Oeddech chi’n gwybod y gallwch ailgylchu cartonau (a elwir Tetra Pak) yn eich blwch ailgylchu gwyrdd/blwch canol yn Wrecsam fel rhan o’n gwasanaeth ailgylchu wythnosol?
Gallwch roi cartonau yn eich blwch ailgylchu gwyrdd neu flwch olwynion canol. Nid oes gennym y banciau carton/Tetra Pak yn y canolfannau ailgylchu mwyach, felly ailgylchwch eich holl gartonau yn eich blwch ailgylchu gwyrdd neu flwch olwynion canol (gyda’ch plastigau a’ch caniau) fel rhan o’r gwasanaeth wythnosol.
Dywedodd y Cynghorydd David A Bithell, y Dirprwy Arweinydd a’r Aelod Arweiniol dros yr Amgylchedd: “Rydym yn atgoffa trigolion y gellir ailgylchu cartonau yn hawdd fel rhan o’r gwasanaeth ailgylchu wythnosol. Rhowch eich holl gartonau sudd, llaeth a bwyd yn eich blwch ailgylchu gwyrdd (neu flwch olwynion canol) ochr yn ochr â’ch plastigau a’ch caniau, a byddwn yn eu hailgylchu i chi.”
Pa bethau eraill y gellir eu hailgylchu fel rhan o’r gwasanaeth ailgylchu wythnosol?
Plastigau
Gellir ailgylchu UNRHYW fath o boteli plastig, POB pecyn bwyd plastig, potiau plastig a thybiau plastig fel rhan o’r gwasanaeth ailgylchu wythnosol.
Mae’r rhain yn cynnwys:
- Potiau iogwrt
- Tybiau menyn/marjarîn
- Pecynnau prydau parod
- Poteli siampŵ
- Poteli gel cawod
- Poteli hylif glanhau ystafell ymolchi/cegin (gan gynnwys y rhai chwistrellu)
- Pecynnau ffrwythau (ond nid y deunydd ffilm neu’r deunydd lapio swigod)
- Y cynwysyddion clir a ddefnyddir yn aml ar gyfer bwyd Tsieineaidd / Indiaidd
- Poteli ysgytlaeth
- Pecynnau cig
- Tybiau hufen iâ
- Tybiau siocled mawr (Quality Street, Celebrations ac ati)
Gwnewch yn siŵr bod y rhain yn lân heb unrhyw weddillion bwyd neu ddiod pan fyddwch chi’n eu hailgylchu.
Papurau
Mae pethau y gellir eu hailgylchu yn eich ailgylchu papur a chardfwrdd ymyl y ffordd yn cynnwys:
- Papur parsel brown
- Cardfwrdd
- Catalogau
- Cardiau cyfarch heb addurniadau fel gliter neu ffoil
- Papur llungopïwr
- Cyfeirlyfrau
- Amlenni (gyda ffenestri neu hebddynt)
- Taflenni
- Cylchgronau
- Papurau newydd ac atodiadau
Gwastraff bwyd
Rydyn ni’n gwybod y gall fod llawer i’w gofio, ond mae gwybod beth sy’n gallu mynd yn eich cadi bwyd yn ein helpu ni. Mae rhai o’r pethau hyn yn cynnwys:
- Ffrwythau a llysiau – amrwd ac wedi’u coginio
- Pliciadau ffrwythau – o felon dŵr, orennau, afalau ac ati.
- Cig a physgod – amrwd ac wedi’u coginio
- Esgyrn a plisgyn wyau
- Reis, pasta, grawnfwyd a nwdls
- Bara, cacennau, toesau a bisgedi
- Bagiau te a gwaddod coffi
- Caws, wyau ac iogwrt
- Ffa, cnau a hadau
- Bwyd heb ei fwyta o’ch plât
- Cyllell, ffyrc a llwyau pren
Am restr lawn o bethau y gallwch eu hailgylchu, edrychwch ar ein gwefan.
