2pm
Mae casgliadau bin gwyrdd yfory (dydd Mercher) wedi’u gohirio oherwydd yr amodau gwael. A fyddech cystal â chyflwyno ailgylchu chi fel arfer a byddwn yn gwneud pob ymdrech i’w gasglu. Byddwn yn eich diweddaru cyn gynted â phosibl wrth i bethau wella.
Mae’n bosibl y byddwch yn dal i dderbyn eich e-bost wythnosol wedi’i amserlennu yn gofyn i chi roi eich bin gwyrdd allan yfory, ond anwybyddwch hyn – bydd casgliadau bin gwyrdd yn bendant yn cael eu hatal yfory oherwydd sgil-effaith y tywydd yr wythnos hon.
1.35pm
Dyma un o’n timau aredig a graeanu allan heddiw.
Diolch am eich amynedd heddiw. Mae ein timau wedi bod yn gweithio’n galed iawn dros nos a’r bore yma – yn graeanu ac aredig yn yr eira – ac rydym yn gwerthfawrogi eich cefnogaeth yn fawr.
Rydym yn gofalu am 1,148.5km o ffyrdd ar draws y fwrdeistref sirol, ac mae ein criwiau wedi rhoi popeth iddo i gadw’r rhwydwaith ffyrdd mor glir â phosibl ar y prif lwybrau, gyda’r llwybrau mwy gwledig yn cael eu trin gan gontractwyr amaethyddiaeth ac aredig (diolch!) .
Mae ein timau hefyd wedi clirio dros 20 o goed sydd wedi cwympo yn ogystal â chynorthwyo gyda cheir a lorïau a oedd wedi mynd yn sownd dros nos.
Diolch eto am eich cymorth a chefnogaeth. Cymerwch ofal ac arhoswch yn ddiogel yn yr eira
12.30pm
Datganiad gan y Cyng Terry Evans (Aelod Arweiniol dros yr Amgylchedd)
“Roedd ein criwiau graeanu allan nos ddoe o 6yp, ac yn parhau i weithio drwy gydol y nos i sicrhau bod y llwybrau blaenoriaeth ar ein rhwydwaith ffyrdd yn cael eu cadw mor glir â phosibl. Rydym yn dal i weithio’n galed heddiw i sicrhau bod y llwybrau hyn yn cael eu cadw’n glir gan fod yr eira wedi parhau i ddisgyn. Rydym hefyd yn cael ein cynorthwyo mewn ardaloedd gwledig gan gontractwyr amaethyddol ac aredig.
“Drwy’r nos a’r bore, mae’r tîm wedi derbyn nifer o alwadau am goed sydd wedi cwympo a difrod arall – byddan nhw’n hasesu eu blaenoriaethu yn nhrefn diogelwch. Yn ystod y nos fe wnaethom glirio dros 20 o goed a oedd wedi disgyn, ac roeddem wrth law i gynorthwyo gyda nifer o geir a lorïau oedd wedi mynd yn sownd dros nos.
“Byddwn yn parhau i ymateb i bryderon wrth iddynt godi ac yn defnyddio ein criwiau graeanu lle bod angen yn ddiweddarach heddiw. Mae’r rhagolwg yn edrych fel ein bod wedi gweld yr olaf o’r eira ar gyfer heddiw, fodd bynnag byddwn yn parhau i fonitro hyn yn agos, ynghyd â ffactorau eraill fel tymheredd wyneb y ffordd, ac yn ymateb yn unol â hynny.
