Cwmni teuluol, proffesiynol yw’r Archwood Group, sydd yn wneuthurwr cynnyrch pren arweiniol sydd â dau frand masnachu, Richard Burbage, gweithgynhyrchwr a chyflenwr cydrannau i risiau, ategolion ar gyfer decin a mowldiau addurniadol, ac Atkinson & Kirby, cyflenwr lloriau pren caled premiwm.
Yn ddiweddar bu i’r Aelod Arweiniol ar gyfer Economi ac Adfywio, y Cynghorydd Nigel Williams, ynghyd â’r Tîm Busnes a Buddsoddi yn CBSW, gwrdd â staff yn y cwmni sydd â chynaliadwyedd yn un o’u prif flaenoriaethau.
Yn ystod yr ymweliad bu i Archwood ddangos sut maent yn arwain y ffordd yn y maes. Trwy ymuno ag ymgyrch Race To Zero y Cenhedloedd Unedig yn 2021 mae’r cwmni wedi gostwng eu hallyriadau Cwmpas 1 a 2, 66%. Maent wedi cyflawni hyn trwy ffurfio’r Grŵp Gweithredu Amgylcheddol mewnol sydd wedi gweithredu newidiadau busnes sydd wedi gweld buddsoddiadau mewn isadeiledd adnewyddadwy, peirianwaith newydd, systemau ailgylchu a TG.
Roedd Lee Burford (Cyfarwyddwr Gweithrediadau) a Lee Travis (Rheolwr Ansawdd a Chynaliadwyedd) yn cytuno fod y cwmni wedi gwneud cynnydd gwych ar eu siwrnai Sero Net ond nodwyd fod llawer o waith dal i’w wneud.
- Cofrestru -
Archwood Group yn arwain y ffordd
“Fel nifer o gwmnïau gweithgynhyrchu yn y DU mae gennym gadwyn gyflenwi fyd-eang sy’n cynhyrchu allyriadau carbon yn anuniongyrchol. Ac rydym yn arwain y ffordd yma gan ein bod eisoes wedi asesu a dilysu ein hallyriadau Cwmpas 3. Rydym bellach yn ymgysylltu â chyflenwyr i gyfleu ein nodau cynaliadwyedd, y targedau gostwng sydd gennym ar gyfer y gadwyn gyflenwi a sut y byddwn yn cefnogi ein cyflenwyr ar eu siwrneiau Sero Net unigol eu hunain.
Os hoffech wybod mwy am gynaliadwyedd yn Archwood Group gweler y dolenni isod
Richard Burbridge am gynaliadwyedd
Atkinson and Kirby am gynaliadwyedd
Yn dilyn yr ymweliad dywedodd Nigel, “Mae hi’n galonogol gweld busnes lleol, teuluol gyda chymaint o frwdfrydedd tuag at ddatblygu arferion gweithio sy’n fwy cynaliadwy yn amgylcheddol a sut maent yn gweithio gyda’u cyflenwyr i gyrraedd yr un amcanion. Dymunaf yn dda iddynt ar ei siwrnai a byddaf yn cymryd diddordeb brwd wrth iddynt symud ymlaen.”
Derbyniwch y newyddion a’r wybodaeth ddiweddaraf yn syth i’ch mewnflwch
Efallai yr hoffech hefyd ddarllen Gorymdaith yng Nghanol y Ddinas i goffáu 80 mlynedd ers glaniadau D-Day
