Mae atwrneiaeth arhosol yn rhoi llais i chi ac yn diogelu eich penderfyniadau. Maen nhw’n ddefnyddiol i bawb dros 18 oed.
Mae’r ddogfen gyfreithiol hon yn ei gwneud hi’n haws i’r bobl rydych chi’n ymddiried ynddyn nhw eich cefnogi pan fydd ei angen fwyaf arnoch chi.
Mae’n golygu eich bod yn cadw rheolaeth ar rai penderfyniadau drwy ddewis pwy rydych chi am eu gwneud os byddwch chi’n colli’r pŵer i wneud rhai penderfyniadau. Gallai hyn fod dros dro i’ch helpu i reoli eich arian yn ystod arhosiad byr yn yr ysbyty, neu ar gyfer penderfyniadau tymor hwy am eich iechyd a’ch gofal.
Sut mae’n gweithio
Mae dau fath gwahanol o atwrneiaeth arhosol, neu AA. Mae un yn ymwneud ag eiddo a chyllid, fel talu biliau neu reoli cyfrifon banc. Mae’r llall yn ymwneud ag iechyd a lles, fel triniaeth feddygol neu amodau byw.
Pan fyddwch chi’n gwneud atwrneiaeth arhosol rydych chi, sef y “rhoddwr”, yn enwi pobl rydych chi’n ymddiried ynddyn nhw, sef “atwrneiod”. Mae atwrneiod yn gwneud penderfyniadau ar eich rhan os nad ydych chi’n gallu gwneud hynny.
Swyddfa’r Gwarcheidwad Cyhoeddus sy’n gyfrifol am gofrestru atwrneiaeth arhosol. Ar ôl ei rhoi ar waith, gall y bobl rydych chi’n ymddiried ynddynt gamu i mewn yn gyflym ac yn ddidrafferth.
Gwybodaeth bwysig
- ni fyddai teulu na ffrindiau agos yn gallu gwneud penderfyniadau ar eich rhan os byddwch yn colli’r pŵer i wneud rhai penderfyniadau heb AA
- mae’n debyg bod cofrestru atwrneiaeth arhosol yn haws ac yn rhatach nag y byddech chi’n ei feddwl. Yn dibynnu ar eich amgylchiadau, efallai na fydd tâl hyd yn oed
- mae gwneud atwrneiaeth arhosol yn helpu i gynllunio ar gyfer eich dyfodol ar eich telerau eich hun
Mwy o wybodaeth am atwrneiaeth arhosol: https://powerofattorney.campaign.gov.uk
Pwy fydd yn siarad ar eich rhan os na allwch siarad drosoch eich hun? Ymunwch â’r sgwrs ar-lein #EichLlaisEichPenderfyniad
