Mae’r wefan hon yn defnyddio cwcis. Trwy ei defnyddio, rydych yn cytuno i’w defnydd. Am fwy o wybodaeth, darllenwch ein Polisi Preifatrwydd.
Derbyn
Newyddion Cyngor Wrecsam
  • Busnes ac addysg
  • Y cyngor
  • Pobl a lle
  • Digwyddiadau
  • Fideo
  • Arall
  • English
Darllen Canfod y ffordd yn ôl: y dull arloesol sy’n helpu pobl i oresgyn ‘Spice’
Rhannu
Notification Show More
Newyddion diweddaraf
R- L: Former Mayor Cllr Beryl Blackmore; Heather Collin chair of Dementia Friendly Wrexham; former Mayor's Consort Dorothy Lloyd; and Michael Locke Wales fundraising manager Bowel Cancer UK
Cyn-Faer yn rhoi ei sieciau i elusennau lleol
Pobl a lle
The Council Chamber at the Guildhall in Wrexham
Y Cyngor yn ystyried cynllun ymgynghori ar gyfer tair ysgol gynradd
Y cyngor
Ty Pawb
Tŷ Pawb yn derbyn grant Cyngor Celfyddydau Cymru o Gronfa Buddsoddi Cyfalaf Llywodraeth Cymru o £8m
Pobl a lle Y cyngor
Dwylo oedolyn sy'n dysgu sut i wneud crefftau Macrame
Ymunwch â dosbarth am ddim yn Wrecsam yr Wythnos Addysg Oedolion hon
Digwyddiadau Pobl a lle
Wrexham Guildhall
Cyngor Wrecsam yn croesawu canfyddiadau cadarnhaol o’r Asesiad Perfformiad Panel cyntaf
Y cyngor
Newyddion Cyngor Wrecsam
Search
  • Busnes ac addysg
  • Y cyngor
  • Pobl a lle
  • Digwyddiadau
  • Fideo
  • Arall
  • English
Dilynwch NI
© 2023 Cyngor Bwrdeistref Sirol Wrecsam
Newyddion Cyngor Wrecsam > Blog > Arall > Canfod y ffordd yn ôl: y dull arloesol sy’n helpu pobl i oresgyn ‘Spice’
Arall

Canfod y ffordd yn ôl: y dull arloesol sy’n helpu pobl i oresgyn ‘Spice’

Diweddarwyd diwethaf: 2018/05/21 at 3:48 PM
Rhannu
Darllen 7 funud
Wrexham Council News
RHANNU

Postiwyd ar ran Partneriaeth Diogelwch Cymunedol Wrecsam

Cynnwys
Dal gafael ar swydd‘Spice’ yn y penawdauAchub ar y cyfleEi gwneud yn haws i gael helpModel ar gyfer y dyfodol?

Mae bod yn gaeth i gyffuriau yn sefyllfa ddidrugaredd. Mae pobl yn aml yn cael eu harwain i lawr ffordd dywyll iawn tuag at fywydau caotig a difrodus.

Felly oes yna ffordd yn ôl? I lawer o bobl – gyda’r help a’r gefnogaeth gywir – oes.

Y mis Tachwedd y llynedd fe wnaethom ni flogio am ddull arloesol yn Wrecsam a oedd yn dangos arwyddion cynnar o lwyddiant.

Ychydig fisoedd yn ddiweddarach ac mae’r addewid cynnar hwnnw yn bwrw gwreiddiau – gan helpu nifer o bobl i dorri eu dibyniaeth ar gyffuriau synthetig fel Spice a Mamba, a gwella eu bywydau.

Dal gafael ar swydd

Nid ydym am enwi unigolion yn yr erthygl hon, ond rydym wedi gweld nifer o bobl yn elwa o’r prosiect peilot.

Rydym wedi llwyddo i gael pobl oddi ar gyffuriau ac mae’n ymddangos eu bod yn gwneud yn dda – yn gwneud cais am le yn y brifysgol, yn dal eu gafael ar swydd, gweithio gydag elusennau, dod o hyd i le i fyw ac ati.

Esbonia Steve Campbell, Cydlynydd Tasglu Sylweddau Seicoweithredol Newydd Cyngor Wrecsam: “Dros yr ychydig flynyddoedd diwethaf mae’r cyffuriau hyn wedi difrodi llawer o fywydau a chreu llawer o broblemau mewn trefi a dinasoedd dros y wlad.

