Mae’r wefan hon yn defnyddio cwcis. Trwy ei defnyddio, rydych yn cytuno i’w defnydd. Am fwy o wybodaeth, darllenwch ein Polisi Preifatrwydd.
Derbyn
Newyddion Cyngor Wrecsam
  • Busnes ac addysg
  • Y cyngor
  • Pobl a lle
  • Digwyddiadau
  • Fideo
  • Arall
  • English
Darllen Covid-19 (Coronafeirws Newydd) – nodyn briffio’r cyhoedd 27.3.20
Rhannu
Notification Show More
Newyddion diweddaraf
Cymerwch ran a helpwch i wneud yr Eisteddfod eleni yn llwyddiant ysgubol!
Cymerwch ran a helpwch i wneud yr Eisteddfod eleni yn llwyddiant ysgubol!
Busnes ac addysg Digwyddiadau Pobl a lle Y cyngor
barbecue cooking in warm weather
Cynllunio barbeciw yn yr haul? Gwych, ond cofiwch ailgylchu
Datgarboneiddio Wrecsam Pobl a lle
Arolwg Cyflwr Gofalu 2025
Arolwg Cyflwr Gofalu 2025
Arall
Ageing Well event at Ty Pawb
Wrecsam yn dathlu digwyddiad Heneiddio’n Dda llwyddiannus (26 Mehefin)
Digwyddiadau Pobl a lle
wrexham library
Seren yr 80au yn Llyfrgell Wrecsam
Digwyddiadau Pobl a lle
Newyddion Cyngor Wrecsam
Search
  • Busnes ac addysg
  • Y cyngor
  • Pobl a lle
  • Digwyddiadau
  • Fideo
  • Arall
  • English
Dilynwch NI
© 2023 Cyngor Bwrdeistref Sirol Wrecsam
Newyddion Cyngor Wrecsam > Blog > Y cyngor > Covid-19 (Coronafeirws Newydd) – nodyn briffio’r cyhoedd 27.3.20
Y cyngor

Covid-19 (Coronafeirws Newydd) – nodyn briffio’r cyhoedd 27.3.20

Diweddarwyd diwethaf: 2020/04/02 at 10:51 AM
Rhannu
Darllen 12 funud
Covid 19
RHANNU
Mae’r nodyn hwn yn ddiweddariad o’r wybodaeth a roddwyd ar y blog hwn ddoe (26.3.20).

Negeseuon allweddol heddiw:

• Rydym ni’n cynnig dull hyblyg i dalu Treth y Cyngor i’r rheiny ohonoch chi sydd wedi’ch effeithio’n ariannol gan Covid-19
• Os ydi’ch plant chi’n gymwys i dderbyn prydau ysgol am ddim, fe allwch chi gasglu pecyn cinio o un o’r 10 safle sydd gennym ni
• Rydym ni wedi penderfynu peidio â chyflwyno’r casgliad gwastraff gardd newydd am y tro, a pharhau i gasglu gwastraff gardd pawb hyd y gallwn. Os ydych chi eisoes wedi talu’r ffi o £25, cewch wasanaeth 12 mis llawn pan fydd y cynllun yn cael ei roi ar waith

Cynnwys
Mae’r nodyn hwn yn ddiweddariad o’r wybodaeth a roddwyd ar y blog hwn ddoe (26.3.20).Negeseuon allweddol heddiw:Ian Bancroft – Prif WeithredwrY Cynghorydd Mark Pritchard – Arweinydd y CyngorDull llawn cydymdeimlad i dalu Treth y CyngorDull hyblyg i dalu Treth y Cyngor i’r rheiny sydd wedi’u heffeithio gan Covid-19Gwneud cais am fudd-dal treth y cyngorMethu talu eich treth y cyngor i gyd?Gwastraff ac ailgylchuNodyn atgoffa – gwastraff garddYsgolionPrydau Ysgol am DdimCymorth i FusnesauGwirfoddoli yn WrecsamNodyn Atgoffa – Newidiadau Pwysig i Wasanaethau CyngorCofiwch – ffynonellau gwybodaeth dibynadwy am Covid-19
Ian Bancroft – Prif Weithredwr
Y Cynghorydd Mark Pritchard – Arweinydd y Cyngor

Mae effaith Covid-19 ar swyddi a busnesau yn glir, a gwn y bydd y cyfnod hwn yn un anodd dros ben i nifer o bobl… o ran iechyd ac arian.

