Mae’r wefan hon yn defnyddio cwcis. Trwy ei defnyddio, rydych yn cytuno i’w defnydd. Am fwy o wybodaeth, darllenwch ein Polisi Preifatrwydd.
Derbyn
Newyddion Cyngor Wrecsam
  • Busnes ac addysg
  • Y cyngor
  • Pobl a lle
  • Digwyddiadau
  • Fideo
  • Arall
  • English
Darllen Covid-19 (Novel Coronavirus) – nodyn briffio’r cyhoedd 1.5.20
Rhannu
Notification Show More
Newyddion diweddaraf
Ai dyma'r swydd i chi? Dyma ddetholiad byr o rai o’r swyddi sy’n wag ar hyn o bryd…
Ai dyma’r swydd i chi? Dyma ddetholiad byr o rai o’r swyddi sy’n wag ar hyn o bryd…
Busnes ac addysg
Terry Fox Run
Mae Ras Terry Fox yn dychwelyd
Digwyddiadau Pobl a lle
Tidy Wales Awards 2025
Gwobrau Cymru Daclus 2025 – mae’r enwebiadau nawr ar agor!
Datgarboneiddio Wrecsam Pobl a lle
CBDC yn cyhoeddi Taith ‘Ein Crys Cymru’ cyn UEFA EWRO Menywod 2025
CBDC yn cyhoeddi Taith ‘Ein Crys Cymru’ cyn UEFA EWRO Menywod 2025
Digwyddiadau Pobl a lle
Pontcysyllte aqueduct
Dweud Eich Dweud yn Nyfodol Bryniau Clwyd a Dyffryn Dyfrdwy
Pobl a lle
Newyddion Cyngor Wrecsam
Search
  • Busnes ac addysg
  • Y cyngor
  • Pobl a lle
  • Digwyddiadau
  • Fideo
  • Arall
  • English
Dilynwch NI
© 2023 Cyngor Bwrdeistref Sirol Wrecsam
Newyddion Cyngor Wrecsam > Blog > Y cyngor > Covid-19 (Novel Coronavirus) – nodyn briffio’r cyhoedd 1.5.20
Y cyngor

Covid-19 (Novel Coronavirus) – nodyn briffio’r cyhoedd 1.5.20

Diweddarwyd diwethaf: 2020/05/05 at 1:59 PM
Rhannu
Darllen 8 funud
Covid 19
RHANNU
Mae’r nodyn hwn yn darparu’r wybodaeth ddiweddaraf yn dilyn yr hyn a gyhoeddwyd ar y blog hwn ddydd Mawrth (28.4.20).

Negeseuon allweddol ar gyfer heddiw

• Yr wythnos nesaf, mae disgwyl i’r Llywodraeth amlinellu sut fydd y DU yn dechrau codi’r cyfyngiadau ar symud, a rhoi syniad o sut fydd pethau’n newid yn y dyfodol…. a beth allai hyn ei olygu i wasanaethau’r cyngor.
• Rydym yn gofyn i aelwydydd ar draws Wrecsam feddwl am eu cymdogion – yn enwedig yr henoed, neu’r rhai sy’n byw ar eu pennau eu hunain. Os ydych yn bryderus amdanyn nhw, ewch i weld a ydynt yn iawn.
• Yn gynharach yr wythnos hon, fe wnaethom oleuo rhai o adeiladau’r cyngor i ddiolch i bawb sy’n gweithio ar y rheng flaen, ac i’n holl gymunedau yn ystod yr argyfwng Covid-19.
• Byddwn yn cyflwyno system daliadau uniongyrchol newydd ar gyfer prydau ysgol am ddim ddydd Llun (4 Mai). Os nad ydych chi wedi cofrestru eto, nid yw’n rhy hwyr.

