Heddiw (22.5.26), mae Arweinydd Cyngor Wrecsam, y Cynghorydd Mark Pritchard, wedi cyhoeddi newidiadau syth i bortffolios Aelodau Arweiniol, fel rhan o ymrwymiad parhaus y Cyngor i gyflawni gwasanaethau ar draws y Cyngor.
Dyma’r newidiadau:
- Bydd y Cynghorydd John Pritchard yn symud i’r portffolio Gwasanaethau Corfforaethol.
- Bydd y Cynghorydd Beverley Parry-Jones yn cymryd cyfrifoldeb am Ofal Cymdeithasol i Oedolion.
- Bydd y Cynghorydd Terry Evans yn cymryd cyfrifoldeb am y portffolio Tai.
- Bydd y Cynghorydd David A Bithell yn cymryd cyfrifoldeb am bortffolio’r Amgylchedd.
Dywedodd y Cynghorydd Pritchard: “Hoffwn fanteisio ar y cyfle hwn i ddiolch i’r holl Aelodau Arweiniol sy’n ymgymryd â chyfrifoldebau newydd. Hoffwn ddweud diolch yn fawr am eu holl waith caled, ymrwymiad ac ymroddiad yn eu rolau blaenorol, ac rwy’n gwybod y byddant yn parhau yn eu rolau newydd gyda’r un ymroddiad ac ymrwymiad.
“Hoffwn hefyd ddiolch i’r Aelodau Arweiniol eraill a fydd yn cadw eu portffolios presennol am eu gwaith caled parhaus a’u hymrwymiad yn eu meysydd cyfrifoldeb.”
Bydd adroddiad sy’n cadarnhau’r manylion – a rolau Hyrwyddwyr y Cyngor – yn cael ei gyflwyno i Fwrdd Gweithredol y Cyngor er gwybodaeth ym mis Mehefin.
