Categori: Fideo

Trawsgrifiad o Gyfweliad Sally Lindsay

LG: Helo bawb. Luke sydd yma eto ar gyfer Wythnos Gweithredu Dementia a dwi wrth fy modd yn gallu dweud fod gennym ni westai gwych ar bennod wythnos yma. Mae hi’n un o’r bobl hynny nad oes angen llawer o gyflwyniad gan ei bod yn eicon, ond i’r rheini ohonoch sydd angen proc i’r cof, fe weithiodd fel rhan o’r cast enwog yn “Still Open All Hours” fel Kath Agnew. Ar yr adegau pan nad ydi hi’n teithio ac yn dangos penwythnosau crand i ni, mae hi hefyd yn datrys dirgelion fel y ditectif newydd yn “The Madame Blanc Mysteries”. Mae’n bleser gen i gyflwyno Mrs Sally Lindsay i chi, helo Sally.

SL: Helo cariad, sut wyt ti?

LG: Dwi ar ben fy nigon heddiw, sut wyt ti?

SL: Grêt, ydw grêt.

LG: Mae’n bleser dy gael di yma a diolch i ti am dy amser heddiw. Pwrpas y gyfres yma rydym ni’n hoffi ei ddweud ydi os ydych chi wedi cyfarfod un person sy’n byw gyda dementia, rydych chi wedi cyfarfod un person sy’n byw gyda dementia, ac i brofi hyn gyda’r gyfres yma, dwi’n mynd i ofyn yr un tri chwestiwn i bump person i ddangos pa mor wahanol ydi’u hatebion. Gyda hynny mewn golwg, elli di ddweud wrthym ni beth yw dy gyfraniad a dy stori gyda dementia os gweli di’n dda?

SL: Wel, mae’n un hir. Pan oeddwn i…ellai ddim cofio rŵan. Dwi’n meddwl tua 14, 15 oed, fy nain roeddwn i’n agos iawn ati hi, felly roedd hyn amser maith yn ôl. Rydw i’n 49 eleni, roedd yn ddiagnosis cynnar iawn ar gyfer clefyd Alzheimer, un o’r cyntaf a dweud y gwir, a dwi’n meddwl bod hynny yn y nawdegau cynnar. Fe ddirywiodd hi’n gyflym iawn o fod yn fatriarch digrif, anhygoel o’r Gogledd. Gan nain dwi’n cael fy llinellau gorau, roedd hi’n wych ac yn helpu llawer yn y gymuned. Fe weithiodd, roedd hi dal i weithio, dwi’n meddwl ei bod hi tua 65 pan gafodd hi o a dwi’n meddwl e fod o’n ofnadwy adeg hynny gan nad oedd yna gefnogaeth. Nid oedd yna unrhyw help. Nid oedd yna linellau ffôn, dim ymwybyddiaeth, dim byd. Doeddem ni ddim yn gwybod beth oedd yn digwydd. Fe gafodd hi “Dementia Henaidd”, fel maen nhw’n ei alw o, megis diarhebion ac fe aeth hi i gael seibiant yn ystod y dydd ond doedden nhw methu ymdopi â hi am fod ganddi anghenion gwahanol ac roedd o’n eithaf dychrynllyd a dweud y gwir. O’r hyn a ddigwyddodd a gweld sut y gwnaethom ni ymdopi, nad oedd yn dda iawn, ond fe wnaethom ni’n gorau. Pan ymunais i â “Coronation Street” a chael proffil uchel, fe gysylltodd Cymdeithas Alzheimer’s gan fy mod wedi siarad amdani mewn cyfweliad. Roedd hynny yn 2001. Felly, dwi wedi bod yn Llysgennad i Gymdeithas Alzheimer’s ers hynny, felly mae hi’n un mlynedd ar hugain. Rydw i wedi bod yn weithgar iawn yn y datblygiad, ac mae’r datblygiad at rŵan fel ti’n gwybod dy hun Luke, wedi bod yn anhygoel, mae gennym ni lawer i’w ddathlu. Mae’r hyn sy’n digwydd yn gadarnhaol iawn, dyna sydd wedi digwydd. Felly dyna fy nghyfranogiad i, roedd ar gyfer fy nain, felly bob tro roeddwn i’n gweithio i Gymdeithas Alzheimer’s, bob tro rydw i’n gwneud cyfweliad, bob tro rydw i’n gwneud taith gerdded, mae er cof amdani hi a faint y dioddefodd hi a faint nad oes rhaid ichi bellach, a dyna fy nghyfranogiad i.

Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.

LG: Mae hynny’n wych ac allan o rywbeth mor drist, rwyt ti wedi bod mor gadarnhaol bob amser, ac mae’n ysbrydoledig yn ogystal, ac yn hyfryd fod gennym ni rywun fel ti i barhau â’r neges. Fe soniais di amdano’n sydyn gynnau, gan fy arwain yn dwt at y cwestiwn nesaf. Fe sonies di am ddiffyg ymwybyddiaeth pan gafodd hi’r diagnosis gyntaf. Gyda hynny mewn golwg, pa mor bwysig wyt ti’n meddwl ydi digwyddiadau ac ymgyrchoedd fel Wythnos Gweithredu Dementia a sesiynau ymwybyddiaeth dementia yn y gymuned y dyddiau hyn?

SL: Wel, rydw i bob amser yn disgrifio Alzheimer, mathau eraill o ddementia, fel tswnami yn taro’r wlad yma ac yn debyg i’r ffordd y sylweddolodd pobl am ganser yn y chwedegau, saithdegau, roedd pawb yn ei gael o. Mae wedi bod yn digwydd ers erioed ond mwyaf sydyn mae pawb yn ymwybodol bod rhai aelodau’r teulu nid yn unig yn heneiddio ond yn colli arni. A dweud y gwir, afiechyd ar yr ymennydd ydi o. Mae’n ymwneud â therfynau nerfau, mae’n ymwneud â sut mae’r ymennydd wedi’i osod. Nid “mae rhywun yn heneiddio” yn unig dwi’n feddwl. Dwi ‘di agor canolfannau i bobl fy oedran i ac yn iau sydd â dementia cynnar. Nid mater i bobl hŷn yn bennaf ydi hyn, ond mae’n broblem y bydd un ohonom yn adnabod un person gyda dementia y dyddiau ‘ma. Yn yr un modd rydym ni’n adnabod rhywun sydd â chanser, rydym ni’n adnabod rhywun sydd â dementia, a fy nghenhadaeth i, neu genhadaeth Cymdeithas Alzheimer’s ac elusennau dementia eraill ydi gwthio’r proffil i fyny mor uchel ag ydi ymwybyddiaeth canser. Yn amlwg mae ymwybyddiaeth canser yn hynod bwysig ac yn anffodus mae aelodau o fy nheulu i wedi marw o’r afiechyd hwnnw hefyd, ond gyda Alzheimer’s yn benodol, mae angen i ni godi ymwybyddiaeth ac rydym ni’n gwneud hynny, ymwybyddiaeth fod yna obaith ar gael. Mae yna gyffuriau sydd yn gallu helpu. Mae yna gymunedau sydd yn gallu helpu. Ymwybyddiaeth nad oes rhaid i chi fod ar eich pen eich hun. Fe allwch chi godi’r ffôn ac fe allwch chi ffonio rhywun a dweud “’Dwi allan o fy nyfnder yma, ‘dwi’m yn gwybod beth sy’n digwydd” gan ei fod yn afiechyd heriol tu hwnt i ofalu amdano pan rydych chi’n ofalwr ac yn deulu, rydw i’n ei ddisgrifio fel gweld rhywun a’u hatgof yn diflannu diwrnod ar ôl diwrnod. Felly mae’n rhaid i chi reoli hynny mewn ffordd a chodi ymwybyddiaeth a dweud bod yna rywun sydd yn gallu helpu. Mae hynny’n gwella a dwi’n meddwl bod hynny’n digwydd un dydd ar y tro gyda phethau fel wythnos dementia a theithiau cerdded Alzheimer a’r pethau rydym ni’n eu gwneud. O ran y rhai ar y teledu, nid fi yn unig sydd wrthi, mae yna griw yn y diwydiant sydd yn siarad am Alzheimer’s yn gyson. Mae yna blatfform ymwybyddiaeth. Pan ddaw’r diagnosis, maent yn gwybod bod ganddynt rywle i fynd.

