Mae gweld eich diwrnod casglu ar-lein a chofrestru ar gyfer ein negeseuon e-bost atgoffa yn ffordd wych o gael y wybodaeth ddiweddaraf am eich casgliadau ailgylchu, gwastraff bwyd a gwastraff na ellir ei ailgylchu dros gyfnod y Nadolig.
Bydd rhai aelwydydd yn gweld newidiadau i’w dyddiadau casglu rheolaidd dros gyfnod yr ŵyl, ac mae hon yn ffordd dda o gadw ar ben pryd y bydd angen i chi roi eich cynwysyddion allan.
Gallwch weld eich diwrnod casglu yma. Ni fydd angen i chi fewngofnodi i weld eich diwrnod casglu, a gallwch weld ar ran ffrindiau, aelodau o’r teulu a chymdogion trwy deipio eu cod post neu eu stryd. (Awgrym Nadoligaidd – tynnwch sgrinlun i’w rannu.)
Mae’n syniad da iawn gwybod dros gyfnod y Nadolig, pan fyddwch chi’n debygol o weld rhai newidiadau i’ch patrwm casglu arferol ac yn ystod amodau tywydd cyfnewidiol y gaeaf.
Rydym yn argymell i gael y wybodaeth ddiweddaraf Cofrestru i dderbyn ein negeseuon atgoffa casgliadau. Os gwnewch hyn, byddwch yn cael e-bost i’ch atgoffa i roi eich biniau allan y diwrnod cyn i’ch casgliad ddigwydd. Mae hefyd yn ffordd wych o gael gwybod am unrhyw newidiadau a allai effeithio arnoch chi.
Beth fydd yn newid?
Dyma grynodeb cyflym…
Bydd pob cartref yn gwagio eu hailgylchu, gwastraff bwyd a gwastraff na ellir ei ailgylchu (biniau du/glas) yr wythnos cyn y Nadolig (15-19 Rhagfyr).
Nid oes unrhyw gasgliadau ar…
- Dydd Iau 25 Rhagfyr (Dydd Nadolig)
- Dydd Gwener 26 Rhagfyr (Dydd San Steffan)
- Dydd Iau 1 Ionawr (Dydd Calan)
Sy’n golygu…
- Os oedd eich casgliad arferol ar 25 neu 26 Rhagfyr, bydd eich biniau du/glas (gwastraff na ellir ei ailgylchu) yn cael eu casglu ar 29 Rhagfyr (Dydd Llun) neu 30 Rhagfyr (Dydd Mawrth) yn lle hynny. Bydd eich gwastraff bwyd a’ch ailgylchu yn cael eu casglu ar 2 Ionawr.
- Os oedd eich casgliad arferol ar 1 Ionawr bydd eich gwastraff bwyd a’ch ailgylchu yn cael eu casglu ar 2 Ionawr.
- Os na allwn gasglu eich ailgylchu ar 2 Ionawr, rhowch ef allan ar 8 Ionawr a byddwn yn ceisio dychwelyd i’w gasglu.
Edrychwch ar y tabl hwn am fwy o fanylion…
| Dyddiad | Diwrnod(au) | Beth fydd yn cael ei gasglu |
|---|---|---|
| 15–19 Rhagfyr | Dydd Llun – Dydd Gwener | Pob cartref – ailgylchu, gwastraff bwyd, gwastraff na ellir ei ailgylchu (bin du/glas). |
| 22-24 Rhagfyr | Dydd Llun-Dydd Mercher | Ailgylchu, gwastraff bwyd, gwastraff na ellir ei ailgylchu (bin du/glas). |
| 25 Rhagfyr | Dydd Iau | Dim casgliad (bydd preswylwyr yr effeithir arnynt yn cael dau gasgliad ar wahân) *ail-drefnu gwastraff na ellir ei ailgylchu (bin du/glas) i ddydd Llun 29 Rhagfyr. *gwastraff bwyd ac ailgylchu wedi’i aildrefnu i Ddydd Gwener 2 Ionawr. |
| 26 Rhagfyr | Dydd Gwener | Dim casgliad (bydd preswylwyr yr effeithir arnynt yn cael dau gasgliad ar wahân) *ail-drefnu gwastraff na ellir ei ailgylchu (bin du/glas) i ddydd Mawrth 30 Rhagfyr. *gwastraff bwyd ac ailgylchu wedi’i aildrefnu i Ddydd Gwener 2 Ionawr. |
