Bydd gwaith i newid arwydd sydd wedi torri ar gylchfan Croesfoel yn cael ei wneud gyda’r nos ddydd Iau 24 Awst.
Mae’r arwydd yn arwydd ceibr a ddifrodwyd gan yrrwr meddw yn anffodus. Bydd y gwaith yn peri anghyfleustra i ddefnyddwyr y gylchfan am oddeutu dwy awr.
Bydd conau yn cael eu gosod i atal gyrwyr rhag defnyddio lôn fewnol y gylchfan a bydd y ffyrdd ymuno ac ymadael yn cael eu lleihau i un lôn tra bo’r gwaith yn mynd rhagddo.
Dywedodd y Cynghorydd David A. Bithell, Aelod Arweiniol yr Amgylchedd a Chludiant:
“Yn anffodus bydd rhaid newid yr arwydd hwn gan ei fod wedi’i ddifrodi’n fawr. Gwn y bydd staff yn ceisio cadw’r amhariad i’r lefelau isaf posibl a bydd y ffyrdd yn agor cyn gynted ag sy’n ymarferol.”
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Dywedodd y Cynghorydd Terry Evans, Aelod Arweiniol yr Economi ac Adfywio:
“Mae’r ffigyrau hyn yn ardderchog sy’n profi bod ein Cynllun Rheoli Cyrchfan yn llwyddiannus a bod ein partneriaid twristiaeth yn gweithio’n galed i hyrwyddo’r ardal a sicrhau profiadau ardderchog i ymwelwyr. Yn sicr mae gan Wrecsam ddigon i’w gynnig, gan gynnwys rhai o olygfeydd cefn gwlad prydferthaf yn y byd, dau safle sy’n perthyn i’r Ymddiriedolaeth Genedlaethol, safle Treftadaeth y Byd, bwyd blasus a llety.”
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Yn fuan iawn byddwn yn dechrau anfon ffurflenni atoch yn gofyn i chi wirio a diweddaru eich gwybodaeth ar y gofrestr etholwyr.
“Canfasio Blynyddol” yw’r enw swyddogol am hyn ac mae’n arfer hynod bwysig er mwyn sicrhau bod enwau’r unigolion hynny sy’n dymuno bod ar y gofrestr yn cael eu hychwanegu’n gyflym. O bosib nad yw eich enw wedi’i gynnwys oherwydd eich bod wedi symud tŷ’n ddiweddar neu eich bod newydd ddathlu eich pen-blwydd yn ddeunaw. Waeth beth yw’r rheswm, os nad yw eich enw ar y gofrestr nid oes modd i chi bleidleisio.
Cyn gynted ag y byddwch yn derbyn y ffurflen, gwiriwch y manylion os gwelwch yn dda. Yna, mae gennych ddau ddewis:
• Os nad yw eich manylion wedi newid, ewch i www.householdresponse.com/wrexham, ffoniwch 0800 197 9871 neu anfonwch y neges destun NOCHANGE gan gynnwys y ddwy ran o’ch cod diogelwch at 80212 – codir tâl safonol.
• Os ydych am ddiweddaru eich manylion neu os oes angen ychwanegu neu gael gwared ar unrhyw un, ewch i www.householdresponse.com/wrexham i wneud y newidiadau angenrheidiol. Unwaith i chi wneud hyn, dylech gofrestru unigolion newydd drwy fynd i: https://www.gov.uk/cofrestru-i-bleidleisio. Bydd arnoch chi angen eich Rhif Yswiriant Gwladol. Os nad ydych yn gallu cofrestru ar-lein, byddwch yn derbyn ffurflen Gwahoddiad i Gofrestru i’w chwblhau. Ar ôl i chi gwblhau’r ffurflen hon byddwch wedi cofrestru i bleidleisio.
Yn ôl gwaith ymchwil gan Y Comisiwn Etholiadol annibynnol, mae unigolion sydd yn symud tŷ neu wedi symud yn ddiweddar, yn llawer llai tebygol o fod wedi cofrestru na’r unigolion hynny sydd wedi byw yn eu tai am gyfnod hir. Mae 94% o unigolion, sydd wedi byw yn eu tai am dros 16 o flynyddoedd, wedi cofrestru o gymharu â 30% o unigolion sydd wedi byw yn eu cartrefi am lai na blwyddyn.