Mae treth yn chwarae rhan bwysig i ddarparu gwasanaethau hanfodol i gymunedau ar draws y DU, ond gwyddwn, yn y sefyllfa sydd ohoni, y bydd pobl yn ei chael hi’n anodd talu Treth y Cyngor.

Felly, i’r rheiny ohonoch chi sydd wedi’ch effeithio’n ariannol gan y feirws, rydym ni’n cynnig dull llawn cydymdeimlad a hyblyg i dalu Treth y Cyngor yn ystod y tri mis nesaf.

- Cofrestru -
Eisteddfod Wrecsam 2025

Rydym ni’n gobeithio y bydd hyn yn helpu aelwydydd sy’n wynebu caledi ariannol.

Cewch ragor o fanylion is i lawr.

Os fedrwch chi dalu, yna parhewch i dalu yn ôl yr arfer. Bydd hyn yn ein helpu ni i barhau i gynnig gwasanaethau hanfodol yn ystod yr argyfwng hwn.

Cofiwch barhau i gadw pellter a dilyn cyfarwyddiadau diweddaraf y Llywodraeth. Drwy gadw pellter rydym ni’n achub bywydau ac yn helpu i gadw Wrecsam mor ddiogel â phosibl.

Rydym ni wedi darparu’r wybodaeth ganlynol i’ch helpu chi ddeall y newidiadau diweddaraf i wasanaethau’r Cyngor.

Dull llawn cydymdeimlad i dalu Treth y Cyngor

Dull hyblyg i dalu Treth y Cyngor i’r rheiny sydd wedi’u heffeithio gan Covid-19

Mae digwyddiadau diweddar wedi rhoi rhai pobl mewn sefyllfa sy’n golygu nad ydyn nhw’n gallu gwneud eu taliadau arferol.

Dydi’r Llywodraeth ddim wedi cyfarwyddo cynghorau i ddarparu ‘gwyliau talu’ gorfodol ar gyfer Treth y Cyngor, ond rydym ni’n gwerthfawrogi bod y cyfnod hwn yn un eithriadol a byddwn yn gweithio gyda chwsmeriaid i geisio lleihau unrhyw faich ariannol.

Byddwn yn gwneud yn siŵr na fydd unrhyw gam adennill yn cael ei gymryd yn erbyn aelwydydd sydd wedi’u heffeithio gan y coronafeirws a methu fforddio talu Treth y Cyngor yn ystod y tri mis nesaf (Ebrill – Mehefin).

Bydd hyn yn rhoi amser i’r cwsmeriaid hynny edrych i mewn i unrhyw gymorth ariannol sydd ar gael iddyn nhw – gan gynnwys budd-dal treth y cyngor.

Fodd bynnag, disgwylir i’r rheiny sy’n gallu talu barhau i dalu Treth y Cyngor yn ôl yr arfer. Bydd hyn yn ein helpu ni i barhau i gynnig gwasanaethau hanfodol yn ystod yr argyfwng hwn.

Gwneud cais am fudd-dal treth y cyngor

Yn ystod y tri mis nesaf fe allwch chi wneud cais am ostyngiad treth y cyngor (budd-dal) yn seiliedig ar incwm eich aelwyd.

