Ydych chi’n 11-25 oed? Rydyn ni am wybod am y materion sy’n effeithio arnoch chi.
Lleisiau’n Creu Newid yw ffordd Senedd yr Ifanc (Senedd yr Ifanc Wrecsam) o sicrhau bod cynifer o bobl ifanc â phosib yn rhan o’r broses o wneud penderfyniadau. Mae tîm cyfranogiad Cyngor Wrecsam yn gofyn i bobl ifanc sicrhau bod eu lleisiau yn cael eu clywed drwy gymryd rhan yn yr arolwg ar-lein, Lleisiau’n Creu Newid.
Bydd hyn yn digwydd bob deufis, a po fwyaf o bobl ifanc sy’n cymryd rhan, y mwyaf cywir, dibynadwy a chynrychioliadol fydd y canlyniadau – sy’n golygu y gallant ganolbwyntio eu gwaith ar yr hyn sydd bwysicaf.
Y tro hwn, mae’r arolwg yn canolbwyntio ar lythrennedd, a bydd yn archwilio barn pobl ifanc ar ddarllen a datblygu sgiliau llythrennedd.
Pryd a ble gallaf gwblhau’r arolwg?
Mae’r arolwg yn fyw nawr hyd at 14 Mawrth, 2026.
Mae ar gael ar y dudalen arolwg Lleisiau’n Creu Newid link tree hon, lle gallwch ddod o hyd i’r ddolen i’r cwestiynau Lleisiau’n Creu Newid; atebwch y cwestiynau ac yna pwyswch cyflwyno.
Dywedodd y Cynghorydd Phil Wynn, yr Aelod Arweiniol dros Addysg: “Mae gan bobl ifanc yr hawl i fynegi eu barn, eu dymuniadau a’u teimladau ar bob mater sy’n effeithio arnynt, ac mae’r arolygon Lleisiau’n Creu Newid hyn yn ffordd i bobl ifanc ddweud eu dweud yn annibynnol ar faterion amserol a phwysig.
“Mae rhannu eich barn â Senedd yr Ifanc yn golygu y gallant sicrhau bod eu gwaith yn canolbwyntio ar yr hyn sy’n wirioneddol bwysig i bobl ifanc.”
Os ydych am gael gwybodaeth bellach, mae croeso i chi gysylltu â ni drwy e-bostio Youngvoices@wrexham.gov.uk.
