Rydym yn chwilio am ymarferydd celfyddydol brwdfrydig, creadigol a threfnus, i gynllunio, cyflwyno a gwerthuso ein Clwb Celf i Deuluoedd, sy’n digwydd ar foreau Sadwrn.
Bydd y contract hwn i gynnal 23 o sesiynau rhwng 11fed Medi 2021 a 26ain Mawrth 2022.
Y ffi benodedig am hyn yw £5,200, gan gynnwys teithio, deunyddiau ac unrhyw dreuliau eraill.
Dylid cynllunio rhaglen y Clwb Celf i Deuluoedd i ymgysylltu â phlant 4-11 oed a’u teuluoedd, gan gymryd ysbrydoliaeth o arddangosfeydd Tŷ Pawb, y rhaglen gelfyddydol ehangach a neuadd y farchnad. Hoffem i’r sesiynau adlewyrchu ethos Tŷ Pawb, a phwysigrwydd iaith a diwylliant Cymru.
Fel arfer, cynhelir sesiynau o fewn y Gofod Celf Defnyddiol yn Tŷ Pawb, ond yn dibynnu ar gyfyngiadau newidiol bydd angen cael cynlluniau wrth gefn digidol ar waith.
Mae’r rôl yn cynnwys cynllunio, sefydlu a glanhau wedi’r sesiwn, monitro (adborth, caniatâd lluniau ac adroddiad gwerthuso diwedd prosiect), darparu cynnwys marchnata a dogfennu pob sesiwn.
Mae potensial i isgontractio ar brydiau, gyda gwybodaeth, cyfranogiad a chydsyniad Tŷ Pawb ymlaen llaw.
I wneud cais, anfonwch e-bost at karen.whittingham@wrexham.gov.uk gyda:
- CV cyfredol (dim mwy na 2 dudalen)
- Llythyr yn amlinellu eich addasrwydd ar gyfer y rôl
Os cewch eich gwahodd i gyfweliad yna bydd angen 2 x tystlythyr
Y dyddiad cau ar gyfer ceisiadau yw hanner nos ddydd Mercher 11 Awst, ac mae angen i ymgeiswyr fod ar gael i’w cyfweld ddydd Iau 19eg Awst.
Mae gwneud apwyntiad i dderbyn brechlyn Covid-19 yn haws nag erioed o’r blaen.
[button color=”” size=”large” type=”square_outlined” target=”new” link=” https://bipbc.gig.cymru/covid-19/gwybodaeth-brechlyn-covid-19/brechiad-covid-19-trefnu-apwyntiad-ar-lein/”]TREFNWCH APWYNTIAD AR-LEIN[/button]