“Ond mae’r dull yr ydym wedi’i ddefnyddio yn Wrecsam yn dal i ddangos addewid ac mae pobl yn gwneud cynnydd go iawn diolch i’r gefnogaeth y maent wedi’i chael.

“Rydym wedi gweld unigolion yn llwyddo mewn rhaglenni adfer, dychwelyd at addysg neu waith, a chael lle i fyw.
“Felly rydym yn gobeithio y gallwn adeiladu ar hynny.”

‘Spice’ yn y penawdau

Cafodd problemau ‘Spice’ a ‘Mamba’ yn Wrecsam lawer o sylw gan y wasg y llynedd ac roeddent yn bynciau llosg ar gyfryngau cymdeithasol.

Roedd pryderon am les pobl a oedd yn cymryd y cyffuriau a gwelwyd lluniau graffig yn dangos effeithiau dychrynllyd.

Roedd pobl yn poeni hefyd am effaith hyn ar ganol y dref – yr argraff yr oedd yn ei chreu, p’un a fyddai’n annog pobl i beidio â dod i mewn i’r dref, ymddygiad gwrthgymdeithasol ac ati.

Roedd helpu pobl i roi’r gorau i gymryd cyffuriau yn cael ei weld fel rhywbeth allweddol.

EWCH YN WYRDD – DEWISWCH FILIAU TRETH CYNGOR DI-BAPUR…

Achub ar y cyfle

Felly dechreuodd y sefydliadau sy’n gweithio i fynd i’r afael â’r broblem – gan gynnwys y cyngor, yr heddlu, elusennau a gwasanaethau iechyd – greu ‘proffiliau’ ar gyfer unigolion â phroblemau cyffuriau.

Roedd hynny’n golygu dod i adnabod pob unigolyn fel y gallent ganfod pa fath o gefnogaeth yr oedd ei hangen arnynt pe baent yn penderfynu derbyn help.

“Efallai bod un person angen cymorth i ddod o hyd i lety tra bo person arall angen cymorth â phroblem iechyd meddwl ac ati”, meddai Steve.

“Mae’n golygu ein bod ni’n gallu gweithio ar lawr gwlad a chynnig cefnogaeth wedi ei theilwra yr eiliad maen nhw’n penderfynu derbyn y gefnogaeth honno.”

Mae’r dull hynod bersonol hwn yn chwarae rhan fawr.

Ei gwneud yn haws i gael help

Y ffactor bwysig iawn arall yw ‘hygyrchedd’.

Meddai Steve: “Os ydych yn dweud wrth bobl bod raid iddyn nhw fynd i wahanol leoedd i gael gwahanol fathau o gefnogaeth, bydd rhai ohonynt yn methu apwyntiadau a byddwch yn colli’r cyfle i ymgysylltu â nhw.

“Felly creodd y partneriaid ‘siop un stop’ mewn lleoliad addas yng nghanol y dref. Mae’n golygu y gall pobl gael mynediad at wahanol fathau o help sydd eu hangen arnynt mewn un lle. Mae’n gwneud pethau’n haws.”

Oherwydd y gwaith proffilio sy’n cael ei wneud, mae’r gweithwyr proffesiynol sydd yn y ‘siop’ yn gwybod yn union pa gefnogaeth i’w chynnig i bob person.

Ac mae system ‘atgyfeirio cyflym’ yn golygu eu bod yn derbyn cefnogaeth yn gyflym. Felly os oes ar berson angen therapi dadwenwyno neu adferiad, gellir trefnu hynny’n gyflym.

Model ar gyfer y dyfodol?

Dywedodd y Cynghorydd Hugh Jones, Aelod Arweiniol Cymunedau, Partneriaethau, Gwarchod y Cyhoedd a Chymuned yng Nghyngor Wrecsam: “Fel partneriaeth, rydym yn cydweithio’n agos – yn cydlynu ein hadnoddau ac yn ceisio canfod ateb i broblem anodd iawn.

“Nid pawb sy’n derbyn help sy’n dod allan y pen arall, ond – i ryw raddau – rydym wedi dod o hyd i ateb.

“Rydym yn gweld unigolion yn gwneud cynnydd oherwydd y gefnogaeth ymatebol a hygyrch sydd ar gael ac sydd wedi’i theilwra’n dda.

“Mae’n wir hefyd bod rhannau eraill o’r wlad yn edrych ar y pethau yr ydym yn eu gwneud yn Wrecsam.

“Ac mae teimlad y gallai’r dull hwn helpu trefi a dinasoedd i fynd i’r afael â mathau eraill o gyffuriau yn y dyfodol – nid Spice a Mamba yn unig.”