LG: Yn bendant, ac fe ddwedes di yn wych, mae pethau’n newid ac mae hynny’n beth da. Peth arall mae rhywun fel fi’n hoffi ei wneud pan fyddwn ni’n mynd allan i siarad gyda’r gymuned, rydym ni’n hoffi cael y bobl yma yn y sesiynau i feddwl am weithred gadarnhaol i’r rhai sy’n byw gyda dementia i wneud eu bywyd yn haws. Felly y cwestiwn olaf i ti fyddai, i’r rhai sy’n gwylio adref a phetai ti mewn sefyllfa o gyflwyno sesiwn, beth fyddet ti’n ei argymell fyddai dy weithred gadarnhaol?

SL: Mae’n gwestiwn diddorol iawn. Mae yna lawer o ddatrysiadau dros y blynyddoedd ond un o’r rhai a gafodd yr effaith fwyaf arna i oedd angor canolfan dementia mewn adain ysbyty yn Lerpwl. Rydw i wedi bod yn mynd o amgylch y wlad yn gwneud hyn ers nifer o flynyddoedd. Gyda mathau penodol o ddementia, rydych chi’n colli eich cof tymor byr i ddechrau. Mae eich cof hir dymor yn eithaf iach. Yr hyn oedd yn anhygoel am y lle yma oedd bod y ward cyfan wedi’i addurno fel cyfnod o’r gorffennol. Felly roedd yna hen luniau, roedd yna arosfan bws o’r hen ddyddiau. Roedd yna rywbeth oedd yn ymarfer y meddwl oedd dal yno. Yn ôl y sôn, fe newidiodd y cleifion dros nos. Roedd yna gerddoriaeth o’r cyfnod y byddent yn ei gofio pan oedd yr ymennydd dal i weithio, cerddoriaeth o’r pumdegau neu bedwardegau. Dyna’r math o beth dwi’n meddwl oedd yn eithriadol o gadarnhaol. Felly pan es i allan i’r lleoliad yna fe effeithiodd arna i. Wrth gwrs dydyn ni ddim yn gweld y rhannau o’r ymennydd sydd yn marw ond rydym ni’n canolbwyntio ar y rhannau o’r ymennydd sydd dal yn fyw. Yn amlwg yn y camau olaf, nid yw hynny’n opsiwn, ond mae bendant yn opsiwn yn y camau cynnar. Felly, mi faswn i’n annog pobl, a’r peth cyntaf y baswn i’n annog unrhyw un sy’n cael y diagnosis cyntaf yw ffonio llinell gymorth, yn syml, ffoniwch linell gymorth. Peidiwch â bod ofn, dydych chi ddim ar eich pen eich hun. Fe gewch chi daflen wybodaeth, peidiwch â bod ofn ei ddefnyddio, ffoniwch linell gymorth achos rydych chi angen rhywun, rydych chi angen cymorth, rydych chi angen bod mewn cymuned. Mae angen i chi fynd i gaffi dementia, mae angen i chi siarad am eich anwylyn roeddech chi’n ei addoli ond sydd yn berson ychydig yn wahanol erbyn hyn. Mae hynny’n rhywbeth i’r gofalwyr a’r anwyliaid gan y gallwch chi fod yn bositif yn ei gylch. Dwi hefyd yn credu y gallech chi chwilio am hen luniau. Ewch i chwilio pa gerddoriaeth roeddynt yn ei hoffi. Ewch i chwilio beth oedd yn eu gorffennol a chredwch chi fi, mae’n gwneud cymaint o wahaniaeth i ymarfer y rhan hwnnw o’r ymennydd sydd dal gyda ni. Maent yn gallu ymbleseru yn hynny, dwi wedi bod yn dyst iddo. Roedd yna ward ysbyty arall yr ymwelais ag o, ac roedd yna fabis ffug yno ac roedd llawer o’r merched ar y ward ac roeddynt yn credu eu bod yn rhoi maldod i’w babanod. Roedd o’n eithaf hyfryd, doedd o ddim yn rhyfedd. Roedd yn hyfryd gan eu bod wedi mynd yn ôl i le yn eu meddyliau pan roeddynt yn ofalwyr eto. Felly mae’n ymwneud â darganfod y lle yna gyda phwy bynnag sydd yn eich teulu. ‘Dwi ddim yn gwybod beth fyddai wedi bod i fy mam, fy nain achos yn amlwg doedden ni ddim yn ymwybodol adeg hynny ac mae’n fy nhristau’n fawr, ond mae’n debyg y byddai ‘nôl yn y ffatri pan oedd hi’n gwneud ei hetiau, roedd hi’n wniadwraig ac mae’n debyg y byddai’n ymwneud â pheiriant gwnïo neu phan fyddai’n ddigrif ac yn dweud jôcs drwy’r dydd yn y ffatri. Felly, ceisio dod o hyd i rywle. I fy nhaid er na fu farw o ddementia, ond fe fyddem wedi bod yn chwarae recordiau Perry Como mae’n debyg neu’n siarad am Manchester City, de chi’n gweld be dwi’n ei feddwl? Yn syml, yr hyn roeddynt yn ei garu a’u cerddoriaeth a dwi’n meddwl bod hynny’n beth mor gadarnhaol i’w wneud adref a’i chwarae’n gyson. Mae o wir yn gweithio.