Os ydi’ch incwm yn ddigon isel, byddwch yn derbyn cymorth tuag at eich treth y cyngor. I dderbyn ffurflen gais anfonwch neges i housingbenefits@wrexham.gov.uk

Os hoffech chi drafod eich hawliad fe allwch chi gysylltu â’n tîm budd-daliadau ar 01978 292033 – ond cofiwch drio cysylltu â ni ar e-bost os yn bosibl.

Methu talu eich treth y cyngor i gyd?

Mae cynnal asesiad budd-daliadau yn cymryd amser ac efallai na fyddwch chi’n gymwys i dderbyn budd-dal treth y cyngor llawn.

Felly, rydym ni’n argymell cwsmeriaid sydd wedi’u heffeithio’n ariannol gan y coronafeirws i wneud taliadau llai yn ystod y tri mis nesaf.

Os ydych chi’n talu drwy ddebyd uniongyrchol efallai yr hoffech chi newid neu ganslo hyn gyda’ch banc os ydych chi’n teimlo y bydd y taliadau yn arwain at galedi ariannol.

Ar ôl i’r tri mis yma ddod i ben, gan obeithio y byddwch chi mewn sefyllfa ariannol well, dylech chi gysylltu â ni i drafod eich dewisiadau.

Bydd arnoch chi angen anfon neges i counciltax@wrexham.gov.uk ym mis Mehefin neu ffonio 01978 298992 (ond anfonwch e-bost os yn bosibl).

Y WYBODAETH DDIWEDDARAF AM COVID-19 GAN IECHYD CYHOEDDUS CYMRU

Gwastraff ac ailgylchu

Nodyn atgoffa – gwastraff gardd

Ym mis Ebrill roeddem i fod i ddechrau ein casgliadau gwastraff gardd newydd – gwasanaeth lle codir tâl amdano.

Rydym ni wedi penderfynu peidio â chyflwyno’r casgliad gwastraff gardd newydd am y tro, a pharhau i gasglu gwastraff gardd pawb hyd y gallwn

Nid ydym ni’n gallu cynnig ad-daliadau ond, os ydych chi eisoes wedi talu’r ffi o £25, cewch wasanaeth 12 mis llawn pan fydd y cynllun yn cael ei roi ar waith… felly fyddwch chi ddim ar eich colled. Does dim rhaid i chi gysylltu â ni gan fod gennym ni gofnod llawn o’r cwsmeriaid sydd wedi talu.

I helpu i leihau’r baich ar staff ein Canolfan Gyswllt, hyd nes clywch yn wahanol, ni fyddwn yn derbyn rhagor o daliadau ar gyfer y cynllun newydd a byddwn ond yn trin ymholiadau ar gyfer gwasanaethau hanfodol.

Os nad ydych chi wedi talu, peidiwch â phoeni. Byddwn yn derbyn taliadau unwaith eto ar ôl i’r argyfwng hwn ddod i ben a phan fyddwn ni mewn sefyllfa well i gyflwyno’r gwasanaeth newydd.

Mae lleihau’r baich ar staff ein Canolfan Gyswllt yn bwysig iawn gan y bydd pobl gyda chyflyrau iechyd sylfaenol yn derbyn llythyrau gan y Llywodraeth gyda hyn, a bydd ar rai ohonyn nhw angen cysylltu â ni am gymorth.

Felly mae’n bwysig bod ein staff ar gael i’w helpu.

Os oes arnoch chi angen cysylltu â ni, anfonwch neges i contact-us@wrexham.gov.uk neu ewch i’n gwefan yn www.wrecsam.gov.uk.

Ysgolion

Prydau Ysgol am Ddim

Rydym ni’n gweithio’n galed iawn i geisio darparu prydau ysgol am ddim i blant nad ydyn nhw yn yr ysgol ar hyn o bryd.

