Mae teithwyr yn cael eu hysbysu am newidiadau dros dro i rai gwasanaethau bysus tra bod gwaith ailwynebu yn digwydd ar y B5605 rhwng Gorffennaf 28 ac Awst 11.
Bydd yr holl wasanaethau sy’n teithio allan o Orsaf Fysus Wrecsam yn parhau i ddilyn eu llwybrau arferol. Bydd gwyriadau yn berthnasol i’r gwasanaethau canlynol sy’n teithio tuag at Wrecsam:
- Bydd gwasanaethau 2, 2A o Groesoswallt, 2C o Gefn Mawr a 5 o Langollen yn gwasanaethu’r brif ffordd ger Gorsaf Rhiwabon cyn troi i Stryt y Parc ger Tafarn Wynnstay. Yna, byddant yn teithio ar hyd yr A483 rhwng cyffyrdd 1 a 3, gan ailymuno â’u llwybr arferol yn Ffordd Wrecsam yn Rhostyllen. Bydd safle bws dros dro yn cael ei ddarparu ar Stryt y Parc ger Tafarn Wynnstay.
- Bydd gwasanaethau 3, 4A, 4C a 6 o Ben-y-Cae, Rhos, Ponciau a Johnstown yn dargyfeirio ar hyd Ffordd Bangor a’r A483 rhwng cyffyrdd 2 a 3, cyn ailymuno â’u llwybr arferol ar Ffordd Wrecsam yn Rhostyllen.
Mae’r gwahanol lwybrau dargyfeirio yn angenrheidiol oherwydd bod rhai gwasanaethau yn defnyddio bysus deulawr, ac ni allant deithio o dan y bont isel ar Ffordd Bangor.
Anogir teithwyr i neilltuo amser ychwanegol ar gyfer eu teithiau tra bod y trefniadau dros dro ar waith.
