Mae nifer y plant sydd angen lle mewn ysgol arbennig yn Wrecsam yn cynyddu.
Mae Cyngor Wrecsam yn cynnig sefydlu ysgol arbennig newydd i ddisgyblion 3-11 oed sydd ag anawsterau cymdeithasol, emosiynol ac iechyd meddwl.
Mae’r cynnig hwn yn rhoi cyfle i chi ddweud eich dweud trwy godi unrhyw bryderon neu roi adborth cadarnhaol ar y cynlluniau. Bydd sylwadau wedyn yn cael eu hystyried gan fwrdd gweithredol y Cyngor, a fydd yn penderfynu sut i fwrw ymlaen.
Cyn i chi roi eich adborth, edrychwch ar y dogfennau ar dudalen we’r ymgynghoriad – mae’r ddogfen ymgynghori yn nodi’r wybodaeth y bydd angen i chi ei hystyried er mwyn cymryd rhan yn y broses ymgynghori.
Gallwch gael mynediad i’r arolwg ar-lein ar dudalen we Eich Llais.
Bydd y cyfnod ymgynghori yn dechrau ddydd Mawrth 2 Mehefin 2026 ac yn dod i ben ddydd Iau 16 Gorffennaf 2026.
Pe bai’n well gennych siarad â rhywun am y cynnig hwn, rydym yn cynnal digwyddiad galw heibio yng Nghanolfan Adnoddau Cymunedol Gwersyllt ar:
Dydd Mawrth, 16 Mehefin, 2026
9:30-11:30am
Rydym hefyd yn cynnal dwy sesiwn rithwir. Bydd y rhain yn cael eu cynnal ar:
Dydd Iau, 2 Gorffennaf, 2026*
9:30-10am
Dydd Mawrth, 7 Gorffennaf, 2026*
5-5:30pm
*I ofyn am fynediad i’r sesiwn rithwir, anfonwch e-bost at: ALNschoolconsultation@wrexham.gov.uk
Cofrestrwch eich diddordeb ar gyfer y sesiwn galw heibio rithwir erbyn dydd Gwener 19 Mehefin 2026 fan bellaf. Bydd hyn yn rhoi digon o amser i ni anfon dolen a chyfarwyddiadau atoch cyn y sesiwn.
Mae croeso i chi hefyd ofyn unrhyw gwestiynau a rhannu eich barn gyda ni drwy e-bostio ALNschoolconsultation@wrexham.gov.uk.
Dywedodd y Cynghorydd Phil Wynn, yr Aelod Arweiniol dros Addysg: “Yn Wrecsam mae gennym hanes cryf o ddiwallu’r ystod eang o anghenion dysgu ychwanegol (ADY) sydd gan blant a phobl ifanc. Mae llawer ohonynt yn cael eu haddysgu mewn ysgolion prif ffrwd, ond mae angen lleoliad mwy arbenigol ar nifer sylweddol ohonynt er mwyn diwallu eu hanghenion dysgu a lles. Mae’r cynnig i adeiladu’r ysgol newydd hon yng Ngwersyllt yn dangos sut mae’r cyngor yn bwriadu mynd i’r afael â’r galw cynyddol am leoedd mewn ysgolion arbennig.
“Byddwn i’n gofyn i bawb sydd â diddordeb yn y ddarpariaeth ADY yn Wrecsam a sefydlu’r ysgol hon gymryd rhan yn yr ymgynghoriad a rhannu eu barn gyda ni.”