| 29 Rhagfyr | Dydd Llun | Bydd preswylwyr y mae eu diwrnod casglu ar ddydd Llun yn cael eu gwastraff bwyd ac ailgylchu wedi’u casglu. Bydd preswylwyr y mae eu diwrnod casglu ar ddydd Iau yn cael eu casgliadau gwastraff na ellir ei ailgylchu wedi’u haildrefnu o 25 Rhagfyr. |
| 30 Rhagfyr | Dydd Mawrth | Bydd preswylwyr y mae eu diwrnod casglu ar ddydd Iau yn cael eu gwastraff bwyd ac ailgylchu wedi’u casglu. Bydd preswylwyr y mae eu diwrnod casglu ar ddydd Gwener yn cael eu casgliadau gwastraff na ellir ei ailgylchu wedi’u haildrefnu o 26 Rhagfyr. |
| 31 Rhagfyr | Dydd Mercher | Casgliadau ailgylchu a bwyd. |
| 1 Ionawr | Dydd Iau | Dim casgliad (ailgylchu a gwastraff bwyd wedi’i aildrefnu i 2 Ionawr). |
| 2 Ionawr | Dydd Gwener | Casgliadau ailgylchu a gwastraff bwyd (gan gynnwys ailgylchu na chasglwyd o 25, 26 Rhagfyr a 1 Ionawr). |
| 5 – 9 Ionawr | Dydd Llun – Dydd Gwener | Pob cartref – ailgylchu, gwastraff bwyd, gwastraff na ellir ei ailgylchu (bin du/glas). |
| 12 – 16 Ionawr | Dydd Llun – Dydd Gwener | Pob cartref – casgliadau ailgylchu a gwastraff bwyd. |
Ailgylchu ychwanegol
Os bydd eich blychau ailgylchu yn llawn, gallwch adael unrhyw ddeunyddiau ailgylchadwy ychwanegol mewn cynwysyddion solet wrth ymyl eich ailgylchu arall ar eich diwrnod casglu a byddwn yn ailgylchu’r deunyddiau (gan adael y cynwysyddion ar ôl i chi eu hailddefnyddio eto).
Ond os oes gennych ailgylchu ychwanegol, gwahanwch y deunyddiau fel y byddech chi fel arfer… Er enghraifft, os oes gennych boteli plastig a gwydr ychwanegol, rhowch y plastig mewn un cynhwysydd a’r gwydr mewn cynhwysydd ar wahân.
Hefyd, byddwn yn casglu cardbord glân, wedi’i fflatio a adawyd gan gynwysyddion ailgylchu os nad yw’n fwy o ran uchder na lled na sach las safonol. Gellir mynd â blychau mwy i unrhyw un o’r tair canolfan ailgylchu gwastraff y cartref
Gallwch chi bob amser archebu cadi bwyd ychwanegol a chynwysyddion ailgylchu i’w danfon neu drefnu i’w casglu o ganolfan ailgylchu. Bydd hyn yn eich helpu i fod yn barod ar gyfer deunyddiau ychwanegol a gynhyrchir yn aml dros dymor yr ŵyl.
Neu gallwch glymu leinin bwyd i’ch cadi ymyl ffordd, a bydd y criw yn gadael rholyn newydd i chi!
Mae’r canolfannau ailgylchu cartrefi ar agor bob dydd ac eithrio Dydd Nadolig ac yn cynnig ystod ehangach o ailgylchu gan gynnwys podiau coffi, eitemau trydanol, teganau, batris a chardfwrdd.
Cofiwch ailddefnyddio!
Mae siop ailddefnyddio Tŷ Nightingale hefyd ar agor yng Nghanolfan Ailgylchu Lôn y Bryn gydag amrywiaeth o eitemau sydd ar werth yn codi arian i’r elusen leol.
Awgrym Nadoligaidd: stociwch eich bagiau bwyd, gwnewch yn siŵr bod gennych y cynwysyddion, a chofrestrwch ar gyfer y nodiadau atgoffa – efallai taw chi fydd y dylanwadwr mawr nesaf!
Diweddariad – Llai o gasgliadau gwastraff o’r ardd dros fisoedd y gaeaf – Newyddion Cyngor Wrecsam