Os ydi’ch plant chi’n gymwys i dderbyn prydau ysgol am ddim, fe allwch chi gasglu pecyn cinio o un o’r safleoedd canlynol:

• Swyddfa Stadau Parc Caia
• Swyddfa Stadau Plas Madoc
• Swyddfa Stadau Brychdyn
• Swyddfa Stadau Gwersyllt
• Swyddfa Stadau Rhos (Stiwt)
• Neuadd Goffa Wrecsam
• Plas Pentwyn, Coedpoeth
• Canolfan Adnoddau Llai
• Llyfrgell Owrtyn (Ystafelloedd Cocoa)
• Ysgol y Waun, y Waun

Cewch fynd i’r safle agosaf.

Mae’n rhaid i riant neu ofalwr gasglu’r pecynnau cinio rhwng 11.30am ac 1pm.

Bydd arnoch chi angen darparu enw’ch plentyn/plant a’r ysgol, a chewch chi ddim casglu pecynnau cinio plant eraill.

Cofiwch barhau i ddilyn y canllawiau cadw pellter, gan gadw 2 metr rhyngoch chi a phobl eraill.

Cymorth i Fusnesau

Mae’r Llywodraeth wedi cyflwyno pecyn o fesurau i helpu busnesau – gan gynnwys pobl hunangyflogedig – yn ystod y cyfnod hwn o amhariadau.

Ceir rhagor o wybodaeth ar wefan Llywodraeth y DU.

Gwirfoddoli yn Wrecsam

Mae peth dryswch wedi bod yn dilyn galwad y Llywodraeth am 250,000 o wirfoddolwyr i gefnogi’r GIG, a’r ap y mae modd i bobl ei ddefnyddio i gofrestru.

Mae hwn yn gynllun ar gyfer Lloegr yn unig, ac nid yw’n berthnasol i Gymru.

Mae’r rhaglen wirfoddoli sydd ar gael yn Wrecsam yn cael ei rhedeg gan AVOW ac fe allwch chi gofrestru ar-lein.

Nodyn Atgoffa – Newidiadau Pwysig i Wasanaethau Cyngor

Dyma nodyn i’ch atgoffa am rai o’r newidiadau eraill rydym ni wedi’u gwneud yn ystod yr wythnos ddiwethaf mewn ymateb i Covid-19.

• Dim ond gwasanaethau hanfodol rydym ni’n eu cynnig bellach. Rhain yw’r pethau rydym ni wedi’u nodi yn bethau hollol hanfodol i’n cymunedau ac i redeg y Cyngor
• Rydym ni wedi rhoi’r gorau i godi tâl am barcio yn ein meysydd parcio er mwyn helpu gweithwyr sy’n darparu gwasanaethau hanfodol a phobl sy’n gadael y tŷ i brynu bwyd a nwyddau hanfodol yn unol â chanllawiau’r Llywodraeth
• Mae ein llwybrau troed ar agor, ond cofiwch gadw pellter gan nad oes arnom ni eisiau dechrau cau llwybrau
• Mae’r holl lefydd chwarae yng ngofal y Cyngor wedi’u cau
• Dim ond mewn argyfwng y cewch chi ffonio’r Tîm Atgyweiriadau Tai (01978 298993). Gallwch roi gwybod am unrhyw waith atgyweirio nad oes brys amdano drwy Fy Nhŷ Cyngor neu housingrepairs@wrexham.gov.uk
• O ddydd Llun 30 Mawrth, ni fyddwn yn darparu cludiant o’r cartref i’r ysgol nes clywch yn wahanol. Byddwn yn parhau i gynnig gwasanaeth cludiant o’r cartref i’r ysgol ar gyfer dysgwyr AAA
• Mae effaith y coronafeirws i’w weld ar ein gwasanaethau cynllunio a rheoli adeiladu. Mae cyfarfod mis Ebrill y Pwyllgor Cynllunio wedi’i ganslo.
• Rydym ni wedi cynnig ‘gwyliau’ rhent a thaliadau ffioedd gwasanaeth o dri mis i’n tenantiaid masnachol a’n stondinwyr sydd wedi’u heffeithio gan y sefyllfa bresennol