Cynnwys
Mae’r nodyn hwn yn darparu’r wybodaeth ddiweddaraf yn dilyn yr hyn a gyhoeddwyd ar y blog hwn ddydd Mawrth (28.4.20).Negeseuon allweddol ar gyfer heddiwIan Bancroft – Prif WeithredwrMark Pritchard – Arweinydd y CyngorSut fyddwn yn codi’r cyfyngiadau ar symud?Ydi’ch cymdogion yn iawn?DiolchNodyn Atgoffa – peidiwch â gyrru i’n parciau os gwelwch yn dda.Nodyn atgoffa – cynllun y taliad uniongyrchol prydau ysgol am ddimNodyn Atgoffa – ffynonellau gwybodaeth ddibynadwy am Covid-19
Ian Bancroft – Prif Weithredwr
Mark Pritchard – Arweinydd y Cyngor

Sut fyddwn yn codi’r cyfyngiadau ar symud?

Mae’r cyfyngiadau ar symud wedi cael effaith anferth ar ein bywydau.

Yn naturiol, mae pobl wedi dechrau meddwl am bryd fydd y cyfyngiadau hyn yn dechrau llacio, a sut fydd pethau’n newid dros yr wythnosau a’r misoedd i ddod.

Rydym hefyd wedi gweld cwestiynau ynghylch pryd fydd rhai o gyfleusterau a gwasanaethau’r cyngor yn ailagor neu’n ailddechrau.

- Cofrestru -
Eisteddfod Wrecsam 2025

Ar hyn o bryd, mae’r neges yn glir – dylid aros gartref, arbed bywydau a diogelu’r GIG.

Fodd bynnag, yr wythnos nesaf, mae disgwyl i’r Llywodraeth amlinellu sut fydd y DU yn codi’r cyfyngiadau ar symud yn y pen draw, a sut fydd y penderfyniadau mewn perthynas â hyn yn cael eu gwneud.

Bydd hyn yn rhoi gwell syniad i ni o sut fydd pethau’n newid yn y dyfodol… a beth allai hyn ei olygu i wasanaethau’r cyngor.

Fel bob cyngor arall, rydym eisoes wedi dechrau meddwl am sut i ddechrau cynnig gwasanaethau amrywiol ar yr amser iawn.

Ond mae’n bwysig nad ydym yn rhoi’r ceffyl o flaen y drol.

Drwy barhau i gadw at ganllawiau cadw pellter cymdeithasol a dilyn cyfarwyddiadau’r Llywodraeth, rydym yn cadw ein gilydd yn ddiogel … ac yn chwarae ein rhan ni yn y broses o gario’r genedl drwy’r pandemig hwn.

Cadwch yn saff.

Ydi’ch cymdogion yn iawn?

Un peth cadarnhaol sydd wedi dod i’r amlwg yn sgil yr argyfwng Covid-19 ydi’r modd y mae pobl yn cadw llygad ar ei gilydd.

Serch hynny, mae yna bobl sydd heb berthnasoedd na ffrindiau gerllaw, heb neb amlwg i ofyn a ydynt yn iawn.

Felly rydym yn gofyn i aelwydydd ar draws Wrecsam feddwl am eu cymdogion – yn enwedig yr henoed, neu’r rhai sy’n byw ar eu pennau eu hunain.

Meddyliwch a ydych wedi eu gweld neu eu clywed yn ddiweddar, ac os ydych chi’n poeni, ewch i wirio a ydynt yn iawn.

Ewch i roi cnoc ar y drws, neu postiwch nodyn bach drwy’r blwch postio….ond cofiwch gadw at reolau cadw pellter cymdeithasol a chadwch o leiaf ddau fetr i ffwrdd.

Os nad ydych yn derbyn ymateb ac yn dechrau teimlo’n bryderus iawn, cysylltwch â ni ar 01978 292000 neu contact-us@wrexham.gov.uk, a byddwn yn gwneud ein gorau i gysylltu â’r unigolyn yr ydych yn pryderu amdanynt.

Covid-19 (Novel Coronavirus) – nodyn briffio’r cyhoedd 1.5.20

Diolch

Yn gynharach yr wythnos hon, fe wnaethom oleuo rhai o adeiladau’r cyngor i ddiolch i bawb sy’n gweithio ar y rheng flaen, ac i’n holl gymunedau yn ystod yr argyfwng Covid-19.

