Wyt ti dan 25 mlwydd oed? Hoffet ti helpu i gadw dy fro yn daclus ac ennill bag nwyddau a thaleb i wario mewn siop dim gwastraff leol?
Os felly, beth am gymryd rhan yn her ar-lein #TymorTaclus Cadwch Gymru’n Daclus?
Sut i gymryd rhan
Y cwbl sydd arnat ti angen ei wneud ydi helpu i lanhau dy fro yn ystod mis Medi, dod o hyd i’r gwrthrych ryfeddaf neu hynaf (neu’r ddau) y medri di, a phostio neges ar dy sianel cyfryngau cymdeithasol dy hun neu Cadwch Gymru’n Daclus.
Wrth i ti ‘sgwennu dy neges, cofia dagio Cadwch Gymru’n Daclus ar Instagram, Twitter neu Facebook a defnyddio’r hashnodau #CaruCymru a #TymorTaclus, a nodi dy enw, oed, be’ welaist di a lle.
Gall fod yn llun neu’n fideo, ond os wyt ti’n penderfynu gwneud fideo cofia afael yn y gwrthrych o’r ochr dde o’r sgrin a’i basio fo ar draws i’r chwith. Pam? Wel, bydd Cadwch Gymru’n Daclus yn creu fideo pasio’r gwrthrych ar ddiwedd y mis gan ddod â’r holl fideos at ei gilydd.
Dyddiad cau’r gystadleuaeth ydi 17 Medi.
Os ydych chi’n iau na 25 oed, ymunwch â’n hymgyrch #TymorTaclus ar y cyfryngau cymdeithasol fis Medi yma i ddathlu ein canolfannau casglu sbwriel yn ailagor ac cewch siawns o ennill taleb siopa di-wastraff. Rhagor o wybodaeth yma https://t.co/mNW2lVrMvM Dyddiad cau 17 Medi pic.twitter.com/hcgg6cLNMX
— Keep Wales Tidy (@Keep_Wales_Tidy) August 30, 2021
“Gwnewch rywbeth cadarnhaol”
Meddai’r Cyng. David A. Bithell, Aelod Arweiniol yr Amgylchedd a Chludiant: “Mae’r #TymorTaclus yn gyfle gwych i bobl ifanc wneud rhywbeth cadarnhaol yn eu bro ac, ar ben hynny, ennill gwobr! Gall y gwaith tacluso fod yn fawr neu’n fach, ond rydym ni’n gofyn i bawb sy’n cymryd rhan i wneud yn siŵr eu bod yn cadw’n ddiogel ac yn cymryd yr holl ragofalon hylendid angenrheidiol.”
Mae yna ganllawiau ar gasglu sbwriel yn ddiogel ar gael yma.
Mae rheolau llawn y gystadleuaeth ar gael yma.
Pob lwc!
Mae gwneud apwyntiad i dderbyn brechlyn Covid-19 yn haws nag erioed o’r blaen.
[button color=”” size=”large” type=”square_outlined” target=”new” link=” https://bipbc.gig.cymru/covid-19/gwybodaeth-brechlyn-covid-19/brechiad-covid-19-trefnu-apwyntiad-ar-lein/”]TREFNWCH APWYNTIAD AR-LEIN[/button]
