Erthygl gwadd – Xplore!
Mae Canolfan Darganfod Gwyddoniaeth Xplore! yn croesawu ymwelwyr yn ôl drwy ei drysau ar Stryd Henblas wrth i waith ar nifer o ddatblygiadau newydd cyffrous yn y ganolfan gyrraedd carreg filltir bwysig.
Gall ymwelwyr nawr fynd i mewn i’r ganolfan darganfod gwyddoniaeth sydd wedi’i lleoli yn Wrecsam drwy fynedfa Stryd Henblas y ganolfan a phrofi llwybr sydd newydd ei drawsffurfio, ardal caffi newydd ac wedi’i wella, a siop gwyddoniaeth sydd wedi’i hadfywio.
Mae’r newidiadau’n rhan o gyfnod cyffrous o ddatblygiad ar gyfer Xplore!, gyda gwelliannau wedi’u cynllunio i wneud ymweliadau’n haws, yn ac yn fwy dymunol a hygyrch ar gyfer teuluoedd ac ymwelwyr o bob oedran.
Un o’r newidiadau mwyaf ar gyfer ymwelwyr yw trawsnewidiad y caffi. Mae’r caffi wedi’i adleoli’n llwyr a’i ailddylunio gyda gosodiad mwy ffres a modern, gan gynnwys bythau cyfforddus a lle mwy croesawgar i ymwelwyr gael ymlacio ynddo.
Mae ailddatblygu’r lle yn digwydd yn rhan o’r gwaith paratoi ar gyfer prosiect cyfalaf diweddaraf Xplore!, LaunchPAD, sef amgylchedd chwarae a dysgu thema’r gofod newydd wedi’i greu’n arbennig ar gyfer plant dan bump oed.
Wedi’i ariannu gan y Moondance Foundation, bydd LaunchPAD yn rhoi lle i ymwelwyr ieuengaf Xplore! i archwilio, chwarae a darganfod drwy brofiadau ymarferol wedi’u hysbrydoli gan ryfeddodau’r gofod.
Bydd LaunchPAD, y disgwylir iddo agor ym mis Mawrth 2027, yn ychwanegu dimensiwn arall i gynnig teuluol Xplore! a darparu hyd yn oed mwy o gyfleoedd i bobl ifanc ddysgu drwy chwarae.
Gwneud Xplore! yn haws i archebu lle ynddi
Fel rhan o’r gwelliannau, mae Xplore! hefyd wedi gwneud newidiadau i’w system docynnau Planetariwm, gan ei wneud yn haws nag erioed i ymwelwyr gynllunio eu diwrnod.
Mae’r Planetariwm nawr wedi’i gynnwys o fewn y Tâl Mynediad Cyffredinol, sy’n golygu nad yw ymwelwyr bellach angen trefnu tocynnau mynediad a thocynnau Planetariwm ar wahân. Mae tocyn Mynediad Cyffredinol nawr yn cynnwys mynediad at arddangosfa ryngweithiol Xplore!, sioeau cyhoeddus a’r Planetariwm, gan greu profiad archebu tocynnau symlach a di-ffwdan.
Dywedodd Scot Owen, rheolwr canolfan Xplore!, “Roeddem ni’n teimlo’n llawn cyffro i weld y cam nesaf o’r datblygiad yn Xplore! yn mynd yn ei flaen. Mae’r llwybr, y caffi a’r siop ymysg rhai o’r newidiadau rydym yn ei wneud er mwyn gwella’r profiad ar gyfer ein hymwelwyr, gyda LaunchPAD yn llenwi lle newydd sbon i’n hymwelwyr ieuengaf y flwyddyn nesaf.
Ochr yn ochr â hyn, rydym wedi gwneud ein profiad Planetariwm yn rhan o’r Tâl Mynediad Cyffredinol, gan ei gwneud hi hyd yn oed yn haws i deuluoedd fwynhau popeth sydd gan Xplore! i’w gynnig.”
Gyda mynedfa Stryd Henblas nawr ar agor, a chaffi a llwybr newydd i’w harchwilio, system archebu tocynnau Planetariwm a LaunchPad haws ar y gorwel, mae Xplore! yn dechrau pennod newydd – un sy’n adlewyrchu uchelgais ac egni Wrecsam sy’n paratoi ar gyfer ei dyfodol fel Dinas Diwylliant y DU 2029.
I archebu eich taith nesaf, ewch i wefan Xplore.