Diolch i bawb sy'n gweithio ar y rheng flaen yn ystod argyfwng Covid-19. Rydych chi'n anhygoel. #Wrecsam pic.twitter.com/PUehY1O1cl

— Cyngor Wrecsam (@cbswrecsam) April 30, 2020

Mae negeseuon ‘Diolch i’r GIG’ – ynghyd â fflagiau enfys siâp calon – hefyd wedi’u peintio ar wyneb y ffordd ar hyd Ffordd Ddyfrllyd a Ffordd Croesnewydd, ger Ysbyty Maelor.

Peintio negeseuon ar ffyrdd i ddiolch i’n gweithwyr allweddol ???? https://t.co/AC4iQ0972f #Wrecsam pic.twitter.com/DOdtKjMz3n

— Cyngor Wrecsam (@cbswrecsam) April 29, 2020

Ac mae neges yn dweud ‘Diolch’ – i bob gweithiwr allweddol ar y rheng flaen – wedi’i pheintio ar wyneb y ffordd ar Ffordd yr Wyddgrug, sef un o’r prif ffyrdd i mewn ac allan o ganol y dref.

Mae pobl wedi canfod ffyrdd newydd i dalu teyrnged i’r gweithwyr rheng flaen dros yr wythnosau diwethaf. Ac er fod dweud ‘diolch’ yn ymddangos fel rhywbeth bach, mae’n rhywbeth y gallwn ni ei wneud i roi gwybod i’r bobl hyn faint rydym yn eu gwerthfawrogi nhw.

Nodyn Atgoffa – peidiwch â gyrru i’n parciau os gwelwch yn dda.

Wrth i’r penwythnos agosáu, cofiwch beidio â gyrru yn ein parciau os gwelwch yn dda.

Ni ddylai unrhyw un fod yn gwneud hynny, mae’r Llywodraeth wedi nodi’n gwbl glir y dylem ‘aros yn lleol’ wrth wneud ymarfer corff.

Ond os ydych yn ddigon lwcus i fyw ger un o’n parciau (yn ddigon agos i gerdded), mae canllawiau pwysig iawn i chi eu dilyn.

Darllenwch yr erthygl a rannwyd gennym yn ddiweddar.

Arhoswch yn ddiogel y penwythnos hwn.

Nodyn atgoffa – cynllun y taliad uniongyrchol prydau ysgol am ddim

A yw eich plant yn cael prydau ysgol am ddim?

Byddwn yn cyflwyno system newydd ddydd Llun, 4 Mai fel rhan o’n hymateb parhaus i Covid-19.

Bydd arian yn cael ei dalu yn uniongyrchol i’ch cyfrif banc, a gallwch yna ei ddefnyddio i brynu bwyd i’ch plant.

Byddwch yn cael taliad misol ar ddechrau bob mis sy’n cyfateb i £19.50 yr wythnos ar gyfer pob plentyn cymwys yn eich teulu.

Rydym wedi bod yn gofyn i bobl gofrestru erbyn heddiw er mwyn sicrhau nad ydynt yn colli allan, ac rydym wedi derbyn ymateb rhagorol.

Fodd bynnag, os nad ydych chi wedi cofrestru eto, nid yw’n rhy hwyr.

Cofrestrwch erbyn dydd Gwener, 8 Mai, os gwelwch yn dda.

COFRESTRU NAWR

Ar ôl heddiw, ni fyddwch yn gallu casglu pecynnau ‘bwyd i fynd’ o’n pwyntiau dosbarthu ar draws y fwrdeistref sirol mwyach.

Cyflwynwyd y system ‘bwyd i fynd’ fel mesur dros dro er mwyn caniatáu amser i ddatblygu system newydd.

Felly …. sicrhewch eich bod yn cofrestru ar gyfer y taliadau uniongyrchol os nad ydych eisoes wedi gwneud hynny.