“Hoffwn fynegi diolch fawr i’n timau a’r contractwyr sy’n gweithio’n ddiflino yn yr amodau hyn i sicrhau y gallwn gadw ffyrdd yn glir, ac yn y pen draw, cadw preswylwyr yn ddiogel; tra bod y rhan fwyaf ohonom gartref yn cadw’n ddiogel ac yn gynnes. Mae ein gwasanaeth cynnal a chadw gaeaf yn weithrediad sylweddol sydd wrth law am 6 mis o’r flwyddyn, yn barod i ymateb ar fyr rybudd
“Gan ein bod wedi cael criwiau yn gweithio rownd y cloc, rydym wedi gwneud y penderfyniad i ganslo’r casgliadau gwastraff gardd heddiw, a byddwn yn canolbwyntio ar ailgylchu a gwastraff cyffredinol gyda’r adnoddau sydd gennym ar gael.
“Hoffwn atgoffa trigolion i fod yn ofalus wrth deithio ar y ffyrdd. Gwnewch yn siŵr eich bod yn gadael digon o amser ar gyfer eich taith, cynlluniwch eich llwybr yn briodol a gwiriwch y tywydd cyn i chi gychwyn.”
10.45am
Mae pob Canolfan Ailgylchu Gwastraff y Cartref ar agor fel arfer. Mae ffyrdd a llwybrau cerdded wedi’u graeanu a’u clirio o eira.
Mae Ty Pawb ar agor fel arfer.
10.00am
Mae Llyfrgell a Chanolfan Adnoddau Cymunedol Brynteg ar gau.
9.35am
Gallwch roi gwybod i’r Cyngor am unrhyw faterion brys (llifogydd, difrod oherwydd storm, coed wedi cwympo ac ati) ar y rhifau canlynol:
(24 wr) 01978 298989
Gwaith trwsio ar dai tenantiaid y Cyngor (24 awr) 01978 298993. Ar ôl oriau gwaith yn unig, gallwch hefyd anfon e-bost at wrexhamemergency@deltawellbeing.org.uk.
Ffoniwch ni os yw’n fater brys yn unig – ar gyfer materion eraill, helpwch ni trwy roi gwybod am faterion ar-lein:
Materion cyffredinol: https://www.wrexham.gov.uk/service/contact/report-it
Gwaith trwsio tai: https://myaccount.wrexham.gov.uk/en/service/Housing_repairs_form
Gallwch roi gwybod am unrhyw faterion o ran colli trydan trwy ffonio 105. (Mae Powercut 105 yn wasanaeth am ddim a fydd yn eich cysylltu â gweithredwr yn eich rhwydwaith lleol am gymorth a chefnogaeth).
Cofiwch, os oes perygl uniongyrchol i fywyd yn ystod unrhyw dywydd gwael, dylech ffonio 999 bob tro.
9.10am
Mae swyddfeydd ystadau tai ar agor- ond gall amseroedd agor bod yn newidiol
Yr Hwb Lles (Adeilad y Coron ar Stryd Caer) ar gau.
8.50am
Mae Galw Wrecsam (yn Llyfrgell Wrecsam) yn parhau i fod ar gau / ar agor – ond gallwch ddefnyddio ein gwasanaethau ar-lein neu trwy ddefnyddio ein rhifau ffôn a gyhoeddwyd.
Mae casgliadau bin gwyrdd heddiw wedi’u gohirio oherwydd y tywydd. Byddwn yn eich diweddaru cyn gynted â phosibl wrth i bethau wella.
A fyddech cystal â chyflwyno ailgylchu i chi fel arfer a byddwn yn gwneud pob ymdrech i’w gasglu.
8.30am
Mae gennym drwch o eira…
Mae ysgolion wedi diweddaru rhieni ynglŷn â chau. Edrychwch yma i weld os yw ysgol eich plentyn ar agor: Pob ysgol sydd wedi cau | Cyngor Bwrdeistref Sirol Wrecsam
Cymerwch ofal a chadwch yn ddiogel yn yr eira.
Diolch am eich amynedd. Mae ein timau wedi bod yn gweithio’n galed iawn dros y 24 awr ddiwethaf – yn graeanu ac yn aredig yn yr eira – ac rydym yn gwerthfawrogi eich cefnogaeth yn fawr.
Mwy o fanylion i ddilyn.
