Ddydd Iau 22 Hydref, bydd Campws Prifysgol Wrecsam ar Ffordd yr Wyddgrug yn cynnal Fforwm Landlordiaid 2026.
Yn dechrau am 6.30pm ac yn gorffen am 9pm, mae’r Fforwm Landlordiaid yn rhoi cyfle i landlordiaid ac asiantau rheoli sydd â diddordeb yn y sector rhentu preifat gwrdd a rhwydweithio â phartïon a sefydliadau perthnasol.
Bydd y fforwm yn cynnwys cyflwyniadau a gwybodaeth gan siaradwyr sydd yn wybodus ac yn brofiadol mewn amrywiaeth o bynciau sy’n berthnasol i dai’r sector rhentu preifat a thai amlfeddiannaeth.
Siaradwyr i’w cadarnhau.
Dywedodd y Cynghorydd Terry Evans, Aelod Arweiniol Tai:- “Rwy’n falch iawn o gael y cyfle i hyrwyddo ac annog pobl i fynychu Fforwm Landlordiaid 2026 yn Wrecsam ar 22 Hydref.
“Byddwn yn annog unrhyw un sydd â diddordeb mewn rhwydweithio â rhanddeiliaid a chlywed prif areithiau gan bobl yn y sector rhentu preifat i ddod draw i archwilio’r cyfleoedd gwych hyn.”
Anogir mynychwyr i gwrdd yn y dderbynfa ym Mhrifysgol Wrecsam o 6pm am ddiodydd croeso.
Darperir lluniaeth a bwffe. Rhowch wybod ymlaen llaw am unrhyw ofynion dietegol.
Os hoffech fynychu, anfonwch e-bost at dîm diogelu’r cyhoedd Cyngor Wrecsam gyda’r pwnc: ‘Gwahoddiad Fforwm Landlordiaid 22 Hydref’ a rhoi enw(au) y mynychwyr i ni.