Nodyn Atgoffa – ffynonellau gwybodaeth ddibynadwy am Covid-19

Caiff y wybodaeth ddiweddaraf am y feirws a beth ddylai pobl wneud amdano ei darparu trwy:

• Ddatganiadau dyddiol ar y teledu gan y Llywodraeth (gan gynnwys gweinidogion y Llywodraeth).
• Briff swyddogol dyddiol gan yr Adran Iechyd a Gofal Cymdeithasol am 2pm ac Iechyd Cyhoeddus Cymru am 3pm.

Darllenwch y wybodaeth ddiweddaraf am Covid-19.

Y WYBODAETH DDIWEDDARAF AM COVID-19

Rhannu
Erthygl flaenorol laptop Hyfforddiant ar-lein wedi’i lansio i helpu i amddiffyn busnesau rhag sgamiau Covid-19
Erthygl nesaf Holiday Accommodation Gweithwyr allweddol yn cael defnyddio llety gwyliau yn ystod cyfnod o gyfyngiadau ar symud

Cysylltu

590 Dilynwyr Hoffi
1k Dilynwyr Dilyn
500 Dilynwyr Dilyn
- Cofrestru -
Ad image

Y newyddion diweddaraf

Ai dyma'r swydd i chi? Dyma ddetholiad byr o rai o’r swyddi sy’n wag ar hyn o bryd…
Ai dyma’r swydd i chi? Dyma ddetholiad byr o rai o’r swyddi sy’n wag ar hyn o bryd…
Busnes ac addysg Mehefin 27, 2025
Terry Fox Run
Mae Ras Terry Fox yn dychwelyd
Digwyddiadau Pobl a lle Mehefin 27, 2025
Tidy Wales Awards 2025
Gwobrau Cymru Daclus 2025 – mae’r enwebiadau nawr ar agor!
Datgarboneiddio Wrecsam Pobl a lle Mehefin 27, 2025
CBDC yn cyhoeddi Taith ‘Ein Crys Cymru’ cyn UEFA EWRO Menywod 2025
CBDC yn cyhoeddi Taith ‘Ein Crys Cymru’ cyn UEFA EWRO Menywod 2025
Digwyddiadau Pobl a lle Mehefin 26, 2025

Efallai yr hoffech weld y rhain hefyd

Rydyn ni'n chwifio'r faner ar gyfer Diwrnod y Lluoedd Arfog
DigwyddiadauPobl a lleY cyngor

Rydyn ni’n chwifio’r faner ar gyfer Diwrnod y Lluoedd Arfog

Mehefin 23, 2025
aging couple
DigwyddiadauPobl a lleY cyngor

Heneiddio’n Dda – cewch wybod mwy ar 26 Mehefin

Mehefin 20, 2025
Adfywio treftadaeth barhaus yn cefnogi adeiladau allweddol yn Ardal Gadwraeth Wrecsam
Pobl a lleY cyngor

Adfywio treftadaeth barhaus yn cefnogi adeiladau allweddol yn Ardal Gadwraeth Wrecsam

Mehefin 17, 2025
Gwersyllt Community Resource Centre
Pobl a lleY cyngor

Canolfan Adnoddau Cymunedol Gwersyllt – cau am bythefnos

Mehefin 16, 2025
Wrexham County Borough Council
//

Mae Newyddion y Cyngor yn darparu’r holl newyddion diweddaraf gan Gyngor Bwrdeistref Sirol Wrecsam.

Dolenni cyflym

  • Rhestr ddarllen
  • Fy Niweddariadau
  • Cysylltwch â’r cyngor
  • Polisi preifatrwydd

Prif storiau

Tanysgrifiwch i’n bwletin newyddion a chael y newyddion a’r wybodaeth ddiweddaraf gan Gyngor Wrecsam.

Newyddion Cyngor Wrecsam
Dilynwch NI

© 2023 Cyngor Bwrdeistref Sirol Wrecsam

Wedi’i dynnu oddi ar y rhestr ddarllen.

Undo
Wrexham Council News
Welcome back!

Sign in to your account

Lost your password?
  • Cymraeg
  • English