Os na wnaethoch chi gofrestru ar gyfer casgliadau gwastraff gardd yn gynharach yn y flwyddyn ac yn difaru peidio, na phoener – dyw hi ddim yn rhy hwyr i ymuno â’r gwasanaeth.
Mae’r tâl gwasanaeth wedi ei rewi ar £35 y bin ac yn rhedeg o’r dyddiad y byddwch chi’n cofrestru hyd at 31 Mawrth, 2026, felly mae’n well cofrestru cyn gynted â phosibl er mwyn cael y gwerth gorau. Yn syml, po gynharaf y byddwch chi’n ymuno, y mwyaf o gasgliadau y byddwch chi’n eu cael.
Talwch ar-lein lle bo hynny’n bosibl
Y ffordd hawsaf i dalu am y gwasanaeth yw ar-lein yn wrecsam.gov.uk/gwastraffgardd.
Gall unrhyw breswylwyr a hoffai gael ychydig o gymorth i wneud taliad ar-lein ymweld â Galw Wrecsam yn Llyfrgell Wrecsam, neu gallwch alw heibio eich swyddfa ystâd dai leol. Rhowch wybod i’n staff eich bod am dalu am eich casgliadau gwastraff gardd a byddant yn eich helpu drwy’r broses, a gallant hyd yn oed eich helpu i greu cyfeiriad e-bost os nad oes un gennych.
- Cofrestru -
Gall ffrind neu berthynas danysgrifio ar-lein ar eich rhan.
Rhaid bod gennych gyfeiriad e-bost i danysgrifio ar-lein. Os nad oes un gennych, gallwch ffonio Strydlun ar 01978 298989 i dalu â cherdyn.
Dywedodd y Cyngh Terry Evans, Aelod Arweiniol dros yr Amgylchedd a Thrafnidiaeth: “Wrth i’r haf agosáu a phobl yn defnyddio eu gerddi mwy, rydyn ni eisiau atgoffa preswylwyr y gallan nhw ymuno â’r cynllun casglu gwastraff gardd o hyd. Os ydych chi nawr eisiau ymuno, ewch draw i wrecsam.gov.uk/gwastraffgardd a dilyn y cyfarwyddiadau i dalu am y gwasanaeth.
“Os oes angen unrhyw gymorth arnoch i wneud eich taliad, gallwch gael hwn yn Galw Wrecsam yn Llyfrgell Wrecsam, neu o’r swyddfeydd ystadau tai. Hefyd gallwch ffonio Strydlun ar 01978 298989 i wneud eich taliad.”
Dim sticeri bin
Eleni ni fyddwn yn anfon sticeri bin fel rhan o’r gwasanaeth casglu gwastraff gardd. Yn hytrach, byddwn yn defnyddio ein system logistaidd i nodi eiddo sydd wedi talu am y gwasanaeth diweddaraf. Rydym yn argymell i chi arddangos eich enw neu rif eich tŷ ar eich bin gwyrdd i’w gwneud hi’n haws i ni baru’ch bin yn erbyn y manylion ar ein system.
Telerau ac Amodau
Yn flaenorol rydym wedi anfon telerau ac amodau’r gwasanaeth gwastraff gardd fel rhan o’ch pecyn sticeri biniau. Gan na fyddwn bellach yn anfon sticeri bin, ni fyddwn yn anfon copïau papur o’r telerau a’r amodau.
Yn hytrach, byddwch yn gallu gweld y rhain ar-lein neu os byddai’n well gennych, gallwch gasglu copi papur mewn person o Galw Wrecsam.
Beth galla i ei wneud gyda fy ngwastraff gardd os nad ydw i eisiau talu am y gwasanaeth casglu?
Gallwch fynd â’ch gwastraff gardd i un o ganolfannau ailgylchu gwastraff y cartref (yn rhad ac am ddim). Fel arall, gallech gompostio gwastraff gardd gartref. Cymerwch olwg ar ganllaw Cymru’n Ailgylchu ar ‘Sut i sefydlu compostio gartref’ sy’n darparu gwybodaeth ddefnyddiol.
Am fwy o wybodaeth, ewch i wrecsam.gov.uk/gwastraffgardd
Gallwch dderbyn gwybodaeth ac argymhellion ailgylchu yn syth i’ch mewnflwch
Os ydych yn cofrestru i dderbyn ein hysbysiadau e-bost ar Wybodaeth ac Argymhellion Ailgylchu, gallwn anfon ein straeon newyddion diweddaraf ac argymhellion i chi, er mwyn eich helpu i gael y mwyaf allan o’ch ailgylchu, cyngor lleol (gan gynnwys newidiadau sy’n effeithio arnoch chi), a manylion ar ymgyrchoedd sydd ar y gweill i chi gymryd rhan ynddynt.
Ydych chi’n derbyn ein e-byst i’ch atgoffa am eich bin?
Pan fyddwch chi’n cofrestru i dderbyn y rhybuddion, fe fyddwch chi’n cael e-bost i’ch atgoffa cyn eich casgliad nesaf, ond mae hefyd yn ffordd dda i ni gysylltu â chi am unrhyw amhariadau allai effeithio ar y gwasanaeth. Os hoffech chi e-byst i’ch atgoffa am eich bin, cliciwch yma a dilynwch y ddolen i gofrestru.