Mae rhentwyr preifat hefyd yn llawer llai tebygol o fod wedi cofrestru o gymharu â pherchnogion tai. Mae 95% o berchnogion tai yng Nghymru ar y gofrestr etholwyr o gymharu â 51% o rentwyr preifat.
Dywedodd Dr Helen Paterson, Swyddog Canlyniadau:
“Mae’n bwysig iawn eich bod chi’n ymateb cyn gynted â phosib er mwyn i ni allu sicrhau bod eich manylion yn gywir ar y gofrestr etholwyr. Nid ydym yn disgwyl y bydd angen mynd i’r gorsafoedd pleidleisio am beth amser eto, ond gan fod etholiad brys eisoes wedi cael ei gynnal yn gynharach eleni, ac y gellir cyhoeddi etholiad ar unrhyw adeg, sicrhewch eich bod yn cael eich cynnwys ar y gofrestr drwy gwblhau’r ffurflen a’i dychwelyd cyn gynted â phosib.”
Mae hefyd yn ofyniad cyfreithiol i nodi’r wybodaeth y gofynnir amdani yn y Canfasio Blynyddol – hyd yn oed os nad ydych yn dymuno gwneud unrhyw newidiadau. Fe allech chi gael dirwy o hyd at £1,000 os ydych yn penderfynu peidio ag ymateb, felly agorwch y ffurflen cyn gynted â phosib a’i chwblhau.
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Bydd 7 o bobl ifanc o Wrecsam yn cael eu hyfforddi gan un o enwogion y byd rygbi, Gareth “Alfie” Thomas, a’r hyfforddwr rhedeg rhyngwladol James Thie i gystadlu yn Hanner Marathon Caerdydd, wedi’i drefnu gan Run4Wales, ar 1 Hydref.
Bydd pob un yn cael ei ffilmio yn rhan o Alfie’s Army 2017, cyfres deledu BBC 1 Wales.
Mae’r 7 rhedwr dewr: Yasmin Sides, 18, Sam Sides, 20, Jordan Jackson, 17, Jade Griffith, 17, Chloe Roberts, 17, Mia Jeffs, 17 a Tricia Jones, 22, yn mynd drwy raglen ymarfer cam-wrth-gam dros 16 wythnos ac mae ganddynt gynllun ymarfer wythnosol.
Fis Medi, fe fyddant yn cymryd rhan mewn ras ymarfer 10 cilomedr ac yn cyfarfod ag Alfie cyn ymuno ag o ar gyfer y ras fawr ei hun ar 1 Hydref.
Dros y 3 blynedd ddiwethaf, mae dros 200 o redwyr amatur o bob oed a gallu wedi llwyddo i gwblhau Hanner Marathon Caerdydd drwy ddilyn yr un cynllun ymarfer.
“eu canmol am eu gwaith caled”
Dywedodd y Cynghorydd Paul Rogers, Aelod Arweiniol Gwasanaethau Ieuenctid a Gwrthdlodi:
“Mae’n wych gweld pobl ifanc yn treulio peth o’u hamser yn ymarfer ac yn cymryd rhan mewn digwyddiad mor fawr. Mae angen eu canmol am eu gwaith caled ac mi ydw i’n dymuno pob lwc i bob un ohonyn nhw ar 1 Hydref!”
Rhai o’r bobl ifanc o Wrecsam sy’n rhan o Alfie’s Army: Jordan Jackson, Sam Sides, Mia Jeffs, Jade Griffiths a Yasmin Sides gyda Gareth Thomas yn ddiweddar.
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Oeddech chi’n gwybod ein bod wedi bod yn darlledu cyfarfodydd y Cyngor, Cynllunio a’r Bwrdd Gweithredol ers tro erbyn hyn?
Er bod yna rai rhannau diflas mae yna bynciau sy’n agos at galonnau pawb hefyd fel addysg, tai, gofal cymdeithasol a’r amgylchedd y mae ein haelodau yn gwneud penderfyniadau pwysig iawn arnynt. Penderfyniadau a all effeithio arnoch chi neu eich teulu mewn ryw ffordd.
Gwnaethom ddechrau darlledu yn Awst 2014 a’r tro diwethaf i ni wirio roedd 130 ohonoch wedi gwylio’r Pwyllgor Cynllunio ar 31 Gorffennaf a 135 wedi gwylio’r Bwrdd Gweithredol ar 11 Gorffennaf. Hoffem weld mwy ohonoch yn dilyn y cyfarfodydd ar eich fôn neu ddyfais dros y misoedd nesaf a byddwn yn cyflwyno’r hyn yr ydym yn feddwl yw rhai o’r eitemau pwysicaf ar gyfer trafodaeth gan obeithio y byddwch yn gwrando ar yr hyn sy’n digwydd.
