A yw eich sefydliad chi yn cefnogi pobl dros 25 oed yn Wrecsam?
Mae Heneiddio’n Dda Wrecsam, mewn partneriaeth â Chyngor Wrecsam, yn cynnal digwyddiad rhwydweithio cyflym ar 25 Mehefin.
Cynhelir y sesiwn rhwydweithio cyflym gyfeillgar yn The Rainbow Centre ym Marchweil, LL13 0RH rhwng 12pm a 2pm.
Mae’r digwyddiad yn gyfle gwych i gysylltu, cyfnewid syniadau a sbarduno partneriaethau sy’n gwneud gwahaniaeth gwirioneddol i bobl sy’n byw yn Wrecsam.
Bydd y fformat rhwydweithio cyflym yn rhoi cyfle i bob sefydliad
- Rannu’r hyn maen nhw’n ei wneud
- Dysgu gan eraill
- Datblygu cysylltiadau newydd
- Archwilio cyfleoedd i gydweithio
- Cryfhau cenhadaeth a rennir ar gyfer Wrecsam sy’n dda i bobl hŷn.
Dywedodd y Cynghorydd Beverley Parry-Jones, yr Aelod Arweiniol dros Ofal Cymdeithasol, Iechyd a Lles Oedolion, “Mae’r digwyddiad hwn yn gyfle gwerthfawr i sefydliadau ledled Wrecsam ddod at ei gilydd, rhannu syniadau a datblygu cysylltiadau newydd a all wneud gwahaniaeth gwirioneddol i fywydau pobl.”
“Mae cefnogi pobl i heneiddio’n dda yn rhywbeth y gallwn ei gyflawni trwy weithio gyda’n gilydd, a bydd y sesiwn rhwydweithio cyflym hon yn helpu i gryfhau’r partneriaethau sydd eisoes yn gwneud cymaint i’n cymunedau.”
Darperir lluniaeth am ddim hefyd.
Gallwch archebu lle ar gyfer y digwyddiad Rhwydweithio Heneiddio’n Dda ar wefan Eventbrite.