LG: O bendant, a wir, mae’r negeseuon rwyt ti wedi’u rhoi heddiw yn wych, a dwi’n diolch o galon i ti am dy amser heddiw. ‘Dwi’n siŵr y bydd pawb adref yn cytuno ein bod wedi dysgu rhywbeth o hyn felly diolch yn fawr iawn am dy gefnogaeth a dy amser heddiw.

SL: Croeso.

LG: Boneddigion a Boneddigesau, diolch yn fawr i Sally Lindsay a diolch am yr holl gefnogaeth gennych chi. Cymerwch ofal.

SL: Hwyl fawr.

Derbyniwch ein prif straeon dros e-bost.

[button color=”” size=”large” type=”square_outlined” target=”new” link=”https://public.govdelivery.com/accounts/UKWCBC_CY/subscriber/new?topic_id=UKWCBC_CY_5″]TANYSGRIFWYCH[/button]

Trawsgrifiad Cyfweliad Alwyn Jones

LG: Helo eto bawb. Luke sy’ ‘ma unwaith eto ac mae Wythnos Gweithredu Dros Ddementia’n parhau. Rwyf yma gyda chyfweliad arall ar eich cyfer heddiw, os ydych wedi bod yn gwylio’r rhai blaenorol, rydym wedi bod yn siarad â rhai gofalwyr yn ein cymuned, rhai gwesteion arbennig iawn, iawn ac nid yw heddiw’n wahanol. Rwyf yma gyda Phrif Swyddog Gofal Cymdeithasol Cyngor Bwrdeistref Sirol Wrecsam, Mr Alwyn Jones. Helo Alwyn, sut ydych chi?

AJ: Helo, bore da Luke, sut ydych chi? Rydw i’n dda iawn, diolch.

LG: Da iawn, diolch am ymuno â ni heddiw. Fel y gwyddoch mae’n siŵr, ac fel y dywedais eisoes, mae’n Wythnos Gweithredu Dros Ddementia ac rydym yn dod â gwesteion arbennig ynghyd ar gyfer cyfweliadau fel yr un yma rydych yn garedig wedi cynnig ei wneud, gyda’r bwriad o ofyn yr un tri chwestiwn i bump o bobl wahanol i brofi’r ddamcaniaeth ynglŷn â phobl gyda dementia, sef os ydych wedi cwrdd ag un person sy’n byw gyda dementia, rydych ond wedi cwrdd ag un person sy’n byw gyda dementia. Gan gadw hynny mewn cof, mi ofynnaf fy nghwestiwn cyntaf i chi. Dywedwch wrthym amdanoch chi eich hun, beth yw eich rôl a’ch stori gyda dementia?