Nid oes yn rhaid i chi wylio’r darllediad byw ond gallwch wylio o’r archif sy’n mynd yn ôl chwe mis.
Mae’n addas ar gyfer dilyn ar eich cyfrifiadur, ffôn symudol neu ddyfais arall.
Rydym hefyd yn darlledu rhai o’n Pwyllgorau Archwilio yn arbennig y rhai ag eitemau fyddai o ddiddordeb arbennig i chi fel sut yr ydym yn delio gyda nodwyddau wedi eu taflu.
Os ydych chi eisoes wedi dilyn un o’n gwefannau – naill ai’n fyw neu o’r archif hoffem wybod a oeddech yn meddwl ei fod yn ddefnyddiol. Bydd hyn yn ein helpu pan fyddwn yn penderfynu a ydym am barhau i ddarlledu yn y dyfodol.
Does dim dianc rhagddo. Mae siopau coffi yn dod yn fwy a mwy poblogaidd a gyda thri yn agor bob dydd ym Mhrydain, mae’n olygfa gyffredin i weld pobl yn mynd o gwmpas eu pethau o ddydd i ddydd gyda choffi i fynd yn eu llaw.
I weld sut oedd y duedd hon yn cael effaith ar fasnach yn lleol, penderfynom bicio draw i weld Andy Gallanders a’i frawd Phil sy’n rhedeg King Street Coffee a Bank Street Coffee a agorwyd yn ddiweddar rhyngddynt.
“roedd yn teimlo ei fod yn syniad da”
Cafodd y brodyr ill dau eu geni a’u magu yn Wrecsam ac yn syml, roedd agor siop goffi yng nghanol y dref yn “teimlo ei fod yn syniad da”. Roedd Andy wedi bod yn edrych ar eiddo ers tro a, gydag anogaeth ei frawd, sy’n farista, aethant ati i agor ym mis Ebrill 2016 ac wedi bod yn creu coffi ers hynny.
Mae King Street Coffee wedi bod mor llwyddiannus fel eu bod wedi ennill Gwobr Twristiaeth Wrecsam 2017 am y caffi/te gorau.
Gofynnom iddynt a oeddynt wedi cael llawer o help gan ein staff canol y dref i sefydlu ac roeddent yn ganmoliaethus iawn am dîm Cyrchfan Wrecsam yn benodol, sydd bob amser wedi cynnig cefnogaeth gref.
Yn fwy diweddar, gwnaethom eu helpu i ddod o hyd i gadeiriau ar gyfer eu digwyddiad yn Un Deg Un. Digwyddiad a welodd dros 150 o bobl yn dod i’r “Voicebox Collective” wythnosol a oedd yn cynnwys y Bardd a’r bersonoliaeth YouTube Americanaidd, Neil Hilbourne, ac mae ei fideo ohono yn darllen un gerdd wedi ei weld dros 1 miliwn o weithiau! Trefnwyd y digwyddiad gan Phil ac wrth gwrs roedd King Street Coffee yn bresennol i sicrhau fod pawb yn cael penned wych o goffi.
dydyn ni ddim yn hoffi dweud na
Dywedodd Phil:
“Mae’r ddau ohonom wedi gweithio’n galed iawn ac wedi bod yn barod mynd yr ail filltir, gan weithio y tu allan i oriau gwaith i fynd i ddigwyddiadau. Rydym hyd yn oed wedi darparu coffi i ystafell y wasg yn ystod y ddau etholiad diwethaf – dydyn ni ddim yn hoffi dweud na! Rydym hefyd yn ceisio cefnogi’r economi lleol gymaint ag y gallwn ni ac yn hoffi prynu’n lleol iawn yn enwedig wrth ddod o hyd i gacennau.
“dyfodol cyffrous”
“Fy nghyngor i fasnachwyr annibynnol eraill neu rai sy’n ystyried sefydlu busnes yn Wrecsam yw adnabod eich busnes a gwrando ar eich cwsmeriaid. Mae gan Wrecsam ddyfodol cyffrous iawn ac yn y 12 mis nesaf, dwi’n rhagweld y bydd mwy a mwy o siopau annibynnol yn agor. Y cyfleuster celfyddydau a marchnad newydd yw un esiampl o’r fath lle mae digonedd o gyfleoedd ar gael.
