsam
| 1 Hydref | Wrexham | 10.00am | 1.30pm | 4.00pm |
| 5 Tachwedd | Rhosllanerchrugog | 10.00am | 1.30pm | 4.00pm |
| 9 Tachwedd | Wrexham | 10.00am | 1.30pm | 4.00pm |
Digwyddiad Rhithiol
| 4 Hydref | Ar lein | 6.30pm |
| 11 Hydref | Ar lein | 2.00pm |
| 20 Hydref | Ar lein | 10.00am |
Dywedodd Mr Geoff Ryall-Harvey, Prif Swyddog CICGC “Rydym wedi gweithio gyda Gwasanaethau Therapi Iaith a Lleferydd BIPBC i sicrhau bod pobl yn cael dweud eu dweud ar y ffordd mae gwasanaethau yn cael eu datblygu yng ngogledd Cymru.
Cynhelir ein digwyddiadau ymgysylltu mewn sawl lleoliad ar draws yr ardal, gan roi cyfle i bobl roi gwybod i ni am eu profiadau o’r gwasanaethau. Mae’n hanfodol ein bod yn cyflwyno adborth ac awgrymiadau pawb sy’n defnyddio gwasanaethau Therapi Iaith a Lleferydd i’r rhai sydd yn gwneud penderfyniadau a pholisïau”.
Os ydych yn dymuno mynychu unrhyw un o’r digwyddiadau neu i gael rhagor o wybodaeth cysylltwch â Chyngor Iechyd Cymuned Gogledd Cymru ar rif ffôn: 01248 679284 (ds mae system ffôn ateb yn weithredol – gadewch neges a bydd aelod o’r tîm yn cysylltu â chi) neu ar e-bost yourvoice@wales.nhs.uk
Gallwch hefyd gofrestru i fod yn bresennol drwy’r ap SurveyMe drwy ddefnyddio’r ddolen isod: https://svy.at/b7f1g
DS Mae’r cofrestru ar sail y cyntaf i’r felin, ond byddwn yn trefnu sesiynau ychwanegol fel bo angen
Wrth gadw lle, gadewch i ni wybod os ydych yn dymuno cyfrannu i’r trafodaethau drwy gyfrwng y Gymraeg neu’r Saesneg. Gadewch i ni wybod hefyd am unrhyw ofynion mewn perthynas â chyfathrebu neu fynediad.
Mae gwneud apwyntiad i dderbyn brechlyn Covid-19 yn haws nag erioed o’r blaen.
[button color=”” size=”large” type=”square_outlined” target=”new” link=” https://bipbc.gig.cymru/covid-19/gwybodaeth-brechlyn-covid-19/brechiad-covid-19-trefnu-apwyntiad-ar-lein/”]TREFNWCH APWYNTIAD AR-LEIN[/button]
