Hysbysir gyrwyr y bydd gwaith arwynebu dros nos ar Ffordd Croesnewydd yn Wrecsam yn cael ei wneud o ddydd Mercher 5 Awst tan ddydd Mercher 19 Awst 2026.
Bydd y gwaith yn cael ei wneud rhwng 6pm a 6am, a bydd y ffordd ar gau yn llwyr yn ystod yr oriau hyn. Bydd gwyriadau wedi’u harwyddo’n glir ar gael.
Bydd mynediad i faes parcio Ysbyty Maelor Wrecsam yn cael ei gynnal drwy gydol y gwaith drwy’r fynedfa gyferbyn â Moneypenny ar Ffordd Croesnewydd.
Bydd mynediad yn parhau ar gyfer cerbydau argyfwng drwy gydol y cyfnod hwn.
Dylai trigolion a gyrwyr fod yn ymwybodol y bydd gwaith hefyd yn digwydd dros nos ar ddydd Sadwrn 15 Awst.
Dywedodd y Cynghorydd David A Bithell, Aelod Arweiniol dros yr Amgylchedd, “Mae’r gwaith arwynebu hwn yn bwysig i gynnal a gwella cyflwr Ffordd Croesnewydd, yn enwedig gan ei fod yn brif lwybr i Ysbyty Maelor Wrecsam.
Rydym yn gwerthfawrogi amynedd trigolion a gyrwyr tra bod y gwaith yn cael ei wneud, a byddwn yn ceisio tarfu cyn lleied â phosibl.”
Rydym yn ymddiheuro am unrhyw anghyfleustra a diolch i drigolion, busnesau a defnyddwyr y ffordd am eu hamynedd tra bod y gwaith arwynebu hanfodol hwn yn cael ei gwblhau.