Gofynnom i Phil sut roedd wedi hysbysebu ei fusnes? Ei ymateb oedd rhoi pleidlais aruthrol o blaid cyfryngau cymdeithasol. “Rydan ni’n defnyddio Facebook, Twitter ac Instagram ac wedi darganfod fod hynny’n denu digonedd o gwsmeriaid a dilynwyr. Mae’n rhad ac am ddim ac os byddem ni eisiau talu am hysbyseb fach ar Facebook, gallai £50 ein rhoi mewn cysylltiad ag 80,000 o bobl. Mae gan gyfryngau cymdeithasol y fantais ychwanegol o fedru mesur sawl cwsmer posibl sy’n gweld y negeseuon ac yn fwy pwysig, a ydynt yn hoffi’r hyn maent yn ei weld.”
“Perthynas positif”
Dywedodd y Cynghorydd Terry Evans, Aelod Arweiniol Datblygu Economaidd ac Adfywio:
“Mae King Street Coffee wedi dod yn enw cyfarwydd yn Wrecsam ac mae’r brodyr i’w llongyfarch am wneud eu gwaith cystal. Mae’n dda clywed ein bod wedi rhoi digon o gefnogaeth iddynt ac rwy’n gobeithio y bydd y berthynas gadarnhaol iawn hon yn parhau ymhell i’r dyfodol.” Felly os oes awydd coffi arnoch a darn ffres o gacen, does dim angen i chi edrych ymhellach na siopau annibynnol King Street Coffee neu Bank Street Coffee.
Am fwy o fanylion ynglyn a sefydlu busnes yn Wrecsam, galwch:
[button color=”” size=”large” type=”square_outlined” target=”new” link=”tel://01978667300″]FFONIWCH AR EICH FFÔN SYMUDOL[/button]
Mae pump o ferched ifanc o Wrecsam wedi llwyddo i ennill gwobr genedlaethol yn y Gwobrau Rhagoriaeth Gwaith Ieuenctid eleni am hyrwyddo Iechyd a Lles
Aeth Lauren Lewis, 17, Jade Griffiths, 17, Chloe Roberts, 17, Emma Baker, 16 a Katelyn Owen Jones, 14 ati i gefnogi ac ysbrydoli eraill i wneud gwahaniaeth i fywydau pobl sy’n byw mewn gwledydd trydydd byd fel Gambia.
Buont yn gweithio gyda’n Tîm Gwaith Ieuenctid mewn Addysg ac yn datblygu’r prosiect Creu Newid a arweiniodd yn y pen draw at godi dros £12,500 drwy gynnal sioeau ffasiwn, bingo, ffeiriau Nadolig, rasys hwyaid, her y 3 chopa, canŵio noddedig a llawer llawer mwy!
Yna teithiodd y pump ohonynt i Gambia i gymryd rhan yn y Prosiect Gunjur sy’n canolbwyntio ar sicrhau fod pawb sy’n ymweld â Gambia yn cael effaith bositif ar y gymuned leol a Gambia gyfan cyn iddynt ymadael. Ar ôl cyrraedd defnyddiwyd yr arian a gasglwyd mor ddiwyd ganddynt i gefnogi tri o blant i astudio a mynd i’r ysgol am dair blynedd, ariannu un ferch ifanc i astudio bydwreigiaeth er mwyn helpu ei theulu a’i ffrindiau ac ariannu un dyn i weithio yn y lloches adar leol a fyddai’n ei helpu i gefnogi ei deulu o ddeg am flwyddyn.
Fe wnaethant lwyddo hefyd i ddarparu rhwydi mosgitos, nwyddau cymorth cyntaf, nwyddau glanweithiol ac offer papur a phaent i ysgol gynradd leol. Bonws ychwanegol i’r prosiect oedd gweld waliau allanol yr ysgol yn cael eu gwyngalchu a’u haddurno â dyluniadau lliwgar y plant.
Mae Prosiect Gunjur yn canolbwyntio ar sicrhau fod pawb sy’n ymweld â Gambia, boed hynny ar eu gwyliau neu wrth wirfoddoli, yn cael effaith bositif ar y gymuned leol a Gambia gyfan.
Mae eu gwaith bellach wedi’i gydnabod gan y Gwobrau Rhagoriaeth Gwaith Ieuenctid am hyrwyddo Iechyd a Lles mewn digwyddiad diweddar ym mhrifddinas Caerdydd. Cawsant hefyd Wobr Mileniwm Byd-eang 50 awr a oedd yn cydnabod eu cyfraniad at wirfoddoli dramor ar yr un noson.
