Erthygl gwadd tîm cais Dinas Diwylliant Wrecsam2029
Mae Wrecsam wedi cyflwyno ei Mynegiant o Ddiddordeb yn swyddogol i’r Adran Diwylliant, Cyfryngau a Chwaraeon ar gyfer Dinas Ddiwylliant y DU 2029! Mae’r cam pwysig hwn yn ystod y broses ymgeisio yn foment gyffrous ac yn golygu bod Wrecsam cam yn nes at sicrhau’r teitl.
Dinas Ddiwylliantl y DU yw teitl nodedig sy’n dod â buddsoddiad hanfodol ar gyfer adfywio tra’n arddangos hanes lle trwy raglen ddiwylliannol ysbrydoledig, deniadol a rhyngwladol. Mae ennill y teitl yn sicrhau £10 miliwn gan Lywodraeth y DU, a all helpu i ddenu buddsoddiad, hybu twristiaeth ac gwella mynediad at gelfyddydau a diwylliant. Amcangyfrifir y gallai hyn gynhyrchu dros £200 miliwn i’r rhanbarth cyfan, cam pwysig a all fuddio i’r holl sir. Mae enillwyr blaenorol, gan gynnwys Bradford, Coventry, Hull a Derry/Londonderry, wedi gweld llwyddiant enfawr ar ôl ennill y teitl, gan gynhyrchu incwm a fydd o fudd i genedlaethau’r dyfodol am flynyddoedd i ddod.
Yn arwain ar y cais ar gyfer Wrecsam mae Ymddiriedolaeth Gymunedol a Diwylliannol Wrecsa, elusen annibynnol a gefnogir gan Gyngor Bwrdeistref Sirol Wrecsam. Gan gefnogi datblygiad seilwaith diwylliannol a chreadigol y sir, mae gan YGDW fwrdd ymroddedig o ymddiriedolwyr sy’n cymryd cyfrifoldeb am leoli Wrecsam mewn ffyrdd newydd nag erioed o’r blaen, gan ei hyrwyddo fel gofod i gysylltu, cydweithio a buddsoddi.
Er nad yw’r dyddiad cau ar gyfer Mynegi Diddordeb tan ddydd Sul 8fed Chwefror, mae’r Ymddireidolaeth wedi dewis cyflwyno’n gynnar, gan ddangos ei barodrwydd yn ogystal ag ei benderfyniad i arwain o’r blaen.
Mae Amanda Evans, Cyfarwyddwr Cais Diwylliant Wrecsam2029, yn nodi:
“Rydym yn falch o gyrraedd y cam pwysig cyntaf ar ein taith i ddod yn Ddinas Ddiwylliant y DU 2029. Mae Wrecsam yn lle o greadigrwydd anhygoel, lle mae amrywiaeth diwylliant yn ffynnu ym mhob rhan o’n sir. Mae’r cais hwn ar gyfer cymuned gyfan Wrecsam – pob tref, pentref, a chymdogaeth – ac mae’n gyfle i rannu ein stori unigryw ac anhygoel gyda gweddill y DU a’r byd. Nid yw hyn yn ymwneud â theitl yn unig – mae’n ymwneud â datgloi cyfleoedd newydd, ysbrydoli balchder, a buddsoddi mewn dyfodol fywiog i bawb ledled ein sir.”
Yn ogystal â’i gyflwyno’n gynnar, mae gan Wrecsam ymgyrch gref wedi’i chynllunio ar gyfer y misoedd sydd i ddod, gan roi golau ar gymunedau unigryw a amrywiol y sir trwy ystod eang o ddigwyddiadau a phrosiectau. Bydd yr ymgyrch yn arddangos Wrecsam ar lwyfan cenedlaethol, gan adeiladu momentwm a chefnogaeth ar gyfer y cais.
Cynhelir rhestr hir swyddogol Ddinas Ddiwylliant y DU gan Lywodraeth y DU ym mis Mawrth 2026, gyda’r enillydd o deitl 2029 yn cael ei gyhoeddi’r gaeaf hwn.
Mae Wrecsam yn mynd am aur. Dysgwch fwy am y cais Wrecsam2029 a ymunwch â’r rhestr bostio am ddiweddariadau yma.