AJ: Diolch yn fawr iawn i chi. Felly, fy enw i yw Alwyn Jones a fi yw Prif Swyddog Gofal Cymdeithasol yma yn Wrecsam. Fel cyngor, rydw i’n credu ei bod yn bwysig iawn ein bod yn gallu dangos bod gennym ymrwymiad cryf i’r bobl hynny sy’n byw gyda dementia a’u gofalwyr, ac ein bod yn sicrhau bod Wrecsam yn le da, yn le diogel i bobl gyda dementia allu byw a’u bod yn gallu parhau i fyw mor annibynnol â phosib. Fel ein bod mewn sefyllfa i allu darparu’r wybodaeth gywir, y cyngor cywir ar yr adeg gywir. Yn amlwg, fel Prif Swyddog Gofal Cymdeithasol, fy nghyfrifoldeb i yw sicrhau pan fyddwn angen rhoi gwasanaethau a chymorth statudol i unigolion gyda dementia a gofalwyr, ein bod yn gallu gwneud hynny mewn modd amserol ond hefyd yn bwysicach fyth, ein bod fel cyngor yn gallu rhoi cefnogaeth ar waith i bobl o bwynt diagnosis, cefnogaeth i bobl yn y gymuned ac fel y dywedais, creu tref sydd yn ddiogel i bobl fyw ynddi. Mae’n falch iawn gen i ddweud ein bod wedi llwyddo i gyflawni’r statws o weithio tuag at fod yn awdurdod sy’n deall dementia a hynny am y drydedd flwyddyn yn olynol gan y Gymdeithas Alzheimer’s a ddyfarnodd y statws hwnnw i ni. Rydw i’n credu bod hynny oherwydd ein bod wedi gallu dangos y newidiadau rydym yn eu gwneud i’r gwasanaethau i bobl gyda dementia ar draws Wrecsam a gwneud yn siŵr eu bod yn hygyrch a’i bod yn hawdd i bobl gael y math yno o gefnogaeth. Yn ei hanfod, Luke, fy rôl i yw goruchwylio gwasanaethau gofal cymdeithasol yma. Rydym yn amlwg mewn sefyllfa lle mae angen i ni fod yn cefnogi pobl gyda dementia, boed hynny drwy gefnogaeth, arweiniad a chymorth neu drwy wasanaethau a chymorth ffurfiol y mae angen i ni eu rhoi ar waith ar gyfer yr unigolyn gyda dementia neu’u gofalwyr.

Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.

LG: Rydw i’n falch iawn eich bod wedi sôn am y cyflawniad hwnnw am y drydedd flwyddyn yn olynol, oherwydd rwyf wedi ysgrifennu stori am hynny a fydd yn cael ei chyhoeddi hefyd. Braf iawn yw bod yn rhan o’r gwaith a mynd allan fy hun i gynnal y sesiynau ymwybyddiaeth gyda staff ac mae’n gyflawniad arbennig am y drydedd flwyddyn yn olynol, yn enwedig oherwydd ein bod wedi bod yn meddwl am y pandemig, ond gan ganolbwyntio ar y sesiynau ymwybyddiaeth o ddementia ac wythnosau ymwybyddiaeth o ddementia, yn eich barn chi, pa mor bwysig yw hi fod ymgyrchoedd fel hyn yn cael eu cynnal a pha mor hanfodol ydynt yn y gymuned?

AJ: Rydw i’n meddwl eu bod yn bwysig iawn i ddweud y gwir. Mae codi ymwybyddiaeth o bobl yn byw gyda dementia a cheisio cael gwared ar rywfaint o’r stigma ac efallai’r elfennau negatif sy’n gysylltiedig â dementia yn bwysig iawn, iawn. Mae arnom angen, mewn ffordd ddiogel a phriodol, rhoi cyfle i bobl ddysgu mwy am ddementia a’r gwahaniaeth y gallwn ni ei wneud fel unigolion, fel awdurdod ac fel aelod o’r gymuned i fywydau pobl sy’n byw gyda dementia, felly mae’n bwysig iawn ein bod yn codi ymwybyddiaeth i leihau’r stigma. Yn amlwg, cynhelir yr Wythnos Gweithredu Dros Ddementia rhwng 16 a 22 Mai ac mae’r wythnos hon yn gyfle gwirioneddol i ni rannu’r gwaith rydym wedi’i gyflawni hyd yma fel awdurdod. Mae staff gofal cymdeithasol sydd ar hyn o bryd yn Hyrwyddwyr Cyfeillion Dementia wedi cwblhau nifer o sesiynau deall dementia gydag ysgolion lleol sydd yn bwysig iawn i adeiladu ar genhedlaeth o bobl ifanc sydd â dealltwriaeth o anghenion pobl sy’n byw gyda dementia, felly pan fyddan nhw’n oedolion ac yn mynd yn hŷn bydd y stigma rydym yn siarad amdano yn llai, ac ni fydd yno yn yr un ffordd a bydd gennym gymdeithas fwy gwybodus. Yn syml iawn, Luke, mae’n bwysig iawn ein bod yn codi ymwybyddiaeth, nid yn unig ymhlith ein staff, ond y gymuned a phobl mewn busnesau lleol i wneud byw gyda dementia yn haws a gwneud yn siŵr bod llai o stigma yn gysylltiedig â’r cyflwr.