“ysbrydoliaeth”
Dywedodd y Cynghorydd Paul Rogers, Aelod Arweiniol dros Wasanaethau Ieuenctid a Gwrth Dlodi:
“Mae’r 5 merch ifanc yn ysbrydoliaeth i bawb a ddarllenodd eu stori. Mae eu trugaredd a’u dyngarwch yn sefyll allan ac rwy’n eu llongyfarch am eu gwobrau haeddiannol iawn.”
Cyflwynwyd y Wobr gan Gomisiynydd Plant Cymru, Sally Holland.
Dywedodd Caroline a Tina a siaradodd ar ran y grŵp cyfan:
“Hoffem ddiolch yn fawr i bawb a gymerodd ran yn y prosiect gan na fyddai wedi bod mor llwyddiannus heb gefnogaeth cymaint o bobl ac ni fyddai’r bobl ifanc wedi cael profiad mor anhygoel.”
Yn derbyn eu gwobr yng Nghaerdydd, o’r chwith i’r dde, Sally Holland, Caroline Bennett, Tina Edwards, Lauren Lewis, Jade Griffith, Chloe Roberts a Katelyn Owen Jones.
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Os ydych yn byw yn neu o gwmpas Johnstown efallai bydd gennych ddiddordeb mewn digwyddiad sy’n cael ei gynnal ar 16 Awst ar Grîn Canolfan Gymunedol Heol Kenyon rhwng 10.30 am a 3.00 pm.
Fel rhan o’r cynllun mantais gymunedol, bydd Novus Solutions, sy’n gosod ceginau ac ystafelloedd ymolchi newydd yn eiddo’r Cyngor yn yr ardal, yn paentio adeilad Clwb Pêl droed Johnstown a bydd gwaith yn dechrau ar hyn ar 16 Awst.
I nodi dechrau’r gwaith, mae diwrnod gweithgareddau i bob oed wedi’i drefnu a fydd yn cynnwys paentio wynebau, raffl am ddim, lluniaeth a digon o weithgareddau i blant.
Bydd sesiynau hyfforddiant paentio Skills 4 Life hefyd a fydd yn rhoi awgrymiadau addurno defnyddiol i chi.
Mae cymalau Mantais Gymunedol yn cael eu cynnwys yn yr holl brif gontractau gyda’r Cyngor. Mae’r cymalau yn golygu bod yn rhaid i’r contractwyr sy’n gweithio gyda’r Gwasanaeth Tai ymrwymo i ‘roi rhywbeth ychwanegol’ yn ôl i’r economi leol trwy Gynlluniau Mantais Cymunedol.
Gall y cynlluniau gynnwys noddi prosiectau lleol megis gerddi cymunedol a thimau chwaraeon neu adnewyddu ysgolion, neuaddau pentref, canolfannau cymunedol neu unrhyw brosiect tebyg.
“diwrnod da iawn i’r gymuned”
Y Cynghorydd David A Bithell, Dywedodd yr Aelod lleol ac Aelod Arweiniol yr Amgylchedd a Chludiant:
“Mae hwn yn argoeli i fod yn ddiwrnod da iawn i’r gymuned ac rwy’n gwybod bod y tîm pêl-droed yn edrych ymlaen yn fawr at gael adnewyddu eu cyfleusterau gydag ychydig o baent.”
Gallwch hefyd ganfod sut i gymryd rhan yng ngwaith ailbeintio cyfleusterau Tîm Pêl-droed Johnstown.
Meddai’r Aelod Arweiniol Tai, y Cynghorydd David Griffiths:
“Mae’r Mantais Gymunedol yn rhan o gontract Novus gyda ni ac mae’n sicrhau gellir gwella’r gymuned maen nhw’n gweithio ynddi mewn rhyw ffordd. Yn Johnstown, y tîm pêl droed sy’n manteisio ac rwy’n gwybod y byddant yn hapus iawn pan fydd y gwaith wedi’i gwblhau.”
Dylai rywun hebrwng plant drwy’r amser yn ystod y digwyddiad
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
Rydyn ni’n gwybod eich bod chi’n hen lawiau hefo camerâu, gan gynnwys y rhai ar eich ffonau a’ch llechi, ac fe hoffem ni eich gweld chi’n eu cynnig nhw yng nghystadleuaeth Rhyfeddodau Wrecsam 2018.
