Mae’n bleser gennym gyhoeddi y gallwn gynnig parcio am ddim ym meysydd parcio’r cyngor yng nghanol y dref, ac eithrio Tŷ Pawb, ar ddiwrnodau penodol a fydd yn galluogi masnachwyr i fanteisio ar y cynnydd disgwyliedig yn nifer yr ymwelwyr i ganol y dref. Mae hyn yn dilyn llwyddiant parcio am ddim a gynigiwyd yn gynharach eleni ar gyfer Diwrnod Chwarae a’r Ŵyl Fwyd.
OS YDYM NI’N CAEL SETLIAD GWAEL, BYDD YN RHAID I NI YSTYRIED TORIADAU PELLACH. DWEUD EICH DWEUD…
Bydd modd parcio am ddim yn Tŷ Pawb ar ôl 3pm bob dydd Gwener tan y Nadolig i gefnogi’r digwyddiadau Noson Ffilm.
Bydd ein dathliadau’r Nadolig yn dechrau ar 14 Tachwedd pan fydd y goleuadau’r Nadolig yn cael eu troi ymlaen, a bydd y cyfnod parcio am ddim ar ôl 3pm yn dechrau ar y dyddiad yma ac yn parhau tan 7 Rhagfyr pan fydd modd parcio am ddim ar ôl 10am. Mae’n bwysig ein bod yn annog cymaint o bobl â phosibl i ganol y dref yn ystod cyfnod prysur y Nadolig.
Mae’r meysydd parcio canlynol yn rhan o’r cynllun:
- Canolfan Byd Dŵr
- Y Llyfrgell
- Cilgant San Siôr
- Ffordd y Cilgant
- San Silyn
Mae hyn yn ffordd o sicrhau y bydd parcio am ddim yn cefnogi’r holl ddigwyddiadau Nadolig
“Prif ddigwyddiadau Nadolig yw”
- Troi’r goleuadau ymlaen, dydd Iau 14 Tachwedd
- Marchnad Fictoraidd, dydd Iau 5 Rhagfyr
- Siopa hwyr, nos Iau 12 a 19 Rhagfyr
- Pentref Nadoligaidd, rhwng dydd Gwener, 13 Rhagfyr a dydd Sul 15 Rhagfyr
Dywedodd y Cynghorydd Mark Pritchard, Arweinydd y Cyngor: “Rydym yn hapus iawn gyda’r cynllun yma, yn enwedig mewn cyfnod o heriau ariannol.
“Mae gennym ddigwyddiadau ardderchog wedi’u trefnu dros gyfnod y Nadolig ac rydym yn awyddus i sicrhau y bydd ymwelwyr yn cael profiad gwych ac y gall masnachwyr fanteisio ar yr ymwelwr ychwanegol y mae digwyddiadau o’r fath yn eu denu.
“Mae ffioedd parcio bob amser yn uchel ar yr agenda, ac er na allwn ni gynnig parcio am ddim pedair awr ar hugain y dydd, rydym wedi edrych ar y sefyllfa i weld beth allwn ni ei wneud i fod o fudd i fasnachwyr a sicrhau ein bod ni’n derbyn yr incwm er mwyn parhau i gynnal a chadw ein meysydd parcio ar y lefel bresennol. Mae teledu cylch caeedig yn y mwyafrif o’n meysydd parcio, ac mae prisiau rhesymol ym mhob maes parcio. Yn dibynnu ar lwyddiant rhaglen digwyddiadau Hyrwyddo’r Nadolig, ac yn benodol y fenter ‘am ddim ar ôl 3pm’, dwi’n bwriadu cyflwyno adroddiad mewn cyfarfod o’r Bwrdd Gweithredol yn y dyfodol er mwyn ystyried cyflwyno’r fenter hon yn yr hir dymor.
“Mae pawb yn darllen am y problemau mewn meysydd parcio lleol a phreifat yng nghanol y dref, ac mae’n galonogol nad yw pobl yn cael yr un problemau ym meysydd parcio’r cyngor.”
Bydd pob cyfyngiad priffordd ac amseroedd aros yn berthnasol yng nghanol y dref a chynghorir modurwyr y byddant yn cael tocyn parcio os nad ydynt wedi parcio’n gywir.
Bydd modd parcio am ddim ar Sul y Cofio ar 10 Tachwedd hefyd.
Os ydym ni’n cael setliad gwael, bydd yn rhaid i ni ystyried toriadau pellach. Dweud eich dweud.
[button color=”” size=”large” type=”square_outlined” target=”new” link=”http://www.yourvoicewrexham.net/arolwg/977″] DWEUD EICH DWEUD [/button]