Cofiwch – ffynonellau gwybodaeth dibynadwy am Covid-19

Darperir yr wybodaeth ddiweddaraf am yr hyn y dylai pobl wneud drwy:

● Datganiadau dyddiol ar y teledu gan y Llywodraeth (yn cynnwys gan y Prif Weinidog)
● Briffiau swyddogol dyddiol gan yr Adran Iechyd a Gofal Cymdeithasol am 2pm, a gan Iechyd Cyhoeddus Cymru am 3pm

Mae hon yn sefyllfa sy’n newid yn gyflym, felly byddwn yn cyhoeddi gwybodaeth bellach fel y bo’n briodol.

Darllenwch y wybodaeth ddiweddaraf am Covid-19.

Y WYBODAETH DDIWEDDARAF AM COVID-19

Rhannu
Erthygl flaenorol Library Eich llyfrgell, ar-lein
Erthygl nesaf home schooling Ail Wythnos Addysgu yn y Cartref? Fe all hyn eich helpu…..

Cysylltu

590 Dilynwyr Hoffi
1k Dilynwyr Dilyn
500 Dilynwyr Dilyn
- Cofrestru -
Ad image

Y newyddion diweddaraf

Cymerwch ran a helpwch i wneud yr Eisteddfod eleni yn llwyddiant ysgubol!
Cymerwch ran a helpwch i wneud yr Eisteddfod eleni yn llwyddiant ysgubol!
Busnes ac addysg Digwyddiadau Pobl a lle Y cyngor Gorffennaf 11, 2025
barbecue cooking in warm weather
Cynllunio barbeciw yn yr haul? Gwych, ond cofiwch ailgylchu
Datgarboneiddio Wrecsam Pobl a lle Gorffennaf 10, 2025
Arolwg Cyflwr Gofalu 2025
Arolwg Cyflwr Gofalu 2025
Arall Gorffennaf 10, 2025
Ageing Well event at Ty Pawb
Wrecsam yn dathlu digwyddiad Heneiddio’n Dda llwyddiannus (26 Mehefin)
Digwyddiadau Pobl a lle Gorffennaf 10, 2025

Efallai yr hoffech weld y rhain hefyd

Cymerwch ran a helpwch i wneud yr Eisteddfod eleni yn llwyddiant ysgubol!
Busnes ac addysgDigwyddiadauPobl a lleY cyngor

Cymerwch ran a helpwch i wneud yr Eisteddfod eleni yn llwyddiant ysgubol!

Gorffennaf 11, 2025
Waste Collections
Y cyngor

Casgliadau biniau ddydd Gwener, Gorffennaf 11

Gorffennaf 9, 2025
9000
Pobl a lleY cyngor

Wrecsam yn dathlu plannu dros 9000 o goed newydd

Gorffennaf 4, 2025
Ty Mawr
FideoPobl a lleY cyngor

Parciau gwledig Wrecsam o’r awyr

Gorffennaf 4, 2025
Wrexham County Borough Council
//

Mae Newyddion y Cyngor yn darparu’r holl newyddion diweddaraf gan Gyngor Bwrdeistref Sirol Wrecsam.

Dolenni cyflym

  • Rhestr ddarllen
  • Fy Niweddariadau
  • Cysylltwch â’r cyngor
  • Polisi preifatrwydd

Prif storiau

Tanysgrifiwch i’n bwletin newyddion a chael y newyddion a’r wybodaeth ddiweddaraf gan Gyngor Wrecsam.

Newyddion Cyngor Wrecsam
Dilynwch NI

© 2023 Cyngor Bwrdeistref Sirol Wrecsam

Wedi’i dynnu oddi ar y rhestr ddarllen.

Undo
Wrexham Council News
Welcome back!

Sign in to your account

Lost your password?
  • Cymraeg
  • English