Dywedodd y Cyng. Jones y mai adolygiad diweddar ar “Llinellau Sirol” gan y Swyddfa Gartref, yn trafod yr ymarferiadau da yn Wrecsam i daclo’r cyflenwad o gyffuriau o’r prifddinasoedd, a hefyd yn dangos yr ydym yn mynd yn y cyfeiriad cywir. Ond nid oes terfyn mewn golwg am y frwydr yn erbyn Spice, Mamba a chyffuriau eraill.

Dywedodd y Cyng. Jones: “Mae dal gennym ni ffordd hir i fynd, ond rydym yn awyddus i gynnal ein hymdrech cymal i gefnogi’r rhai sydd angen y cymorth hwn, ac i reoli’r effaith ar ein cymdeithasau.

Cyflym, effeithlon ac yn dda am yr amgylchedd – dewiswch filiau Treth Cyngor di-bapur trwy FyNghyfrif.

[button color=”” size=”large” type=”square_outlined” target=”new” link=” https://fynghyfrif.wrecsam.gov.uk/cy/MyServices”] COFRESTRWCH AM FILIAU DI-BAPUR [/button]

Rhannu
Erthygl flaenorol Gwelsoch chi’r fideo hon? Uchafbwyntiau o’r HWB 2018 Gwelsoch chi’r fideo hon? Uchafbwyntiau o’r HWB 2018
Erthygl nesaf Ydych chi’n gwerthfawrogi’r effaith y mae gwahanu a galar yn ei gael ar blant? Darllenwch fwy... Ydych chi’n gwerthfawrogi’r effaith y mae gwahanu a galar yn ei gael ar blant? Darllenwch fwy…

Cysylltu

590 Dilynwyr Hoffi
1k Dilynwyr Dilyn
500 Dilynwyr Dilyn
- Cofrestru -
Ad image

Y newyddion diweddaraf

R- L: Former Mayor Cllr Beryl Blackmore; Heather Collin chair of Dementia Friendly Wrexham; former Mayor's Consort Dorothy Lloyd; and Michael Locke Wales fundraising manager Bowel Cancer UK
Cyn-Faer yn rhoi ei sieciau i elusennau lleol
Pobl a lle Medi 12, 2025
The Council Chamber at the Guildhall in Wrexham
Y Cyngor yn ystyried cynllun ymgynghori ar gyfer tair ysgol gynradd
Y cyngor Medi 11, 2025
Ty Pawb
Tŷ Pawb yn derbyn grant Cyngor Celfyddydau Cymru o Gronfa Buddsoddi Cyfalaf Llywodraeth Cymru o £8m
Pobl a lle Y cyngor Medi 11, 2025
Dwylo oedolyn sy'n dysgu sut i wneud crefftau Macrame
Ymunwch â dosbarth am ddim yn Wrecsam yr Wythnos Addysg Oedolion hon
Digwyddiadau Pobl a lle Medi 11, 2025

Efallai yr hoffech weld y rhain hefyd

Driving
Arall

Mae’r Cyngor yn edrych i weithio gyda phartneriaid i orfodi terfynau cyflymder 30mya

Medi 3, 2025
Mobile phone
Arall

Bydd eich ffôn symudol yn dirgrynu ac yn gwneud sŵn uchel fel seiren ddydd Sul

Medi 1, 2025
Hedgehog
Arall

Allwch chi helpu i ddiogelu draenogod?

Awst 19, 2025
Dog
Arall

Pwy sy’n gofalu am eich ffrind gorau tra byddwch ar wyliau?

Awst 19, 2025
Wrexham County Borough Council
//

Mae Newyddion y Cyngor yn darparu’r holl newyddion diweddaraf gan Gyngor Bwrdeistref Sirol Wrecsam.

Dolenni cyflym

  • Rhestr ddarllen
  • Fy Niweddariadau
  • Cysylltwch â’r cyngor
  • Polisi preifatrwydd

Prif storiau

Tanysgrifiwch i’n bwletin newyddion a chael y newyddion a’r wybodaeth ddiweddaraf gan Gyngor Wrecsam.

Newyddion Cyngor Wrecsam
Dilynwch NI

© 2023 Cyngor Bwrdeistref Sirol Wrecsam

Wedi’i dynnu oddi ar y rhestr ddarllen.

Undo
Wrexham Council News
Welcome back!

Sign in to your account

Lost your password?
  • Cymraeg
  • English