Pan mae’n dod i beiriannau sy’n gwneud caniau diod dyma gwmni sy’n cael ei gydnabod yn fyd-eang fel yr “Enw o Ddewis” ac mae wedi’i leoli yma yn Wrecsam.
Mae Unimaq sydd ar Ystâd Ddiwydiannol Wrecsam yn cynnig cwsmeriaid gyda dewis cyffrous o offer cynhyrchu caniau sy’n ddibynadwy ac o safon sydd nid yn unig yn ehangu’n barhaus ond sydd hefyd yn gallu cael ei ddylunio a’i adeiladu i gwrdd ag anghenion prosesu unigryw pob cwsmer unigol.
Ydych chi’n ddioddefwr siarc benthyg arian? Ffoniwch 0300 123 311.
Meddai’r Cynghorydd Nigel Williams a ymwelodd â’r cwmni yn ddiweddar, “Mae Unimaq wedi’i hen sefydlu ac yn defnyddio’r dechnoleg ddiweddaraf i’w cadw nhw fel arweinwyr yn y farchnad heddiw. Dwi’n dymuno pob llwyddiant iddyn nhw yn 2023.”
- Cofrestru -
Meddai’r perchennog, Berty de Jong, “Rydym yn ymfalchïo mewn bod yn gwmni sy’n rhoi cynnig ar wneud unrhyw beth sy’n cwrdd â gofynion a cheisiadau ein cwsmeriaid. Mae ein staff yn gweithio’n galed iawn i gyflawni archebion ar amser gan sicrhau eu bod yn darparu cynnyrch o safon sydd wedi ein gwneud y cwmni gorau o ran cynhyrchu caniau a’u gorffeniad.”
Felly y tro nesaf y byddwch yn prynu can o ddiod bigog cofiwch ei fod wedi cael ei wneud gan offer wedi’i gynhyrchu yn Wrecsam!
HAWLIWCH YR HYN SY’N DDYLEDUS I CHI
