Ddydd Iau, 20 Tachwedd 2025, derbyniodd Gardd Gymunedol Rhos ganmoliaeth gan Gymdeithas Ddinesig Wrecsam yn y Categori Gwella Tirwedd a’r Amgylchedd mewn seremoni wobrwyo a gynhaliwyd yn Eglwys San Silyn.
Dros y 12 mis diwethaf, cafodd darn o dir diangen ar hen gae chwarae Ysgol y Wern ei droi’n ardd gymunedol, gan greu man agored bywiog sy’n hygyrch i bawb yn y gymuned. Mae’r ardd yn ymwneud â mwy na thyfu bwyd yn unig, gan ei bod yn galluogi pobl i gysylltu ac yn eu haddysgu am gynaliadwyedd a natur.
Dywedodd y Cynghorydd David A Bithell, Aelod Arweiniol ar faterion yn ymwneud â Lleihau Carbon: “Ni fyddai’r ardd hon wedi bod yn bosib heb yr holl gefnogaeth a dderbyniwyd gan yr holl Gynghorwyr lleol, Swyddogion y Cyngor a sefydliadau cymunedol Groundwork Gogledd Cymru, Incredible Edible, CBC WoodWorks, Cyngor Cymuned Rhos. “Mae gwirfoddolwyr lleol hefyd wedi gweithio’n ddiflino ers cychwyn y prosiect hyd at nawr, “Llongyfarchiadau mawr, and diolch yn fawr i bawb sydd wedi bod yn gysylltiedig.”
Mae Gardd Gymunedol Rhos wedi derbyn £30,396.81 gan Lywodraeth y DU drwy’r Gronfa Ffyniant Gyffredin, yn ogystal â ffynonellau cyllido eraill.
