Ddoe, mi wnaethom drafod ffyrdd gwahanol y gellir storio bwyd yn eich oergell, beth i wneud gyda chynnyrch cig, a pha fwydydd y gellir eu rhewi a’u bwyta ar ddyddiad diweddarach. Heb ei weld y tro cyntaf? Gallwch weld Rhan 1 yma…
Yn Rhan 2, rydym yn edrych mwy ar y ffyrdd o gadw bwyd yn ddiogel, eich cadw yn iach ac osgoi gwastraffu bwyd heb angen.
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
Cadw bwydydd sych mewn cynwysyddion
Nid oes angen cadw llawer o fathau o fwyd yn yr oergell i’w cadw’n ddiogel i’w bwyta. Mae enghreifftiau o hyn yn cynnwys bwydydd sych megis reis, pasta a blawd, llawer o ddiodydd, bwydydd tun, a jariau heb eu hagor, ond mae’n rhaid i chi dal eu cadw’n ddiogel.
I gadw bwyd sych yn ddiogel:
- Cofrestru -
- cadwch fwydydd mewn bagiau wedi’u selio neu gynwysyddion – mae hyn yn eu helpu i gadw’n ffres ac yn atal unrhyw beth rhag disgyn i mewn i’r bwyd drwy ddamwain
- peidiwch â storio bwyd neu ddiodydd wrth ymyl cynnyrch glanhau na chemegau eraill.
- peidiwch â storio bwyd mewn cynwysyddion sydd wedi cael eu defnyddio ar gyfer pwrpas eraill
- defnyddiwch boteli dŵr plastig heb eu torri, y gallwch eu glanhau yn unig.
- peidiwch â storio bwyd ar y llawr, oherwydd gall atynnu llygod bach, morgrug a phlâu eraill.
- cadwch yr ardal storio yn sych a ddim yn rhy gynnes
Tuniau
Pan fyddwch yn agor tun bwyd ac nid ydych am ei ddefnyddio’r holl fwyd yn syth, gwagiwch i mewn i fowlen, neu gynhwysydd arall, a’i roi yn yr oergell.
Peidiwch â storio bwyd mewn tun agored, nag ailddefnyddio tuniau i goginio neu storio bwyd. Y rheswm am hyn yw pan fydd tun wedi’i agor a mae’r bwyd yn agored yn yr aer, yna gall y tun o’r can drosglwyddo’n gynt i gynnwys y can.
Nid yw’r cyngor hwn yn berthnasol i fwydydd sy’n cael eu gwerthu mewn tuniau sydd â chaead a ellir eu hail-selio, megis syryp a choco, oherwydd nid yw’r mathau hyn o fwydydd yn adweithio gyda’r can.
Gorchuddio bwyd gyda ffoil tun
Mae ffoil tun, sydd wedi’i wneud o alwminiwm, yn gallu bod yn ddefnyddiol i orchuddio a chau bwydydd. Ond mae’n well peidio defnyddio ffoil na chynwysyddion a wneir gan alwminiwm i storio bwyd sydd yn asidig iawn, megis:
- tomato
- riwbob
- bresychen
- ffrwythau meddal
Cofiwch! Gallwch ailgylchu ffoil tun glân gyda chaniau alwminiwm.
Deall dyddiadau
Mae deall y gwahaniaeth rhwng y dyddiad ‘ar ei orau cyn’ a’r dyddiad ‘defnyddio olaf’ er mwyn sicrhau nad ydych yn taflu bwyd da i ffwrdd yn ddiangen.
Mae’r dyddiad ‘ar ei orau cyn’ yn ymwneud ag ansawdd. Bydd bwyd yn ddiogel i’w fwyta ar ôl y dyddiad yma, ond mae’n bosibl na fydd bellach ar ei orau.
Mae’r dyddiad defnyddio olaf yn ymwneud â diogelwch: ni ddylai bwyd gael ei fwyta, ei goginio na’i rewi ar ôl y dyddiad hwn gan y gallai fod yn anniogel – hyd yn oed os yw’n edrych ac yn arogli’n iawn.
Mae 80% o ddefnyddwyr wedi taflu bwyd oedd yn agos i’w ddyddiad defnyddio olaf heb sylweddoli y gallant ei rewi a’i gadw at eto. Cofiwch, mae’n ddiogel i rewi bwyd hyd at y dyddiad defnyddio olaf!
Diolch i chi am roi o’ch amser i ddarllen y wybodaeth hon. Gobeithio y bydd yr awgrymiadau hyn yn eich helpu i gael y gorau o’r bwyd yr ydych yn ei brynu.
Derbyniwch ein prif straeon dros e-bost.
TANYSGRIFWYCH
