Mae Aelod Arweiniol newydd Cyngor Wrecsam dros yr Amgylchedd, y Cynghorydd David A Bithell, wedi ymateb i Adroddiad Archwilio Cymru ar Wastraff.
Mae Adroddiad Archwilio Cymru ar Wastraff yn gyfres o werthusiadau perfformiad annibynnol sy’n asesu sut mae awdurdodau lleol yng Nghymru yn delio â gwastraff, ailgylchu a thargedau statudol.
Dywedodd y Cynghorydd David A Bithell
“Croesawu’r adroddiad gan Archwilio Cymru mewn modd cadarnhaol
- Mae gan Wrecsam record da iawn ym maes Gwastraff ac Ailgylchu er nad yw ein perfformiad wedi cynyddu yn ddiweddar er ein bod yn y chwartel uchaf yng Nghymru yn y blynyddoedd cynnar.
- Rydw i’n cydnabod bod ein costau’n uchel, er, i roi hyn mewn cyd-destun, mae ein timau mewnol sy’n gweithio yn y gwasanaethau gwastraff hefyd yn gweithio ar draws meysydd cynnal a chadw tiroedd a phriffyrdd ac maen nhw’n amlswyddogaethol.
- Mae ein contract MCP yn gostus, er ei fod yn un o’r cyfleusterau mwyaf blaenllaw yng Nghymru, mae angen i ni ddeall ein costau a chynllunio at pan fydd y cytundeb yn dod i ben a gwneud unrhyw arbedion effeithlonrwydd neu gynhyrchu incwm i leihau costau. Rydyn ni’n gweithio gyda’n cyflenwr i gynllunio a chefnogi mentrau sydd wedi’u targedu’n well, gan gynnwys yr ystafelloedd addysgol sydd ar gael.
- o ran perfformiad – er ei fod ar hyn o bryd yn is na’r targedau statudol, rydyn ni’n bwriadu cynyddu ein cyfraddau ailgylchu a chompostio. Bydd y strategaeth ddiwygiedig y byddwn ni’n ei chyflwyno ddechrau mis Medi yn canolbwyntio’n glir ar gynyddu ein cyfraddau ailgylchu a’n gwaith ymgysylltu â’r cyhoedd. Rydyn ni hefyd yn bwriadu cyflwyno bagiau trymach a bocsys ailgylchu newydd gan fod y capasiti ledled Wrecsam yn gymysg rhwng trolïau a bocsys ailgylchu.
- Mae angen i ni ymgysylltu’n well ag aelodau etholedig a’n hetholwyr ar sut y gallwn ni wella’r gwasanaeth ynghyd â chynllun ar sut y byddwn ni’n cyrraedd 70%. Rydyn ni wedi gostwng o ran lefelau ymgysylltu cadarnhaol yn y maes hwn ac mae angen gwella fel bod penderfyniadau yn y dyfodol yn cael eu deall yn llawn. Byddwn ni’n cyflwyno swyddog cyfryngau newydd yn benodol ar gyfer y gwasanaeth. Bydd y swydd hon yn ymgysylltu â’n tîm strategaeth gwastraff sydd â bylchau o ran capasiti. Bydd hyn yn sicrhau bod ymgysylltu a rhannu gwybodaeth gyda’n hetholwyr a’n haelodau etholedig yn well.
- Rydyn ni’n gweithio’n galed i fynd i’r afael ag achosion sylfaenol ein gostyngiad mewn perfformiad a gwella dadansoddi data, gan gynnwys cost y gwasanaeth. Bydd y gwaith hwn yn cael ei gyflymu i sicrhau ein bod yn gwneud penderfyniadau gwybodus yn y dyfodol.”
Mae rhagor o wybodaeth am Archwilio Cymru Gwastraff i’w gweld ar wefan Archwilio Cymru Gwastraff.