Rydyn ni wedi bod yn creu ein calendr ers mis Tachwedd ac mae’n dechrau edrych yn eithaf cŵl. Mae dewis o gyn-enillwyr isod, er mwyn i chi weld safon y lluniau sy’n cael eu hanfon atom ni.
Y cyfan mae angen i chi ei wneud ydi dod o hyd i’r “perl” hwnnw o le a fydd yn siŵr o edrych yn dda ar galendr. Tynnwch lun ohono ac anfonwch o at calendar@wrexham.gov.uk
Nid oes gwobr, ond fe fydd pob un o’r enillwyr yn cael copi o galendr Rhyfeddodau Wrecsam 2018.
Mae telerau ac amodau ar y gystadleuaeth ac fe allwch chi eu gweld nhw yma. Y pethau pwysicaf yw bod y lluniau’n cael eu tynnu gan ffotograffwyr amatur ac mae’n rhaid iddyn nhw gael eu tynnu yn y fwrdeistref sirol.
Fe fydd y beirniaid yn cyhoeddi enillydd mis Awst ddechrau mis Medi.
Bydd yr holl elw o werthu calendr Rhyfeddodau Wrecsam yn mynd i elusennau’r Maer.
I ffwrdd â chi i glicio!
Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.
Efallai y byddwch yn ymwybodol bod gwersyll digartref bychan ar hen safle Groves.
Os ydych yn byw gerllaw a’ch bod yn pryderu amdano, rydym yn deall hynny’n iawn. Hefyd rydym yn deall anghenion pobl sy’n gwersylla ar y safle, a’r ffaith bod arnom angen diogelu’r adeilad.
Am y tro rydym yn goddef y sefyllfa ar y safle i atal problemau eraill rhag codi mewn ardaloedd eraill. Er bod y safle wedi’i feddiannu, byddwn yn gweithio gyda’n partneriaid i geisio rheoli’r sefyllfa i helpu’r unigolion sydd ynghlwm.
Mae gan Gyngor Wrecsam, yr heddlu, gwasanaethau iechyd a’r sector gwirfoddol gynllun a fydd yn helpu i fynd i’r afael â rhai o’r problemau uniongyrchol.
Yr hyn a fydd yn digwydd
Bydd y cyngor yn parhau â phatrolau diogelwch i helpu i gadw’r adeilad cyfagos yn ddiogel.
Bydd yr heddlu yn parhau i ymateb i alwadau, yn patrolio’r perimedr a chysylltu â phreswylwyr lleol.
Bydd gweithwyr estyn allan iechyd a thrydydd sector yn ymweld â’r safle saith niwrnod yr wythnos – yn ystod y dydd a chyda’r nos – i geisio ag ymgysylltu â’r bobl sy’n gwersylla yno, a’u hannog i gael cymorth.
Nid yw’n drefniant parhaol, ond bydd yn helpu i sicrhau bod y sefyllfa yn hawdd i’w drin tra bo partneriaid yn gweithio ar ddatrysiad dros yr wythnosau nesaf.
Cyfrifoldeb i breswylwyr, yr adeilad a’r bobl ar y safle
Dywedodd y Cynghorydd Hugh Jones, Aelod Arweiniol Cymunedau, Partneriaethau, Gwarchod y Cyhoedd a Diogelwch Cymunedol:
“Rydym eisiau darparu diogelwch i breswylwyr sy’n byw ger Groves, ac mae gennym gyfrifoldeb i ddiogelu’r adeilad.
“Mae’r cyngor a’i bartneriaid hefyd wedi ystyried lles y bobl sy’n byw ar y safle.
“Mae gan y bobl sy’n gwersylla yno gwahanol fathau o broblemau – megis digartrefedd, camddefnyddio sylweddau ac iechyd meddwl gwael. Ni ellir mynd i afael â’r pethau hyn dros nos.
“Mae eu helpu i newid eu hamgylchiadau yn hanfodol i reoli’r problemau hyn yn Wrecsam. Bydd eu symud hwy ymlaen – heb geisio eu helpu – yn achosi problemau yn rhywle arall.
“Fodd bynnag, rydym angen canfod ffordd well o’u cefnogi mewn amgylchedd mwy addas, gan nad yw’n briodol i bobl wersylla ar y safle.
“Rydym i gyd eisiau gweld datrysiad llwyddiannus.”
Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.
