Erthyl gwadd – CThEM
Mae 323,700 o gwsmeriaid heb adnewyddu eu credydau treth eto cyn y dyddiad cau, ac mae Cyllid a Thollau EM (CThEM) yn eu hatgoffa i wneud hyn erbyn 31 Gorffennaf – neu bydd eu taliadau’n dod i ben.
Mae credydau treth yn helpu teuluoedd sy’n gweithio drwy dargedu cymorth ariannol, felly mae’n bwysig bod cwsmeriaid yn adnewyddu cyn y dyddiad cau er mwyn sicrhau nad ydynt yn colli’r cyfle i gael yr arian y mae ganddynt hawl iddo.
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
Gall cwsmeriaid adnewyddu eu credydau treth yn rhad am ddim drwy GOV.UK neu ap CThEM.
Mae adnewyddu ar-lein yn hawdd ac yn gyflym. Gall cwsmeriaid fewngofnodi i GOV.UK i wirio cynnydd eu cais i adnewyddu, i gael sicrwydd bod y cais yn cael ei brosesu, ac i wybod pryd y byddant yn clywed oddi wrth CThEM.
Meddai Myrtle Lloyd, Cyfarwyddwr Cyffredinol CThEM ar gyfer Gwasanaethau i Gwsmeriaid:
“Dim ond un mis sydd ar ôl gan ein cwsmeriaid credydau treth adnewyddu. Mae’n hawdd gwneud hyn ar-lein neu drwy ap CThEM – chwiliwch am ‘credydau treth’ ar GOV.UK.”
Gall cwsmeriaid sy’n dewis defnyddio ap CThEM ar eu ffôn clyfar wneud y canlynol:
- adnewyddu eu credydau treth
- gwneud newidiadau i’w hawliad
- gwirio amserlen y taliadau ar gyfer eu credydau treth
- cael gwybod faint y maent wedi’i ennill ar gyfer y flwyddyn
Mae CThEM wedi rhyddhau fideo i esbonio sut y gall cwsmeriaid credydau treth ddefnyddio ap CThEM i fwrw golwg dros eu manylion, eu rheoli a’u diweddaru.
Os oes newid yn amgylchiadau cwsmer a allai effeithio ar ei hawliadau am gredydau treth, mae’n rhaid iddo roi gwybod i CThEM am y newid. Mae amgylchiadau a allai effeithio ar daliadau credydau treth yn cynnwys newidiadau i’r canlynol:
- trefniadau byw
- gofal plant
- oriau gwaith, neu
- incwm (cynnydd neu ostyngiad)
Cyhoeddwyd Taliad Costau Byw o £650 gan Lywodraeth y DU yn ddiweddar – sy’n daladwy fesul dau gyfandaliad ar wahân o £326 a £324 – ar gyfer aelwydydd sy’n cael budd-daliadau a chredydau treth penodol, i helpu â chostau byw. Maent yn gymwys ar gyfer y ddau daliad, os mai credydau treth yn unig y maent yn eu cael. Bydd CThEM yn cysylltu â nhw ac yn anfon y taliadau’n awtomatig, gyda’r cyntaf yn cael ei wneud erbyn yr hydref. Does dim rhaid i gwsmeriaid gysylltu â CThEM na gwneud cais am y taliad.
Mae rhagor o wybodaeth am y Taliad Costau Byw, gan gynnwys cymhwystra, ar gael ar GOV.UK.
Mae credydau treth yn dod i ben a byddant yn cael eu disodli gan Gredyd Cynhwysol erbyn diwedd 2024. Gallai llawer o gwsmeriaid sy’n symud o gredydau treth i Gredyd Cynhwysol fod ar eu hennill yn ariannol a gallant ddefnyddio cyfrifiannell budd-daliadau annibynnol i wirio hynny. Os bydd cwsmeriaid yn dewis gwneud cais yn gynt, mae’n bwysig cael cyngor annibynnol ymlaen llaw gan na fyddant yn gallu mynd yn ôl i gredydau treth nac unrhyw fudd-daliadau eraill y mae Credyd Cynhwysol yn eu disodli.
Mae CThEM yn annog cwsmeriaid i beidio â rhannu’u manylion mewngofnodi ar gyfer CThEM ar unrhyw adeg. Gallai rhywun sy’n eu defnyddio ddwyn oddi ar y cwsmer neu wneud hawliad twyllodrus yn ei enw. Mae CThEM hefyd yn rhybuddio pobl i bwyllo, a pheidio â chynhyrfu, os bydd rhywun yn cysylltu â nhw gan honni ei fod yn gweithio i CThEM ac yn gofyn iddynt drosglwyddo arian ar frys neu roi gwybodaeth bersonol. Mae’r adran yn annog pobl i gymryd pwyll ac i wirio cyngor CThEM ar sgamiau ar GOV.UK.
Derbyniwch ein prif straeon dros e-bost.
[button color=”” size=”large” type=”square_outlined” target=”new” link=”https://public.govdelivery.com/accounts/UKWCBC_CY/subscriber/new?topic_id=UKWCBC_CY_5″]TANYSGRIFWYCH[/button]
