Yn ddiweddar, galwodd aelodau o’r tîm draw yn Hosbis Tŷ’r Eos heibio i Neuadd y Dref i herio’r Maer i gêm o Monopoly.
Nid gêm Monopoly gyffredin oedd hon, fodd bynnag. Dyma rifyn newydd sbon Wrecsam o’r gêm fwrdd glasurol.
Fel pe na bai hynny’n ddigon arbennig, mae’r rhifyn penodol hwn yn helpu i godi arian ar gyfer Hosbis Tŷ’r Eos wrth i’r holl elw o werthiant y gêm fynd i’r elusen.
Gallwch sicrhau eich copi trwy alw heibio i Hosbis Tŷ’r Eos ar Ffordd Caer neu ymweld â’u siop ar Stryt y Rhaglaw lle gallwch brynu eich un chi.
Fel arall, mae dolenni defnyddiol ar wefan Hosbis Tŷ’r Eos i chi brynu copi ar-lein.
Dyma beth ddigwyddodd pan eisteddodd y Maer, Sarah ac Olivia i lawr i rolio’r dis a chwarae’r ychwanegiad diweddaraf at ystod eiconig y gemau bwrdd…
