Mae canol y dref yn paratoi unwaith eto ar gyfer yr Ŵyl Stryd fisol boblogaidd, a’r mis yma mae’n sicr o fod yn llwyddiant mawr arall gydag adloniant byw, bwyd a bar stryd, crefftau, gweithgareddau plant, a stondinau bwyd crefft.
Bydd yr hwyl yn dechrau am 10am a bydd adloniant byw yn dechrau am 11.00 ar y brif lwyfan yn Stryt Henblas. Mae Amy Dickin, Dancing Shoes, Gary Rowley, Band Pres Pwll Glo Ifton, Singing Hands Wrecsam a Siân Griffiths i gyd yn barod i ddiddanu’r ymwelwyr.
“Enillwch car rasys bach”
Bydd Techniquest ar agor i chi gael golwg o amgylch y lle, a’r mis yma mae ganddyn nhw: osodiad o’r Ganolfan Gwaith Dur Prydeinig, rasys ceir bach gyda chyfle i ennill un ohonyn nhw, bysgio gwyddoniaeth, stondin wybodaeth y geidiau a’r brownis lleol ac ardal robotau gydag ymddangosiad arbennig gan robot gwadd (o’r brifysgol). Cewch hefyd chwarae tennis bwrdd am ddim ac rydym wedi rhoi ychydig o wybodaeth at ei gilydd am y wyddoniaeth y tu ôl i’r gêm, gan edrych ar droelli, grym a chyflymder. Gyda’r planetariwm dros dro bydd modd gweld awyr y nos drwy gydol y dydd.
Newydd ar gyfer y mis hwn – 20 bag anrhegion anhygoel wedi’u haddurno â llaw ar gael, gyda 10 yn stondin Ms Fflamingo ar sail ‘y cyntaf i’r felin…..’. Bydd lleoliad y deg arall yn aros yn ddirgelwch tan fore dydd Sadwrn. Mae busnesau lleol wedi rhoi’n hael ar gyfer y bagiau hyn a rhaid diolch yn fawr i:
- Martin Rees Jewellers
- Aballu
- Abode Above
- Geckos
- A Touch of Class
- The Lemon Tree
- Just Desserts
- Quaintways
- Sweets and Treats
- Dot to Dot café
- Bev’s Been Baking
- Emz Cakes
- Ms Flamingo
Fe fydd ‘na hefyd arddangosiad gwehyddu a chyfle i roi cynnig arni eich hun, ar stondin oriel tWIG
“Nid un i’r ofnus!”
I rhai mwyaf ffit ac egniol yn eich plith bydd dringo 135 o droedfeddi i ben twr Eglwys San Silyn, un o Saith Rhyfeddod Cymru, yn eich gwefreiddio gyda golygfeydd bendigedig o Wrecsam a draw tua mynyddoedd y Berwyn, aber y Ferswy a gwastadeddau swydd Gaer. I gyd am ddim ond £4.
Cyflwynir yr Ŵyl Stryd mewn partneriaeth a Grŵp Busnes CIC Wrecsam, Wrexham Savers a Wrexham Matters, busnesau lleol a gwirfoddolwyr.
Problem gyda cheudwll? Dwedwch wrthym ni yn hawdd ac yn gyflym ar-lein.
[button color=”” size=”large” type=”square_outlined” target=”new” link=” https://www.wrexham.gov.uk/welsh/online_w/eforms/pothole.htm “] DWEDWCH WRTHYM AM GEUDWLL [/button]
