Os bydd arnoch angen mynd i’r lle chwech yng nghanol y dref pan fydd y siopau’n ailagor ddydd Llun, bydd y toiledau yn yr orsaf fysus ac ar Stryt Henblas ar agor.
Mae dydd Llun yn ddiwrnod mawr wrth i’r ysgolion groesawu’r holl ddisgyblion yn ôl, a bydd siopau, busnesau a phrif gyntedd yr orsaf fysus ar agor i’r cyhoedd unwaith eto.
Gobeithiwn mai dyma’r cam cyntaf at ddychwelyd at fywyd arferol, ond cofiwch ei bod yn bwysicach nag erioed i bawb gadw’n ddiogel.
Y diweddaraf am y rhaglen frechu rhag Covid-19 ar draws Wrecsam a Gogledd Cymru
Cofiwch gadw 2 fetr oddi wrth bawb arall, gwisgo mwgwd mewn siopau, golchi’ch dwylo â dŵr a sebon neu hylif glanhau dwylo, a chael digonedd o awyr iach.
Mae siopwyr yn edrych ymlaen at groesawu pawb yn ôl yn y Beast Market, y Farchnad Gyffredinol, y Farchnad Gig a Thŷ Pawb, felly galwch heibio da chi, gan gadw’n ddiogel wrth fwynhau ein rhyddid newydd.
Cewch barcio yn rhad ac am ddim yn unrhyw un o feysydd parcio’r Cyngor ar ôl 11am, ac eithrio Tŷ Pawb lle codir y tâl arferol.
CANFOD Y FFEITHIAU
