Mae Wrecsam yn cynnal Digwyddiad Heneiddio’n Dda Wrecsam arbennig ddydd Iau 12 Chwefror 2026, rhwng 11.30am a 1.30pm yn Nhŷ Pawb.
Mae’r digwyddiad yn seiliedig ar un syniad syml: rydyn ni i gyd eisiau heneiddio’n dda. Mae cadw’n iach, yn gysylltiedig ac yn rhan o’n cymuned yn bwysig i bawb – ni waeth ble rydyn ni arni mewn bywyd.
Bydd Rhian Bowen-Davies, Comisiynydd Pobl Hŷn Cymru, yn ymuno â ni ar y diwrnod a dywedodd: “Mae cymunedau sy’n ein galluogi i aros yn egnïol, yn gysylltiedig ac yn wybodus yn chwarae rhan hanfodol wrth gefnogi ein hiechyd, ein lles a’n hannibyniaeth – ac yn ein helpu ni i heneiddio’n dda.
“Felly rwy’n edrych ymlaen yn fawr at ddod i Wrecsam i ymuno â gweithgareddau’r digwyddiad dathlu ar 12 Chwefror i ddysgu mwy am y gwaith pwysig sy’n cael mynd rhagddo i wneud Wrecsam yn sir sy’n dda i bobl hŷn, a’r gwahaniaeth cadarnhaol y mae hyn yn ei wneud i fywydau pobl hŷn.
“Bydd llawer o wybodaeth, cyngor a chefnogaeth ddefnyddiol ar gael, felly dewch draw i ymuno â ni ar y diwrnod os gallwch chi – croeso i bawb!”
Bydd mwy na 40 o sefydliadau hefyd yno i rannu cyngor, cefnogaeth a gwybodaeth gydag oedolion a’u teuluoedd.
Ymhlith y sefydliadau fydd yn bresennol ar y dydd mae; Tîm Seiberdroseddu Heddlu Gogledd Cymru, AVOW, Rainbow Foundation, Atal cwympiadau ac iechyd esgyrn, DASU, BAWSO, Cymorth i Ddioddefwyr, Cyngor ar Bopeth a llawer mwy
Yn y digwyddiad, fedrwch:
- Gwrdd â grwpiau lleol
- Dysgu am gymorth yn Wrecsam
- Mwynhau sgwrs hamddenol gydag eraill
Mae croeso i bawb, ac mae’r digwyddiad yn rhad ac am ddim. Does dim angen cadw lle – dim ond galw heibio.
Heneiddio’n dda yn Wrecsam | Cyngor Bwrdeistref Sirol Wrecsam
Partneriaeth Dysgu Oedolion yn y Gymuned yn cael ei chanmol gan Estyn – Newyddion Cyngor Wrecsam