LG: Yn sicr, rydw i’n cytuno’n llwyr a gan gadw hynny mewn golwg, mae’n ein harwain yn daclus at y cwestiwn olaf. Yn ystod y sesiynau hyn, rydym yn hoffi gofyn i’r bobl sy’n bresennol feddwl am un weithred bositif y gallent ei gwneud i hwyluso bywyd rhywun sy’n byw gyda dementia. Ar gyfer y bobl sy’n gwylio rŵan, pe gallech ddewis un weithred bositif rŵan, pa weithred fyddech chi’n ei hawgrymu?

AJ: Mewn gwirionedd, Luke, rydw i’n credu ein bod wedi cyfeirio at hyn rywfaint yn yr ateb diwethaf, sef, gwyddom fod nifer y bobl sy’n byw gyda dementia yn cynyddu a chredir y bydd oddeutu miliwn o bobl yn byw gyda’r afiechyd yn ystod y blynyddoedd nesaf. Fel awdurdod, mae hyn yn gyfrifoldeb ar y cyngor cyfan, nid yn unig ni yma yng ngofal cymdeithasol, a buaswn hefyd yn dweud ei fod, yn ehangach, yn gyfrifoldeb ar gymunedau i gael dealltwriaeth o sut beth yw byw gyda dementia. Yn fy marn i, un peth mawr y dylem ni ei wneud yw meddu ar yr ymwybyddiaeth yna er mwyn i’n hadrannau, y cyngor a chymunedau wneud newidiadau bach a chymryd rhan yn rhai o’r sesiynau deall dementia ac mae hynny’n bwysig iawn oherwydd po fwyaf y byddwn yn hysbysu ynghylch dementia, y lleiaf fydd y stigma a byddwn yn addasu ein gwasanaethau mewn ffordd sy’n sicrhau bod ein gwasanaethau yn deall dementia. Gall pobl gymryd rhan yn y sesiynau cyfeillion dementia drwy gysylltu â commissioning@wrexham.gov.uk. Byddwn yn annog pawb i wneud hynny. Fel rhan o’r wythnos honno, rydym hefyd wedi comisiynu’r bws teithiol sy’n rhoi profiad rhithiol o ddementia a fydd yn dychwelyd i Wrecsam ym mis Mehefin. Mae hyn yn rhoi cyfle i bobl gael profiad uniongyrchol o effeithiau dementia a byddwn yn hyrwyddo hynny ar ein tudalennau cyfryngau cymdeithasol pan fydd y cyfle’n codi. Yn syml, y weithred rydw i eisiau ei chyflawni yw sicrhau ein bod yn codi ymwybyddiaeth ac yn gwneud pobl yn fwy cyfarwydd â’r cyflwr. Gwneud pobl yn llai ofnus, gwneud pobl yn gyfforddus a gwneud i bobl feddwl am sut maent yn sicrhau bod y gwasanaethau yn gweithio yn y ffordd gywir i gefnogi unigolion gyda dementia, gofalwyr sy’n gofalu am rywun gyda dementia a’i gwneud yn gymdeithas ddiogel i unigolion gyda dementia fyw ynddi.

LG: Gwych ac mae’n rhaid i mi eich llongyfarch chi a’r tîm am sicrhau’r drydedd flwyddyn yn olynol ac rydym yn siŵr o’i gael y flwyddyn nesaf hefyd, wrth weithio tuag at fod yn awdurdod sy’n deall dementia, felly, da iawn ac unwaith eto, diolch i chi am eich amser heddiw. Rydw i’n siŵr y bydd pawb yn cytuno fod hyn wedi bod yn llawn gwybodaeth oherwydd mae’n bwysig i bobl wybod beth mae eu hawdurdod lleol yn ei wneud iddyn nhw hefyd felly diolch yn fawr iawn am eich amser heddiw a mwynhewch weddill yr Wythnos Gweithredu Dros Ddementia. Diolch yn fawr am ymuno â ni.

AJ: Diolch yn fawr iawn Luke.

LG: Gwych, cymerwch ofal. Hwyl. Wel, diolch yn fawr iawn i chi unwaith eto bawb a mwynhewch weddill y gweithgareddau a’r sesiynau ymwybyddiaeth. Unwaith eto, Luke ydw i a byddaf yn cynnal cyfweliad arall yfory felly dewch yn ôl i’w wylio. Diolch.

Derbyniwch ein prif straeon dros e-bost.

[button color=”” size=”large” type=”square_outlined” target=”new” link=”https://public.govdelivery.com/accounts/UKWCBC_CY/subscriber/new?topic_id=UKWCBC_CY_5″]TANYSGRIFWYCH[/button]

Wedi’i gefnogi gan Gyngor Wrecsam bydd HWB Cymraeg yn cynnal ystod o ddigwyddiadau, gweithgareddau, artistiaid a bandiau Cymraeg ar Sgwâr y Frenhines fel rhan o ŵyl Focus Wales.

Dewch i weithio ym maes gofal cymdeithasol, er mwyn eich cymuned.

Os nad ydych wedi ymweld â’r ŵyl o’r blaen yna ni fydd dod o hyd i’r HWB yn anodd gan y cynhelir yr HWB mewn pabell tipi anferth, ond yn aml gellir clywed y gerddoriaeth cyn i chi weld y tipi!

Yn ystod y dydd mae HWB Cymraeg yn cynnal gweithdai a digwyddiadau gan gynnwys gwersi Cymraeg, Parti Magi Ann a sioe hud.

Wrth iddi nosi mae’r tipi yn croesawu rhai o berfformwyr adnabyddus o Gymru a thu hwnt.

Er bod angen tocyn ar gyfer rhai digwyddiadau, mae mynediad i ddigwyddiadau eraill ar gael gyda band arddwrn FOCUS Wales, ac yn ystod y dydd yn gyffredinol bydd yr HWB ar agor i unrhyw un sydd eisiau galw heibio, mwynhau’r awyrgylch, dros goffi efallai (neu rywbeth o’r bar) gan fwynhau’r hyn sydd i’w gynnig.

Dywedodd Stephen Jones, Cydlynydd y Gymraeg yng Nghyngor Wrecsam: “Mae’n wych bod HWB Cymraeg yn ôl yn FOCUS Wales eto eleni. Gan fod y tipi yng nghanol y dref rydym yn cael llawer o ymwelwyr yn galw heibio i fwynhau rhywfaint o Ddiwylliant Cymru. “Mae rhaglen amrywiol yma sy’n addas i bobl o bob oedran a phob gallu”.

Meddai’r Cynghorydd Hugh Jones, Aelod Arweiniol Cymunedau, Partneriaethau, Gwarchod y Cyhoedd a Diogelwch Cymunedol:”Mae’r awyrgylch yn wych bob tro yn HWB Cymraeg ac mae’n gyfle gwych i hybu’r Gymraeg, os ydych yn rhugl ai peidio, neu os nad ydych yn siarad gair o Gymraeg – efallai y byddwch yn gadael wedi dysgu ambell air newydd.”

Mae modd gweld beth sydd ar y gweill yn HWB Cymraeg drwy lawrlwytho ap FOCUS Wales yma:

IOS (IPhone)

Android

Os ydych chi’n chwilio am yrfa newydd ac os hoffech chi helpu pobl yn eich cymuned, ystyriwch swydd gofal cymdeithasol.

[button color=”” size=”large” type=”square_outlined” target=”new” link=” https://fynghyfrif.wrecsam.gov.uk/cy/service/care_jobs_in_wrexham”]DOD O HYD I SWYDDI GOFALU LLEOL[/button]